"Navbahor” futbol klubi 1978 yili tashkil topgan. Jamoa dastlab “Tekstilshik” nomi bilan sobiq ittifoq chempionatida ishtirok etgan. 1980 yilga kelib “Tekstilshik” nomi “Navbahor”ga o‘zgartirilgan. Shuningdek, jamoa 1984 – 1987 yillar oralig‘ida “Avtomobilist” nomi ostida ham to‘p surgan.
“Navbahor” 1992 yildan boshlab o‘tkazib kelinayotgan milliy chempionatimiz bahslarida muntazam ravishda qatnashib kelmoqda. "Lochinlar" jamoasi yuqori diviziondan hali pastga tushib ketmagan ikkita klubdan biri sanaladi.
1992 yilda chempionatda beshinchi o‘rinni egallagan “Navbahor”, O‘zbekiston tarixidagi birinchi mamlakat Kubogini qo‘lga kiritgan. 1993, 1994 va 1995 yillari chempionatning bronza medallari sohibi bo‘lgan. 1993 yil Kubok finaligacha borgan “Navbahor”, 1995 yili o‘zining ikkinchi Kubogiga ega chiqqan. 1996 yil Namangan klubi birinchi va hozirgacha ohirgi bo‘lib turgan chempionlikka erishgan. Keyingi uch mavsumda ketma-ket uch marta bronza medallarini yutgan. 1998 yili esa o‘zining uchinchi Kubogiga ega chiqqan. 1999 yili O‘zbekiston Superkubogining birinchi sohibiga aylangan.
Jamoa o‘sha yillari xalqaro maydonda ham yomon natijalar qayd etmagan. Osiyo kubok egalari kubogida 1999/2000 mavsumda yarim finalgacha borgan va Eronning “Al-Zavraa” jamoasiga imkoniyatni boy bergan.
2000, 2001 va 2002 yillarda “Navbahor” chempionatni medallarsiz tugatgan. 2003 va 2004 yillari esa yana bronza medallarini yutishga erishgan. 2005 yildan boshlab klubda biroz turg‘unlik kuzatildi. Keyinchalik “Navbahor”ning eng katta yutug‘i 2017 yildagi beshinchi o‘rin bo‘ldi. Oradan 14 yil o‘tgach esa, 2018 yil O‘zbekiston Superligasi yakunlariga ko‘ra jamoa uchinchi o‘rinni egallab, yana bir bora bronza medaliga sohibiga aylandi.
Erishgan natijalari
O‘zbekiston chempioni (1996)
9 karra O‘zbekiston chempionati bronza medali sohibi (1993-1995, 1997-1999, 2003, 2004, 2018)
3 karra O‘zbekiston Kubogi sohibi (1992, 1995, 1998)
O‘zbekiston Superkubogi sohibi (1999)
Jamoa tarkibida to‘p surgan mashhur futbolchilar
Amet Memet
Oleg Mirniy
Oleg Shaskix
Server Jeparov
Gennadiy Denisov
Azamat Abduraimov
Farhod Magometov
Georgiy Zabirov
Rustam Zabirov
Rustam Do‘rmonov
Jafar Irismetov
Ilhom Mo‘minjonov
Ravshan Bozorov
Marat Kabayev
Fevzi Davletov
Hayrulla Karimov
Ilxom Sharipov
Leonid Koshelev
Aleksandr Xvostunov
Guvanchmuhammed Ovekov
Pavel Leus
Jamoani boshqargan mashhur murabbiylar
Birodar Abduraimov
Viktor Jalilov
Rahim Kurbanmamedov
Rustam Zabirov
Baxtiyor Ashurmatov
Rashid G‘ofurov
Ilhom Mo‘minjonov
Andrey Kanchelskis
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
