Osiyo kubogi guruh bosqichi o‘yinlari yakuniga yetdi. Guruh bosqichida o‘yini ko‘rsatgan futbolchilar yetarlicha bo‘ldi. OFK rasmiy sayti Osiyo kubogi-2019 guruh bosqichida o‘zini ko‘rsatgan eng yaxshi 10 nafar futbolchilar ro‘yxatini e’lon qildi. E’tiborlisi mazkur ro‘yxatdan musobaqa kashfiyotlaridan deya e’tirof etilayotgan O‘zbekiston terma jamoasi to‘purari Eldor Shomurodov ham o‘rin olgan.
Salim Ad Dovsariy (SAUDIYA ARABISTONI)
Saudiya Arabistoni terma jamoasi a’zosi Salim Al Dovsariy guruh bosqichida jamoasining g‘alabalariga o‘z yordamini qo‘shdi. Futbolchi so‘nggi Qatar bilan kechgan bahsni hisobga olmaganda u guruh bosqichini yomon o‘tkazmadi. Shuningdek, futbolchi KXDR terma siga qarshi kechgan bahsda o‘z nomini tabloga yozdirib qo‘yishga ham erishdi.
Almoyez Ali (QATAR)
Osiyo Kubogi-2019 ning ayni damdagi to‘purari Almoyez Ali guruh bosqichning o‘zidayoq raqiblar darvozasiga 7 ta to‘p kiritishga erishdi. Futbolchi KXDRga qarshi kechgan bahsda “poker” qayd etdi. Shu tariqa, Almoyez Osiyo kubogi tarixida bitta o‘yinda 4 ta gol urgan 5 futbolchiga aylanib oldi.
Ashkan Dejaga (ERON)
32 yoshli yarim himoyachi Eron terma jamoasida ajoyib o‘yin ko‘rsatmoqda. U jamoaning hujumlarini tashkil qilishda muhim rol o‘ynamoqda. Shuningdek, futbolchi Yamanga qarshi kechgan bahsda jarima zarbasidan super gol kiritdi.
Yasen Baxet (IORDANIYA)
Iordaniya terma jamoasi musobaqa kashfiyotlaridan biri bo‘ldi desak adashmagan bo‘lamiz. Jamoa birinchi turda Avstraliyani mag‘lub etishini hech kim o‘ylamagan edi.YAsen guruh bosqichida raqib himoyachilarining haqiqiy muammosiga aylandi. Uning faol harakatlari evaziga Iordaniya guruhda birinchi o‘rin bilan pley-offga birinchi bo‘lib yo‘l oldi.
Nguyen Kuan Xay (VYETNAM)
Janubiy-SHarqiy Osiyodagi futbol muxlislariga yaxshi tanish bo‘lgan Nguyen guruh bosqichini yomon o‘tkazmadi. Futbolchi jamoaning pley-offga yo‘l olishida katta hissasini qo‘shdi. Futbolchi guruh bosqichida 1 ta gol urishga erishdi.
Kim Min Je (JANUBIY KOREYA)
Ishonasizmi? Guruh bosqchidan so‘ng Janubiy Koreya terma jamoasining to‘purari jamoa himoyachisi Kim Min Je hisoblanadi. Uning hisobida 2 ta gol mavjud.
22 yoshli himoyachi 3 ta o‘yinda nafaqat himoyada balki hujumda ham o‘zini ko‘rsata oldi.
Mohanad Ali (IROQ)
18 yoshli Mohanad Ali Iroq terma jamoasida yetishib chiqayotgan iqtidorlardan biri hisoblanadi. Futbolchi Yamanga qarshi bahsda raqib himoyachilarini xar ko‘yga solib o‘ynadi.
Yosh futbolchi guruh bosqichida 2 ta gol urib jamoaning yetakchilaridan biri ekanligini isbotladi.
Aver Mabil (AVSTRALIYA)
Birinchi o‘yinda Iordaniyaga mag‘lub bo‘lgach, Grahm Arnold ikkinchi Falastinga qarshi bahsda bir qator o‘zgartirishlarga qo‘l urdi. Ulardan biri yosh hujumchi Aver Mabil edi. Guruhdagi qolgan ikki o‘yinda futbolchi o‘z nomini tabloga yozdirib qo‘yishga erishdi.
Yuto Nagatomo (YAPONIYA)
Yaponiya terma jamoasi avlodlar almashuvini o‘tkazayotgan bo‘lsada, ba’zi narsalar hech qachon o‘zgarmaydi va Yuto Nagatomo ulardan biri.
32 yoshli himoyachi jamoaning “qariyalari”dan biri hisobllandi. Ammo yosh mazkur “samuray” uchun ahamiyat kasb etmaydi. Futbolchi ayni damda o‘zining eng yaxshi o‘yinlaridan birini o‘tkazmoqda.
Eldor Shomurodov (O‘ZBEKISTON)
Mutaxassislar tomonidan musobaqaning haqiqiy kashfiyotlaridan biri deya e’tirof etilayotgan futbolchi bu O‘zbekiston terma jamoasi hujumchisi Eldor Shomurodov. Eldor guruh bosqchining 3 ta o‘yinida 4 ta gol urishga erishdi. Futbolchi ayni damda to‘purarlar poygasida Almoyez Alidan so‘ng ikkinchi o‘rinda bormoqda.
23 yoshli futbolchimiz pley-ofdda ham Avstraliya terma jamoasi darvozasiga to‘p kiritib “Oq bo‘rilar”ni chorak finalga chiqishida o‘z hissasini qo‘shadi degan umiddamiz.
Jaloliddin Qobiljonov
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
