Maydonga keldingiz, sezyapsizki kechasi ko‘rganingiz Yevropadagi maydon oldida ancha haroba. Siz buni tushunyapsiz, kimdir esa chiroyli so‘zlar bilan qorishtirib, “ma’naviyatimiz qayga ketdi” qabilidagi maqolalar bilan ochko olyapti. Bu tahlil emas, bu gapdon odamlar uchun mavzu tashlab qo‘yish xolos.
Hayot shartta o‘zgarib, futbol ichiga kirib qolmaganimda quyidagi savollarga javob olishni istardim, balki surishtiruv o‘tkazardim.
— Nima uchun kamida 6 ta klub yillik smetasini tasdiqlab bo‘lganidan va shuning asosida shartnomalar imzolaganidan keyin (taxminan mart-aprel oylarida), ularning smetasi to‘satdan qayta ko‘rib chiqildi va pullari keskin kamaytirildi?
O‘ylab ko‘raylik, raqobatga format emas, mana shu masala katta ta’sir o‘tkazgandir?
— “Paxtakor”, “Metallurg”, AGMK kabi klublarda yaqinlashish uchun de fakto imkoniyat yuzaga keldi. Bu holat chempionat o‘yinlariga qanchalik ta’sir ko‘rsatishi mumkin? ...
Shu mavzu tinimsiz ko‘tarilganidagina PFL ham majbur bo‘lardi bu haqda jiddiy o‘ylab ko‘rishga (hali ham o‘ylab yotibdi, ammo mavzu futboldan ancha jiddiyroq).
— Futbol klublari yillar davomida nima uchun moddiy-texnik bazasini yaxshilash ustida ishlamagan. Umuman stadionlar klublar tasarrufida bo‘lgani yaxshimi yoki bu ularga chindan ham og‘irlik qiladimi? ...
Biz nuqul tayyor emasmiz deymiz. Bu ketishda tayyor bo‘lmaymiz ham.
— Nima uchun ayrim jamoalarning yillik smetasi chempionlik uchun kurash olib borayotgan klublarnikidan ko‘prog‘-u, biroq ularning oldiga konkret maqsad qo‘yilmaydi? ...
"Otkat" tushunchasining lirik ko‘rinishi shu aslida.
— Nima uchun shu vaqtda qadar mukofot pullari bosh murabbiyning tanloviga ko‘ra berilgan. Nima uchun murabbiylar uzluksiz ravishda futbolchilarning shartnoma va maoshlari masalasiga aralashib kelgan? ....
Kishini ajablantiradigani, bosh murabbiy ishdan ketsa, unga qo‘shilib 10 ta futbolchi ham ketadi...
— Nima uchun klublar marketingda o‘sishga erishishga, jilla qursa muxlislarni stadionlarga chorlash ustida ish olib bormaydi? Boqimandaligi bunga asosiy sabab emasmi? ....
Bu ham yetmay, O‘FA klublarga homiy topishda yordam berishi kerak deydiganlar ko‘paygan. Men ularni qaynotasidan umidvor kuyovlarga juda o‘xshataman.
Hozircha yodimga tushganlari shu. Bularning har biri katta bir mavzuga aylanishi mumkin. Hozirgi holatda biz “Paxtakor” yoki “Nasaf” singari klublarning ko‘payishidan manfaatdormiz.
Biri xususiy sektor tomonidan moliyalashtiriladi, bu nur ustiga a’lo nur. Ikkinchisi davlat korxonasidan pul olsa-da, moddiy-texnik bazasi evaziga har kimning havasini keltiradi. Demak, davlat korxonalari shu vaqtgacha pul berib kelayotgani uchun ham qolganlar kamida “Nasaf”dek bo‘lishi kerak emasmidi?
Keyingi qadam esa klublarning xususiylashishi bo‘lardi. Hozir biror xorijiy investor bir qop pul bilan kelsa, faqatgina “Nasaf”ni sotib olishi mumkin. Chunki uning hamma narsasi bor. Yana kimda nima bor? Undan boshqa kimdir jilla qursa o‘z stadioniga egami?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
