Futbol olamida tez-tez kutilmagan natijalar qayd etilib turishi odatiy xol, ammo shunday voqealar borki, bunaqasi kamdan-kam sodir bo‘ladi. Hozir e’tiboringizga ana shunday voqealarni havola etamiz.
APL dagi eng omadsiz jamoa
“Derby Kountry“ klubi 2007-2008-yilgi mavsumlarda 38 ta tur mobaynida 11 ochko jamg‘argan bo‘lib, klub o‘sha mavsumda atigi bir bor g‘alaba qozongan. To‘plar nisbati esa “qo‘rqinchili“ ahvolda. Raqiblar darvozasini 20 bor ishg‘ol qilgan “Qo‘chqorlar“ o‘z darvozalaridan 89 bor to‘p olib chiqishgan. O‘sha mavsumdagi omadsizlik ularni keyinchalik chempionshipda ham ta’qib qildi va klub 3-divizionga tushib ketdi.
Gilermo Ochoa
“Granada“ klubi darvozaboni 2016-2017-yilgi mavsumda o‘z darvozasidan 82 bor to‘p olim chiqishga majbur bo‘ldi va yangi antirekordni o‘rnatdi. Eng qizig‘i shundaki, o‘sha mavsumda darvozabon yana bir rekord o‘rnatdi. Qahramonimiz bir mavsumda 163 bor seyf ijro etdi va bu borada rekordni yangiladi. O‘sha mavsum Ochoa qanchalar harakat qilmasin “Granada“ Ispaniya chempionatining 20-pog‘onasini oxirgi turlarga qadar hech kimga bermadi.
Eng yirik hisobdagi mag‘lubiyat
.jpg)
2002-yildagi Jahon chempionati saralashida Avstraliya Amerika Samoasiga qarshi maydonga tushadi va xalqaro darajadagi uchrashuvlar tarixidagi eng yirik hisobda g‘alaba qozonadi. Uchrashuv 32 : 0 hisobida “Kengrular“ foydasiga hal bo‘ladi. O‘sha uchrashuvda Archi Tomson 13 bor raqiblar darvozasini ishg‘ol qildi va bu borada ham yangi rekordni o‘rnatdi. Ushbu g‘alabadan so‘ng FIFA Avstraliyani o‘z darajasidagi raqiblar bilan o‘ynash uchun Osiyo qit’asiga o‘tkazish borasida qaror qabul qiladi.
Klublar miqiyosidagi eng yirik mag‘lubiyat
Madagaskar chempionatidagi “Adema“ 149 : 0 “Lemir“
.jpg)
“Lemir“ klubi so‘nggi tur oldidan o‘tkazilgan uchrashuvda penaltidan urilgan yagona gol evaziga g‘alaba qozonadi. Madagaskar futbol federasiyasi o‘sha golni inobatga olmaydi va so‘nggi tur oldidan “Lemir“dan ochkoni olib tashlab chempionlik uchun imkoniyat qoldirmaydi. so‘nggi turda chempionlikni muddatidan avval hal qilgan “Ademe“ klubi mehmoni bo‘lgan “Lemir“ 90 daqiqa mobaynida o‘z darvozasiga tinimsiz gollar ura boshlaydi. Futbolchilar va murabbiylar shtabi shu yo‘sinda o‘z baykotlarini namoyish qilishadi. O‘sha uchrashuvda har 36 soniyada bir bor darvoza ishg‘ol qilingani bilan yana bir rekord natija o‘rnatilgan.
Keyinchalik futbol ommasiga yashin tezligida tarqalgan ushbu hisob ortidan FIFA komissiya tuzib vaziyatni o‘rganish uchun Madagaskarga yuboradi. Oqibatda, “Lemir“ klubi murabbiyi va futbolchilari uzoq muddatga futboldan chetlatiladi.
Y.U
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов.jpg)
Қаҳрамон Асланов
Шуҳрат Шокиржонов
Шерзод Ражабов
