Noyabrning oxirgi «uik-end»i ham murosasiz va qiziqarli bahslarga boy bo‘ldi. APLda amaldagi chempion navbatdagi zafar evaziga yetakchilik mavqeini mustahkamlab oldi. Yaqin ta’qibchilarning biri ham ochkolari sonini 3taga oshirib oldi, ammo ikkinchisi mavsumdagi ilk mag‘lubiyatini tan oldi. La Ligada esa peshqadam yana o‘zgardi, tur grandlar uchun omadsiz keldi. Bundesliga bayroqdori o‘z uyida autsayder bilan jangovar durangga erishdi.
Angliya. Sarrining dastlabki maG‘lubiyati
Hisobot turida Londonga tashrif buyurgan «Manchester Siti» «Vest Xem» ustidan yirik (4:0) g‘alabaga erishdi. Mehmonlar ustunligida o‘tgan uchrashuvda Gvardiola shogirdlari tezkor qarshi hujum taktikasidan unumli foydalandilar. Ispaniyalik David Silva hisobni ochib, qatorasiga 3-o‘yinda o‘z nomini tabloga yozdirib qo‘ydi. Rahim Sterling va Leroy Sanening gollarida ham u faolligi bilan ko‘maklashdi. Shu tariqa «Siti» 67 yildan beri ilk marta Londondan qatorasiga 6 marta g‘olib sifatida qaytgan jamoaga aylandi. Bunday natijani 1950|1951 yillar mavsumida «Portsmut» qayd etgandi.
O‘z navbatida, «Liverpul» ham safarda «Uotford»ni ishonchli tarzda yengib (3:0), peshqadamning olislab ketishiga yo‘l qo‘ymadi. Biroq mezbonlardan 3 ochkoni tortib olish oson bo‘lmadi - Saloh, Aleksander-Arnold va Firminoning gollari so‘nggi 24 daqiqa ichida amalga oshirildi.
Ikkinchi ta’qibchi - «Chelsi» esa «Tottenxem»ga qarshi London derbisida mavsumdagi dastlabki mag‘lubiyatini (1:3) tan oldi. Bu «ko‘klar»ning Maurisio Sarri davridagi ilk omadsizligi edi. Maurisio Pochettino jamoasi mazkur g‘alabadan keyin «Chelsi» bilan o‘rin almashib oldi.
Londonning boshqa bir nomdor jamoasi - «Arsenal» esa «Bornmut» safaridan 3 ochko bilan qaytib, yetakchi kvartetga yaqinlashib oldi. «To‘pchilar»ga muhim g‘alabani hadya etgan Obameyyang gollari sonini 8taga yetkazib, Aguero bilan tenglashib oldi.
O‘z uyida «Kristal Pelas» qarshiligini sindira olmagan «MYU» va uning murabbiyini «Old Trafford»dagi 75000 muxlis kuchli hushtakbozlik bilan kuzatib qo‘ydi. Oxirgi 48 yil ichida ilk marta «Qizil iblislar» bu jamoa darvozasiga yo‘l topa olmadilar va «Everton»ni oldinga o‘tkazib yubordilar.
Ispaniya. Yangi karvonboshi va «Real»ning sharmandaligi
13-tur «Barselona», ayniqsa, «Real» uchun chin ma’noda omadsiz keldi. To‘g‘ri, peshqadam o‘zining asosiy ta’qibchilaridan bo‘lmish «Atletiko» bilan Madridda kuch sinashdi va zaxiradan tushirilgan Dembelening aniq zarbasi evaziga mag‘lubiyatdan qutulib qoldi. Yetakchining ochko yo‘qotishidan unumli foydalangan «Sevilya» «Valyadolid» darvozasiga urilgan yagona gol evaziga 1-o‘ringa ko‘tarilib oldi.
Santyago Solari rahbarligida 2ta g‘alabaga erishgan «Real» «Eybar»ga 3 ochko umidida borganiga shubha yo‘q. Ammo barcha o‘yinchilarining qiymati birgina Kurtuaning bahosidan kam bo‘lgan jamoaning mohir darvozabonni 3 marta dog‘da qoldirishi hech kimning xayoliga kelmagandi. To‘g‘ri, YECHLning amaldagi g‘olibi faollikni oshirgan bo‘lsada, o‘z ustunligini golda ifodalay olmadi. Hozir «Qirollik klubi» va «Sevilya» o‘rtasidagi farq atigi 6 ochko, uni bartaraf etish mumkin. Biroq eng asosiysi, «Real» shunga yarasha o‘yin ko‘rsata olmayapti.
Italiya. «Yuventus» uzoQlashmoQda
Ortda qolayotgan har bir tur «A» seriya yetakchisini nurli cho‘qqiga tobora yaqinlashtirmoqda. Ta’qibchilarning ochko yo‘qotishlari esa «Keksa sinyora»ga xotirjam to‘p surish imkoniyatini berayotgandek, go‘yo. 13-turda «Yuventus» Turinda kamtarin SPALni qabul qilib, har bo‘limda bittadan gol bilan siyladi, 29-daqiqada hisobni ochgan Ronaldu esa chempionatdagi gollari sonini 9taga yetkazib oldi. Bu «A» seriya debyutantlari uchun so‘nggi 50 yil ichidagi eng yuqori mahsuldorlikdir! Qolaversa, Krishtianuning qatorasiga 6ta o‘yinda maydonni golsiz tark etmayotganligi ham o‘ziga xos natija.
Ikkinchi pog‘onada borayotgan «Napoli» kutilmaganda autsayder - «Kyevo»ni yenga olmadi. Ya’ni, mehmonlarga bir ochkoni hadya etib, o‘zi qimmatli 2 ochkodan judo bo‘ldi. Natijada yetakchi yana farqni oshirdi.
«Juzeppe Meassa»da ikkinchi autsayder - «Frozinone»ni ortiqcha qiyinchiliksiz mag‘lub etgan «Inter» ham «Napoli»ga yetarli tashvish tug‘dirishi aniq. Boisi, bu ikki jamoa o‘rtasidagi farq atigi bir ochko, xolos.
Milan shahrining nomdosh klubi Rimdan 3 ochko bilan qaytishga yaqin turgandi. Biroq qo‘shimcha vaqtning so‘nggi daqiqasida Korrea muvozanatni tiklab, «Lasio»ni mag‘lubiyatdan qutqarib qoldi.
Germaniya. Omad «Fortuna» tomonida
Hozir Bundesligada kamdan-kam uchraydigan vaziyat yuzaga keldi - nemis grandining marraga birinchi bo‘lib kelish ehtimoli tobora pasayib bormoqda. Noyabrda birorta g‘alabaga erisha olmagan jamoa uchun «Fortuna»ni yengish so‘nggi imkoniyat edi. Ammo bu umid ham puchga chiqdi. Vaholanki, Niko Kovach shogirdlari 20-daqiqada 2:0, 58-daqiqada esa 3:1 hisobida oldinda edilar. Lekin mehmonlar yarim himoyachisi Dodi Lukebakio nafaqat Manuel Noyerni, balki butun «Alyans-Arena»ni dod deyishga majbur etdi. Raqib futbolchisining «xet-trik»ka erishishidan ko‘ra ta’sirchanroq, azobliroq jazo bo‘lmasa kerak grand va uning muxlislari uchun!
Yetakchilikni o‘z qo‘liga olgan ikki nomdosh jamoalar esa navbatdagi g‘alabalar hisobiga bayroqdordan uzoqlashishni davom ettirdilar. Dortmundliklar safarda «Mayns» ustidan 2:1, Myonxengladbax vakillari esa o‘z maydonlarida «Gannover»dan 4:1 hisoblarida ustun keldilar.
Augsburgda Sebastyan Allerning fidoyiligi evaziga ishonchli (3:1) g‘alabaga erishgan «Ayntraxt» 3-o‘ringa chiqib oldi. E’tiborlisi, mehmonlarning 24 yoshli fransiyalik hujumchisi oxirgi 5ta o‘yinda 6ta gol urdi va eng yaxshi to‘purarlar safiga ko‘tarildi. Qo‘shimchasiga, 4ta samarali uzatmalari bilan gol}pas tizimida yaqqol peshqadam bo‘lib oldi.
Fransiya. «Monako» ham zafar Quchdi
Nihoyat, knyazlik klubining joriy mavsumdagi ayanchli seriyasi yakunlandi - 3 oydan beri g‘alaba nima ekanini bilmay kelayotgan «Monako» safarda «Kan»ni kichik hisobda mahv etdi. Orziqib kutilgan g‘alabani ta’minlagan yagona golni Radamel Falkao amalga oshirdi. Hujumchining standart vaziyatdan yo‘llagan zarbasiga bosh murabbiy Tyerri Anri yuksak baho berdi.
Ta’qibchilaridan ancha ilgarilab ketgan «PSJ» esa 100 foizli seriyani davom ettirmoqda. Bu gal Mbappe va Neymarsiz maydonga tushgan poytaxt jamoasi «Tuluza» darvozasini bir bor ishg‘ol etish bilan kifoyalandi. Gol Edinson Kavani hisobiga yozildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
