Hozirda Angliya premyer-ligasida o‘yinlar qizigandan qizimoqda! Chempionlik poygasini qo‘yib turing, kuchli to‘rtlik uchun ham ayovsiz kurash ketmoqda. Bugun chempionlik poygasida kimda imkoniyat ko‘proq ekanligini chamalab ko‘ramiz. Chempionlik uchun 6 ta jamoadan boshqasida tarkib jihatdan ham, taktik jihatdan ham, hatto mantiqan ham imkon yo‘qligini muxlislar yaxshi bilib turishibdi. Xo‘sh, chempionik uchun kurashdagi 6ta jamoaning imkonlarini chamalab chiqamiz
5-o‘rin. «Manchester Yunayted»
To‘g‘risi, omadli debyutdan ruhlanib ketgan «qizil iblislar»ning ayrim muxlislari hatto chempionlik uchun ham imkon bor deb hisoblashlari mumkin. Lekin mantiqan olib qaralsa, ularda deyarli imkon yo‘q. Sulsher Mour yo‘qotgan ochkolardan keyin buni uddalashining iloji deyarli yo‘q. "MYU" rahbariyati ham buni to‘g‘ri tushungan holda, vaqtinchalik murabbiy vazifasini bajarayotgan Ule-Gunnar oldiga mavsumda kuchli to‘rtlikda yakunlash vazifasini qo‘ydi.
4-o‘rin. «Chelsi»
Ko‘pchilik italiyalik mutaxassisdan kutgan o‘yinini Sarri ko‘rsatishga urinmoqda. Lekin birinchi mavsumning o‘zida buni uddalash, chamamda, sigaretalar kushandasining qo‘lidan kelmasa kerak. Sababi, «Chelsi» autsayderlar bilan o‘yinlarda ortiqcha ochko yo‘qotdi. Mavsum so‘ngida esa har bir ochko oltinga teng bir paytda pastdagi jamoalardan ochko olish juda ham qiyin bo‘lib ketishini hisobga olsak, «Chelsi»da chempionlik uchun juda ham kam.
3-o‘rin. "Tottenhem»
«Shporlar»da hozirda imkoniyat bordek ko‘rinmoqda. Lekin ularning zaxira o‘rindig‘i biroz torroq. Bundan tashqari, Pochettino shogirdlari 3ta frontda kurash olib borishmoqda. Yana bir katta omil «Tottenhem» bosh murabiyining atrofida aylanib yurgan ketish haqidagi gap so‘zlar. Pochettinoni goh «Manchester Yunayted» jamoasiga ketadi deyishsa, goh «Real» u bilan muzokara o‘tkazmoqda, degan mish-mishlar tarqamoqda. Yaqinda esa Yevropa OAV murabbiy va rahbariyat o‘rtasida kelishmovchilklar haqida yozgan edi. Qisqacha qilib aytganda, «Tottenhem»da kuchli to‘rtlikka kirish imkoniyati bor, ammo chempionlik uchun imkoniyat imkon yuqori emas.
2-o‘rin (A variant). «Arsenal»
Unay Emeri «Arsenal»ga yangi zamon futboli va barqarorlik olib kira oldi. Ilk mavsumning o‘zidayoq Emeri «kononirlar»ni o‘z kuchiga ishontira oldi. Jamoa autsayderlar bilan o‘yinlarda deyarli ochko yo‘qotmayapti. Yutqazib turib ham bir necha marotaba vaziyatni o‘nglab keta oldi. Jamoada yaxshi to‘purar va fantazista bor. Eng quvonarlisi shundaki, zaxira o‘rindig‘i ham juda kuchli. Asosiysi, rotasiyani Emeri o‘z o‘rnida olib bormoqda. Ochkolar borasida ortda qolayotganiga qaramay, «Arsenal»da «Liverpul» bilan bir xil imkoniyat bor.
2-o‘rin (B variant). «Liverpul»
Klopp shogirdlari hozirda o‘tkazilgan 18ta turdan so‘ng «Arsenal»dan 11 ochko oldinda ketayotgan bo‘lsa ham, ularning chempionlik poygasida imkoniyatlari «Arsenal» bilan bir xil. To‘g‘ri, bunga ishonish qiyindek. Lekin, keling, izohlab beramiz. «Liverpul» bu mavsum xohlasa-xohlamasa, Yevropa chempionlar ligasiga katta urg‘u beradi. Klopp jamoasi APL jamoalari orasida eng katta jismoniy kuch sarflab, g‘alaba qozonadigan klub hisoblanadi. Ular deyarli himoyalanishmaydi. Butun o‘yin davomida pressing ishlatishadi. Afsuski, Klopp jamoasining zaxira o‘rindig‘i u qadar kuchli emas. «Liverpul»ning asosiy kuchi boshlang‘ich tarkibda maydonga tushmoqda. Mersisaydliklar kuchli pressingga asoslangan jismoniy futbol ko‘rsatishda davom etarkan, APLning so‘nggi turlariga borib jismonan ancha zaiflashib qoladi. APLning oxirgi turlarida bilasiz, kurash qanday borishini. Qisqacha qilib aytganda, bu mavsumda yengilmagan «Liverpul»da imkoniyat 1-o‘rindagi jamoanikidan biroz kamroq.
1-o‘rin. «Manchester Siti»
Hozir 2-o‘rinda borayotgan «Manchester Siti» jamoasida g‘oliblik uchun imkoniyat APLdagi jamoalarning barchasinikidan ko‘proq. Sababi shundaki, Gvardiola o‘z jamoasining jismoniy holatiga jiddiy e’tib qaratadi. «Shaharliklar» o‘z o‘yin uslublari bilan maydonda raqiblarini charchatishadi. O‘zlari esa kuchni tejagan holda to‘p nazoratiga urg‘u berib, g‘alabalarni qo‘lga kiritishadi. Pepning yana bir ustun tomoni shundaki, u o‘z o‘yin uslubini shogirdlariga shu qadar singitib yuborganki, «Siti» futbolchilari avtomatik ravishda kombinasiyalar ishlatishganini ko‘p bor guvohi bo‘ldik. «Shaharliklar» bu mavsum favoritlar bilan o‘zaro uchrashuvlarda kam ochko yo‘qotishdi. Ikkinchi davrada esa asosiy raqiblarni o‘z uylarida qabul qilishadi. Yana bir muhim faktor shundaki, Gvardiola jamoasida «Liverpul»ga nisbatan mavsum so‘ngigacha kamroq kuch ishlatishadi. Sababini yuqorida keltirib o‘tdik. «Liverpul» oxirgi 10 yilda bir necha bor chempionat davomida 1-pog‘onada borishmoqda ,ammo so‘nggi turlardagi yo‘qotilgan ochkolar evaziga bir necha bor pand yeyishdi. Gvardiola nafaqat kuchli murabbiy, balki yaxshi taktik hamdir. U mavsum so‘ngigacha futbolchilarining jismoniy imkoniyatlarini chamalab qo‘ygani va rotasiyadan o‘z o‘rnida foydalanayotgani finishga yaqin qolganda yaqqol sezilib qolsa, ajab emas.
YA.U.
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
