2008 yildan boshlab O‘zbekiston milliy chempionatida ishtirok eta boshlagan jamoamiz faoliyati davomida Buxoro shahri jamoasi bilan 20 marta to‘qnash kelgan ekan.
Shundan 10tasi o‘z maydonida, 10tasi safarda o‘tkazilgan. O‘z maydonida o‘tgan 10 uchrashuvning 5tasida g‘alaba qozongan bo‘lsa, 3 o‘yin durang va yana 2 bahsda raqib g‘olib bo‘lgan. Jamoamiz o‘z maydonida erishgan 5 g‘alabasidan 2tasida yirik hisobda zafar quchgan (2009 yil – 5:0 va 2011 yil 6:1). Shuningdek, o‘zora o‘yinlardagi duranglarni har uchchalasi ham Olmaliqda o‘tgan bahslarda qayd etilgan. AGMK “Buxoro” bilan 2010 yilgi mavsumda uchrashmagan, sababi buxoroliklar o‘sha mavsumni 1-ligada o‘tkazishgan. Umumiy statistika bo‘yicha jamoamiz hisobida 9 g‘alaba, 3 durang va 8 mag‘lubiyat mavjud. To‘plar nisbati jamoamiz foydasiga - 34-23.
Ko‘p yillik to‘qnashuvlar natijasida bu ikki jamoa tarkibi tez-tez o‘zgarib turganligiga guvoh bo‘lamiz. Ortda qolgan 20 o‘yin davomida AGMK tarkibida 117 nafar futbolchi maydonga tushgan bo‘lsa, “Buxoro” safida o‘ynagan futbolchilar 124 nafarni tashkil etadi. Shu futbolchilar orasida har ikki jamoa tarkibida maydonga tushgan futbolchilar 13 nafar ekan.
Turli yillarda Shuhrat Musayev, Abdurazzoq Jo‘rayev, Georgi Kvesiyeshvili, Arturas Fomenko, Abduqahhor Hojiakbarov, Ma’ruf Murodov, Dilyaver Abibullayev, Saidkomil Akbarov, Shavkat Mullajonov, Shahboz Erkinov, Shavkat Salomov, Salamat Quttiboyev va Arslonmurod Amanovlar o‘zaro o‘yinlarda ishtirok etishgan. Shu bilan bir qatorda har ikki jamoa tarkibida bo‘lgan ammo AGMK yoki “Buxoro”ga qarshi maydonga tushmagan futbolchilar ham bor.
Ular Alisher Samatov, Rahmatullo Berdimurodov, Hasan Asqarov, Qahramon Bahodirov, Otabek Valijonov, Andrey Vlasichev, Aziz G‘ulomxo‘jayev, Artyom Nikitenko, Oybek Nurboyev, Alibobo Rahmatullayev, Dilshod Umarxonov, Vadim Chemirtan va San’at Shixovlardir. Yaqinlashib kelayotgan 21-bahsda sobiqlar to‘qnashuvi yana ko‘payishi mumkin. AGMK tarkibida o‘tgan mavsumlarda “Buxoro” safida to‘p surgan San’at Shixov, Sardor Rahmonov, raqib safida esa Azamat Isroilov, Xurshid Xodjayev maydonga tushishi kutilmoqda.
O‘zaro uchrashuvlarda eng ko‘p maydonga tushgan futbolchilar
AGMK tarkibida “Buxoro”ga qarshi eng ko‘p maydonga tushgan futbolchi Zohir Pirimov ekan. U 13 uchrashuvda jamoamiz sharafini himoya qilgan. Doston Abdurahmonov 10, Yevgeniy Gogol 9, Aleksandr Vostrikov va Abduqahhor Hojiakbarov 8tadan, Darko Stanoyevich 7, Shavkat Mullajonov, Mo‘ydin Mamazulumov, Diyor Turopov va Islom Inomovlar 6tadan o‘yinda “Buxoro”ga qarshi o‘ynagan.
“Buxoro” tarkibida jamoamizga eng ko‘p maydonga tushgan futbolchi Suxrob Ne’matov hisobida ham 13 o‘yin mavjud ekan. Alisher Sanayev 11, Jasur Hasanov 10, Bobur Omonov 8, Otabek Narzullayev va Sardor Qobuljonov 7tadan, San’at Shixov 6 bahsda AGMKga qarshi to‘p surgan.
O‘zaro o‘yinlardagi to‘purarlar
O‘zaro o‘yinlarda AGMK futbolchilari raqib darvozasiga 34 gol urishga erishgan. Eng ko‘p gol Mo‘ydin Mamazulumovga tegishli. U 5 marta “Buxoro” darvozasini ishg‘ol qilgan. Aleksandr Vostrikov hisobida 4 gol bilan ikkinchi, Yovan Jokich 3 gol bilan uchinchi o‘rinda turibdi. Umumiy hisobda 22 nafar futbolchi gol urishga erishgan. Bitta avtogol “Buxoro” posboni Asilbek Omonov hisobiga yozilgan.
“Buxoro” futbolchilari 23 gol urishga erishgan. Jasur Hasanov va Vohid Shodiyev hisobida 3tadan gol mavjud. Suxrob Ne’matov, Ivan Nagayev, Jamoliddin Ubaydullayev va Arslonmurod Amanov hisobida 2tadan gol bor. Umumiy hisobda 15 futbolchi gol urgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
