Jozening ketishi «Manchester Yunayted»ning batamom qulashiga olib keladi, deb o‘ylaganlar oramizda yetarlicha topilsa kerak. Tajribasiz yosh murabbiyning ulkan klub tepasiga kelishi ortidan klub APLda kuchli to‘rtlikka kirishni va «PSJ»ni YCHLdan chiqarib yuborishini hech kim taxmin qilmagani aniq. Shunga qaramay Sulsher klub o‘yin uslubini o‘zgartirib yubordi va birin-ketin muhim g‘alabalarni qo‘lga kiritdi. Ushbu o‘zgarishning siri nimada? Bu savolga Pogba qisqa, lo‘nda va aniq javob qaytardi. «Sulsher bizni pozisiyalarimizni o‘zgartidi, natijada, futbolchilarni o‘zi yoqtirgan nuqtaga qo‘ydi» Hozir Sulsher qo‘l ostida ampluasini o‘zgartirgan futbolchilarga to‘xtalib o‘tamiz
Markus Reshford
.jpg)
Lui Van Galning topilmasi aslida markaziy humuchi edi. Joze davri boshlanishi bilan Mourino uni asta-sekin qanot yarim himoyachisiga aylantira boshladi. Reshfordning himoyachilar bilan bir chiziqda o‘ynashi, qisqa masofalardagi tezlik va shunga o‘xshash Markusning bir nechta imkoniyatlarini qo‘llash uchun futbolchiga yangi pozisiyasi imkon bermay qo‘ydi. Uzoq masofalardan zarba berishni esa, Joze iloji boricha kamaytirishni undan talab qila boshladi. Bu esa o‘z-o‘zidan Reshfordga salbiy ta’sir o‘tkazmay qolmadi va futbolchi o‘ziga o‘xshamay qoldi.
Sulsherning kelishi esa, undagi hamma cheklovlarni olib tashladi va Reshford o‘zi sevgan markaziy hujumchi pozisiyasiga qaytarildi. Sulsher umumiy mashg‘ulotlardan so‘ng futbolchini bir o‘zi qolib, 40 daqiqa uzoqdan zarba yo‘llash mashqini talab qila boshladi.
Bu voqea haqida futbolchining o‘zi shunday deydi : «Ushbu mashg‘ulotni doimiy tarzda qilib tursang, har mavsumda qo‘shimcha 6 yo 7 ta gol urish imkoniyati paydo bo‘ladi. Mening jamoamda hujumchi- sensan! Uning so‘zlaridan so‘ng men hozirga qadar mashg‘ulotlardan so‘ng o‘z ustimda ishlayapman.» Darhaqiqat, Reshford Sulsherning hujumchisiga aylandi va markazda erkin o‘ynamoqda. U istalgan daqiqada hujumni qanotga ko‘chirish, yoki qulay imkoniyat bo‘lishi bilan zarba berishi mumkin. «PSJ»bilan javob uchrasuvidagi ikkinchi gol so‘zimizga isbot bo‘la oladi. Bundan tashqari, Sulshser uni ortga qaytib himoyachilarga yordam berishdan ozod qildi va to‘laqonli hujumchiga aylantirdi.
Lukaku
.jpg)
Yodingizda bo‘lsa, Sulsher klub boshqaruvini qo‘lga olgan chog‘larida, avvaliga, Lukaku zahira o‘rindig‘iga o‘rnashib borayotgan edi. Sulshser uning mashg‘ulot uslubini o‘zgartirishini talab qilgan ekan. O‘sha paytda Lukaku, asosan, mushaklari ustida ishlar shu sabab o‘z tezligini ancha yo‘qotgandi. Norvegiyalik murabbiy futbolchining 6 kilogrammgacha ozishini va boshqa mushaklar uchun mashqlar qilmasligini talab qilib qo‘yadi. Sulsher bu orqali uning avvalgi tezligini ortga qaytarmoqchi ekanligini futbolchining o‘ziga ham ko‘p bor ta’kidlaydi.
Romeu, avvaliga, vazn tashlaydi va yana sprint mashqlarini yo‘lga qo‘yadi. Jismonan baquvvat futbolchi asta-sekinlik bilan tezkor o‘yinchiga aylanib oladi. Klub fizioterapevtining aytishicha, Lukaku Sulsher kelgach, naqd 8 kg vazn tashlashga ulguribdi. Hozirda Lukaku Rashfordan orqaroqda, qanotga yaqin pozisiyada harakat qilmoda. Sulsherning ko‘rsatmalariga to‘liq amal qiluvchi futbolchi endilkda ortga qaytib, himoyachilarga ham yordam bermoqda. Umuman olganda, Lukaku o‘z pozisiyasini batamom o‘zgartirdi va hozirda kuchliroq ko‘rinmoqda.
Pol Pogba
Pol Joze davrida birinchi pasga javob berar va iloji boricha maydon markazida raqib hujumlarini to‘sish bilan shug‘ullanar, asosiy qora ishni o‘zi bajarar edi. Sulsher kelishi bilan hammasi tubdan o‘zgardi. Yangi murabbiy uni birinchi pasdan va tayanch zonasidan ozod qildi va hujumchilar ortida harakat qilishini to‘liq ta’minladi. Bu esa, o‘z ta’sirini ko‘rsatmay qolmadi. Pogbaning sermahsullik koefissenti birdaniga 65% ga ko‘tarildi. Futbolchi bu haqda o‘z intervyularidan birda shunday degan edi : « U meni hamma qora ishlardan ozod qildi. Lempard singari raqib darvozasi atrofida o‘ynashnimni va imkon bo‘lishi bilan hujumchi pozisiyasida yorib kirishimni xohlamoqda. Bu esa, ayni mening orzuyimdagi va imkoniyatlarim doirasidagi pozisiya.» Joze davrida klubdan ketishi deyarli aniq bo‘lib ulgurgan fransuz asta-sekinlik bilan yangi darajaga chiqib bormoqda va ketish haqida o‘ylamayapti ham.
Lindelyof
Joze davrida o‘zini butkul yo‘qotib qo‘ygan futbolchi yangi murabbiy qo‘l ostida o‘ziga kelmoqda. Unga «Benazir» standartlar paytida oldinga borishni, birinchi pas bilan tezkor hujum boshlashni, markaz bo‘ylab hujumga o‘tishni ma’n qilib qo‘ygan edi. Sulsher undagi imkoniyatlarni to‘g‘ri baholadi va asosiy tarkibga qaytardi. Hozirda, Lindelyof birinchi pas bilan bir nechta gollarda ishtirok etmoqda va to‘liq hujumkorlikni namoish etmoqda. Shu ketishda futbolchi hademay klubning asosiy tarkib o‘yinchisiga aylanib olishi aniq. Bu futbolchi haqida to‘xtalgan Sulsher : «Uning to‘liq imkoniyatlarini hali ko‘rganimizcha yo‘q. U bundanda yaxshiroq o‘ynay oladi,»-deya futbolchini yanada ruhlantirdi. Joze davrida deyarli yodimizdan chiqib ketgan futbolchi o‘zining ochilmagan qirralarini namoyon etmoqda.
Y.U
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
