Osiyo Futbol Konfederasiyasi 12 fevral kuni Olmaliq shahrida bo‘lib o‘tadigan Osiyo Chempionlar ligasi 2019 saralash bosqichidan o‘rin olgan AGMK va Tojikistonning «Istiqlol» jamoalari o‘rtasidagi bahsni boshqarib boruvchi hakamlar ro‘yxatini e’lon qildi.
Uchrashuv bosh hakami sifatida janubiy koreyalik FIFA referisi Kim Dong Jin tayinlangan bo‘lsa, unga qanotlarda avstraliyalik laynsmenlar Jorj Lakridis va Rian Mark Gallaxer ko‘maklashadi. Zaxira hakami qirg‘izistonlik Dmitriy Mashensev. Hakamlar nazoratchisi qatarlik Jassim Muxammad al-Xayl bo‘lsa uchrashuv komissari sifatida Qirg‘iziston Respublikasidan Kemel Tokabayev ish olib boradi.
Osiyo Chempionlari Ligasi-2019
Ikkinchi saralash bosqich
12 fevral (seshanba)
AGMK (O‘zbekiston) – «Istiqlol» (Tojikiston)
Uchrashuv 16:00da OKMK sport majmuasida boshlanadi.
12 fevral kungi AGMK - "Istiqlol" uchrashuvini bosh hakami uchun OKMK sport majmuasi begona emas. 1973 yilda tavallud topgan janubiy koreyalik FIFA referisi Kim Dong Jin 2014 yil 12 noyabr kuni Olmaliq shahrida bo‘lib o‘tgan O‘zbekiston kubogi finalida "Bunyodkor" va "Lokomotiv" to‘qnashgan finalni boshqarib borgandi.
Umumiy statistikaga nazar solsak, Kim Dong Jin yurtimiz jamoalari ishtirokidagi 18 o‘yinda hakamlik qilgan.
Kim Dong Jin boshqargan o‘yinlar:
1. OCHL-2008 guruh bosqichi. “Al-Ittihod” (Suriya) – “Bunyodkor” 0:2
2. OCHL-2009 guruh bosqichi. “Al-Hilol” (C.Arabistoni) – “Paxtakor” 2:0
3. OCHL-2009 1/8 final. “Persepolis” (Eron) – “Bunyodkor” 0:1
4. OCHL-2009 1/4 final. “Al Ittihod” (S.Arabistoni) – “Paxtakor” 4:0
5. JCH-2010 saralashi. O‘zbekiston – Singapur 1:0
6. OCHL-2010 guruh bosqichi. “Bunyodkor” - “Al-Vahda” (BAA) 4:1
7. OFK kubogi 2011. Final. “Nasaf” – “Quvayt” SK (Quvayt) 2:1
8. 2012 yilgi Olimpiada saralashi. O‘zbekiston - Iroq 2:0
9. OCHL-2014 guruh bosqichi. “Al-Fotih” (S.Arabistoni) – “Bunyodkor” 0:0
10. OCHL-2015 guruh bosqichi. “Bunyodkor” – “Persepolis” (Eron) 0:1
11. OCHL-2015 guruh bosqichi. “Lokomotiv” – “Al-Sadd” (Qatar) 5:0
12. OCHL-2016 pley-off bosqichi. “Bunyodkor” – “Al-SHabab” (BAA) 2:0
13. OCHL-2016 guruh bosqichi. “Al-Ittihod” (S.Arabistoni) – “Lokomotiv” 1:1
14. OCHL-2016 guruh bosqichi. “Paxtakor” – “Traktor Sozi” (Eron) 1:0
15. OCHL-2016 guruh bosqichi. “Nasaf” – “Al-Ayn” (BAA) 1:1
16. OCHL-2016 guruh bosqichi. “Lahviya” (Qatar) – “Bunyodkor” 0:0
17. U-23 Osiyo chempionati 2018. Qatar – O‘zbekiston 1:0
18. OCHL-2018 guruh bosqichi. “Persepolis” (Eron) – “Nasaf” 3:0
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
