Superliga 4-turi doirasidagi e’tiborli uchrashuvlardan biri Samarqandda “Dinamo” va “So‘g‘diyona” o‘rtasida kechadi. Qo‘shni viloyatlarning bosh jamoalari qarama-qarshiligi shiddatli o‘tishi kutilmoqda.
13 aprel (shanba)
«Dinamo» - «Co‘g‘diyona»
Samarqand, "Dinamo" stadioni.
O‘yin boshlanish vaqti: 16:15
Chipta narxi: 10 ming so‘m.
TV-translyasiya: "Cport" TV
Jamoalar mavsumni qanday boshlashdi?
«Dinamo» jamoasi o‘tgan 3-turda 3 xil natija qayd etdi: «Nasaf» bilan durang, «Surxon»ga mag‘lubiyat, «Metallurg» ustidan g‘alaba. Bu esa Samarqand jamoasiga turnir jadvalining 8-pog‘onasini egallab turishiga zamin yaratgan.
“So‘g‘diyona” esa chempionatni “Bunyodkor” ustidan erishilgan g‘alaba bilan boshlagan bo‘lsa-da, so‘nggi ikki turda “Nasaf” va “Surxon”ga mag‘lub bo‘ldi. Natijada jamoa 10-o‘rinni band etib turibdi.
«Dinamo» o‘yinlari:
1-tur. «Dinamo» - «Nasaf» - 1:1
2-tur. «Surxon» - «Dinamo» - 1:0
3-tur. «Dinamo» - «Metallurg» - 2:1
«So‘g‘diyona» o‘yinlari:
1-tur. «So‘g‘diyona» - «Bunyodkor» - 2:1
2-tur. «Nasaf» - «So‘g‘diyona» - 3:1
3-tur. «So‘g‘diyona» - «Surxon» - 0:3.
O‘zaro o‘yinlar tarixi: Ustunlik «Dinamo»da
Samarqand va Jizzax viloyati sharafini himoya qiluvchi ushbu klublar 1992 yili start olgan O‘zbekiston chempionati tarixida 38 marta o‘zaro maydonga tushishgan. Bu borada ustunlik “Dinamo”da. Samarqand jamoasi o‘zaro o‘yinlarda Jizzax klubini 17 mart mag‘lubiyatga uchratgan bo‘lsa, “So‘g‘diyona” 13 marta “Dinamo”ni mag‘lub etgan. 8 marta o‘yin durang natija bilan yakunlangan. “Dinamo”ning “So‘g‘diyona” ustidan qozongan eng yirik g‘alabalari 4:0 va 3:6 bo‘lsa, jizzaxliklarning eng yirik g‘alabasi 3:1 hisobidagi g‘alaba sanaladi.
Samarqandda o‘tgan o‘zaro so‘nggi uchrashuvlar:
29.04.2017 «Dinamo» - «So‘g‘diyona» 2:2
16.05.2015 «Dinamo» - «So‘g‘diyona» 2:0
15.08.2014 «Dinamo» - «So‘g‘diyona» 0:1
14.09.2013 «Dinamo» - «So‘g‘diyona» 1:1
05.11.2011 «Dinamo» - «So‘g‘diyona» 2:0
23.08.2009 «Dinamo» - «So‘g‘diyona» 3:0
07.03.2008 «Dinamo» - «So‘g‘diyona» 0:1
Jizzaxda o‘tgan o‘zaro so‘nggi uchrashuvlar:
30.09.2017 «So‘g‘diyona» - «Dinamo» 0:0
01.10.2015 «So‘g‘diyona» - «Dinamo» 1:2
29.03.2014 «So‘g‘diyona» - «Dinamo» 1:3
26.05.2013 «So‘g‘diyona» - «Dinamo» 4:3
05.03.2011 «So‘g‘diyona» - «Dinamo» 0:0
14.06.2009 «So‘g‘diyona» - «Dinamo» 3:1
18.11.2008 «So‘g‘diyona» - «Dinamo» 1:1
Eski tanishlar...
“Dinamo” va “So‘g‘diyona” tarkibida bir qator futbolchilar borki, ular avval Samarqand yoki Jizzax klubi sharafini himoya qilishgan. Xususan, “Dinamo” tarkibidagi Akmal Xolmurodov, Sardor Eminov, Ixtiyor Toshpo‘latov, Bobur Qosimov singari futbolchilar oldingi mavsumlarda Jizzax klubi safida to‘p surishgan. Qolaversa, murabbiy Davron Fayziyev ham o‘z vaqtida aynan “So‘g‘diyona” bosh murabbiyi sifatida nom qozona olgan.
So‘nggi o‘yinlarda tenglik
“Dinamo” Oliy Liga doirasida so‘nggi marta 2017 yilda Jizzax klubiga qarshi rasmiy bahslarda maydonga tushgan. O‘sha mavsumda ikkita uchrashuvda ham murosa ko‘chasi tanlangan. Jumladan, Samarqandda o‘tgan (2:2) bahsda Amirjon Safarovning ikkita goliga “So‘g‘diyona” safidan Ixtiyor Toshpo‘latov va Sanjar Rashidov javob berishgan bo‘lsa, Jizzaxdagi o‘zaro bahsda (0:0) nursiz durang qayd etilgan.
Yoshlarimizdan ilk g‘alaba!
Same Egamberdiyev qo‘l ostidagi “Dinamo” yoshlar jamoasi Superliga U-21 chempionati 4-turi doirasida “So‘g‘diyona” yoshlar jamoasiga qarshi maydonga tushib, mavsumdagi ilk g‘alabani qo‘lga kiritdi.
Tayloq tumanidagi markaziy o‘yingohda o‘tgan uchrashuvning 59-daqiqasida Jasur Urinov tomonidan kiritilgan yagona gol “Dinamo” yoshlariga mavsumdagi dastlabki uch ochkoni keltirdi.
Superliga U-21. 4-tur.
12 aprel (juma)
«DINAMO» - «SO‘G‘DIYONA» - 1:0
Gol: Jasur Urinov (59).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
