Urganch shahridagi “Yoshlik” sport majmuasida 2003-2004 yillarda tug‘ilgan o‘smirlar o‘rtasida O‘zbekiston chempionati poyoniga yetdi.
Xorazmda tashkil etilgan musobaqada 300 nafarga yaqin yosh bokschi 15 ta vazn toifasida ringga ko‘tarilib, mamlakatimizning eng sara yosh “charm qo‘lqop” ustalari aniqlandi. Chunonchi, 10 aprel kuni chempionatning oxirgi janglari bo‘lib o‘tdi.
Tadbirning yopilish marosimi har galgidek, bayramona tarzda nishonlandi. Taqdirlash marosimida Xorazm viloyati hokimligi, viloyat jismoniy tarbiya va sport boshqarmasi, O‘zbekiston va Xorazm viloyati boks federasiyalari, shuningdek, yurtimiz boksining taniqli vakillari, faxriy mehmonlar hamda ommaviy axborot vositalari xodimlari ishtirok etishdi.
G‘oliblar safidan Qoraqalpog‘iston Respublikasi, Andijon, Xorazm, Namangan, Jizzax, Qashqadaryo, Navoiy, Toshkent viloyatlari, Toshkent shahri, ROZK va “Dinamo” jamoalarining sportchilari joy olishdi. G‘olib va sovrindorlarga tantanali tarzda oltin, kumush va bronza medallari, diplom va sovg‘alar topshirildi.
Musobaqa g‘olibi, Xorazm viloyati terma jamoasi a’zosi Anvar Boltaboyev shunday dedi: –“Yoshigimdan boksga qiziqaman. To‘rt yildirki, sportning ushbu turi bilan shug‘ullanaman. Hozirda Urganch ixtisoslashtirilgan olimpiya zaxiralari maktab internatining 8-sinfida tahsil olyapman. Mamlakatimiz chempionatida ikkinchi marta qatnashishim. Oldingi safar omadim chopmagandi. Bu meni yanada jiddiyroq shug‘ullanishga undadi. Harakatlarim besamar qolmadi. O‘zbekiston chempioni nomiga sazovor bo‘ldim. Bundan juda xursandman. Fursatdan foydalanib, musobaqa tashkilotchilariga samimiy minnatdorlik bildiraman.”
Boks bo‘yicha 2003-2004 yillarda tug‘ilgan o‘smirlar o‘rtasida o‘tkazilgan O‘zbekiston chempionatida 1-o‘rinni qo‘lga kiritgan sportchilar:
42 kg. Hasan O‘rozaliyev (Jizzax)
44 kg. Ibrohim Ishchonov (Xorazm)
46 kg. Ro‘ziboy Mirzajonov (Andijon)
48 kg. Qobiljon Abdurahimov (Namangan)
50 kg. Anvar Boltaboyev (Xorazm)
52 kg. Davron Rahmonov (ROZK)
54 kg. Fozilbek Abduhamidov (“Dinamo”)
57 kg. Murodjon Qudratov (Jizzax)
60 kg. Temirxan Maqsetboyev (Qoraqalpog‘iston)
63 kg. Azizbek Tojiyev (Qashqadaryo)
66 kg. Abdulaziz Rasulov (Andijon)
70 kg. Login Petrov (Navoiy)
75 kg. Sarvarbek Sobirov (Toshkent viloyati)
80 kg. Abdullajon Almamatov (Toshkent shahri)
+80 kg.Jahongir Zokirov (Jizzax)
OKMK
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
