“Qo‘qon-1912” jamoasining yetakchi futbolchisi, Qo‘qonlik muxlislarning yoqimtoyi Javohir Sidiqov yangi mavsumni ijara shartnomasi asosida Toshkentning “Paxtakor” jamoasida o‘tkazadigan bo‘ldi.
Javohir Sidiqov “Qo‘qon-1912” klubiga 2016-yilgi mavsumda , bosh murabbiy No‘’mon Hasanovning taklifi bilan aynan “Paxtakor” jamoasidan kelgan edi. Javohir jussasi kichkina bo‘lishiga qaramasdan sekin astalik bilan jamaomizning asosiy tarkibidan o‘rin ola boshladi. Bosh murabbiyning unga bo‘lgan ishonchi, muxlislarning qo‘llab-quvvatlashlari natijasida Javohir Sidiqov “Qo‘qon-1912” jamoasining almashtirib bo‘lmas futbolchisiga aylandi. Qo‘qonda uni muxlislar “Qo‘qonlik Messi” deb atay boshlashdi.
2017 va 2018-yilgi futbol mavsumlari esa Javohir Sidiqov nafaqat jamoamizning , balki O‘zbekistonning eng yaxshi yosh futbolchisi bo‘ldi deya bemalol ayta olamiz. Javohir O‘zbekistonning turli yoshdagi terma jamoalar tarkibidagi o‘yinlari bilan nafaqat Qo‘qonlik , balki butun O‘zbekistonlik futbol ishqibozlarining sevimli futbolchisi sifatida tillarda doston bo‘ldi.
Albatta Javohir Sidiqovning yetuk futbolchi bo‘lib yetishishida “Qo‘qon-1912” futbol klubi bosh murabbiyi No‘’mon Hasanovning ham xizmatlari katta bo‘ldi. Shuningdek Qo‘qonlik ishqibozlarning hoh jamoamiz o‘yinlarida bo‘lsin, hoh terma jamoa o‘yinlarida bo‘lsin, Javohirni birdek qo‘llab turganliklari ham tahsinga sazovordir.
Bunday hurmat e’tiborga sazovor bo‘lish uchun futbolchidan katta mehnat, sabr-bardosh va chiroyli hulq atvorda bo‘lish talab qilinadi. Javohirda esa bu sifatlarning barchasi mujassam edi.
Javohir Sidiqov “Qo‘qon-1912” futbol klubi bilan shartnomasini 2020-yilning so‘ngiga qadar uzaytirgan. 2019-yilgi futbol mavsumida Javohir Sidiqov OCHL o‘yinlarida o‘ynab, o‘z tajribasini yanada orttirishi maqsadida futbolchi “Paxtakor” futbol klubiga ijaraga berildi. Sidiqovning transfer huquqi “Qo‘qon-1912” futbol klubi ixtiyorida bo‘ladi.
“Qo‘qon-1912” futbol klubi rahbariyati,murabbiylar shtabi hamda ko‘p sonli muxlislarimiz nomidan Javohir Sidiqovga kelayotgan mavsumda omad yor bo‘lishini tilaymiz ! Barchamiz Sidiqovning Qo‘qon futboli uchun qilgan mehnatlarini qadrlaymiz. Javohir Sidiqovning nomi “Qo‘qon-1912” futbol klubi tarixiga zarhal harflar bilan yoziladi.
Barchasi uchun rahmat senga Javohir !!!
Al-Hilol
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
