Sir emaski, ot sporti bo‘yicha Olimpiya o‘yinlarida ishtirok etgan delegasiya qatnashuvchilar orasida alohida hurmat-e’tiborga loyiq bo‘ladi, qudratli sport mamlakati sifatida qayd etiladi.
Chunki, sportning ushbu turida nafaqat chavandozlar, balki otlarga ham alohida e’tibor qaratish lozimdir. Bungacha O‘zbekiston ot sporti bo‘yicha Olimpiya o‘yinlarida ishtirok etmagan. 2018 yilgi Osiyo o‘yinlariga kelibgina biz ilk marotaba o‘z otlarimiz bilan musobaqada ishtirok etdik.
1991 yildan so‘ng ot sporti bo‘yicha Olimpiya o‘yinlariga lisenziya taqdim etuvchi musobaqalar asosan G‘arbiy Yevropa mamlakatlarida tashkil etilardi. Bu esa Markaziy Osiyo mamlakatlari, jumladan O‘zbekiston uchun ham Olimpiada lisenziyasini qo‘lga kiritish imkoniyatlarini sezilarli ravishda pasaytirib yuborardi. Chunki, veterinariya talablariga ko‘ra otlar Yevropa mamlakatlarida 90 kun karantinda bo‘lishi lozim. Buning natijasida otlar bilan mashg‘ulot o‘tkazish imkoniyati kamayadi. Qolaversa, bu katta harajatlarni talab etadi.
Kuni kecha Xalqaro ot sporti federasiyasining yig‘ilishida Tokio Olimpiadasiga lisenzion musobaqalardan biri Moskva shahrida o‘tkazilishi haqida qaror qabul qilindi. Bu bizga nima beradi? Yuqorida qayd etilganidek, G‘arbiy Yevropa mamlakatlaridan farqli ravishda biz otlar bilan birgalikda Moskva shahriga tezroq yetib boramiz. Shuningdek, otlar uchun 90 kunlik karantin belgilanmagan. Bundan tashqari til, viza bilan bog‘liq muammolar ham biz uchun boshog‘riq bo‘lmaydi, Yevropaga otlar bilan borish uchun sarflanadigan harajatlar ham qisqaradi. Biz sanab o‘tgan «plyus» tomonlar sportchilarimizning lisenziya olish uchun imkoniyatlarini sezilarli ravishda oshiradi.
Qayd etish lozimki, lisenzion musobaqani nisbatan yaqin bo‘lgan Moskva shahrida o‘tkazish uchun Rossiya, O‘zbekiston va Qirg‘iziston ot sporti federasiyalari hamjihatlikda ish olib borishdi (Chunki, Markaziy Osiyoda ot sporti bo‘yicha bunday lisenzion musobaqani o‘tkazish uchun jahon standartlari talablariga javob beradigan inshoot mavjud emas. Eng yaqini Moskva shahrida joylashgan). Qolaversa, O‘zbekiston Milliy olimpiya qo‘mitasi tomonidan bu borada Xalqaro ot sporti federasiyasiga murojaatnomalar yuborildi. Bu esa o‘z samarasini berdi va Moskva shahri Tokio Olimpiadasiga yo‘llanma beruvchi musobaqaga mezbonlik qilish huquqini qo‘lga kiritdi.
Umid qilamizki, 2019 yilning 27-31 iyul kunlari Rossiya Federasiyasi poytaxtida o‘tkaziladigan musobaqada o‘zbek chavandozlari tarixda ilk marotaba Olimpiya o‘yinlari lisenziyasini qo‘lga kiritadilar. Milliy olimpiya qo‘mitasi bu yo‘lda O‘zbekiston yilqichilik va ot sporti federasiyasiga muvaffaqiyatlar tilab qoladi.
Neftchi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
