O‘zbekiston Professional futbol ligasi o‘zbek klublarini lisenziyalash bo‘yicha reglament talablarini bajargan klublar haqida ma’lumot berdi.
“OAVda avvalroq O‘zbekiston klublarining to‘rt nafari OFK lisenziyalash talablarini bajarganligi, yana uch nafar klub esa, sanksiyalar bilan ushbu lisenziyalash talablarini bajargani haqida xabar berilgan edi.
O‘zbekiston Professional Futbol Ligasi klublarni lisenziyalash bo‘yicha milliy reglamentni ishlab chiqqani va u klublarga taqdim etilgani haqida avvalroq xabar berilgan edi. Ushbu reglament, shuningdek keng jamoatchilik uchun ham havola etilgani va uni rasmiy saytdan yuklab olish mumkinligini eslatib o‘tish joiz.
E’tiborlisi, ushbu lisenziyalash talablarini ishlab chiqishda Professional Futbol Ligasi OFK lisenziyalash talablaridan kelib chiqqan, ammo ayrim talablar OFK talablaridan ham jiddiyroq hisoblanadi. OFK lisenziyalash talablarini klublar o‘rtasida OFK musobaqalarida qatnashadigan klublar bajarishi shart hisoblanadi.
Qolgan klublar esa OFK lisenziyalash talablarini bajarishi shartli hisoblanmaydi, boisi ular milliy lisenziyalash talablarini bajarishi lozim va bu lisenziya ularga futbol bo‘yicha O‘zbekiston chempionati uchrashuvlarida qatnashish uchun imkon beradi.
Istalgan klub OFK lisenziyasini olishi mumkin, ammo shu bilan birgalikda, ular milliy chempionatda ishtirok etish uchun milliy lisenziyani ham qo‘lga kiritishlari shart.
Hozirga kelib, O‘zbekistonning 7 ta klubi OFK lisenziyalash talablarini bajargan va OFK lisenziyasini qo‘lga kiritgan. OFK ulardan uchtasiga – “Nasaf”, AGMK va “Navbahor” klublariga sanksiyalar bilan, ya’ni ma’lum imtiyozlar orqali klublarga OFK lisenziyasini taqdim etgan.
Ushbu klublar ma’lum muddat davomida OFK talablarini bajarishi shart. Qolgan klublar esa milliy lisenziyaga egalar. Bu yildan boshlab, milliy lisenziyalash talablari yanada kuchaytirildi. Klublarning o‘z akademiyalari bo‘lishi, stadion infratuzilmasi, shuningdek bir qator boshqa mezonlar shartli qilib qo‘yildi.
Qolaversa, Professional Futbol Ligasi klublarni lisenziyalash bo‘yicha maxsus komissiyasi yil davomida klublarni monitoring qilib borish vakolatini o‘zida qoldiradi”, deyiladi O‘zPFL ma’lumotida.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
