Angliya terma jamoasining sobiq hujumchisi Ueyn Runi 2026 yilgi jahon chempionati guruh bosqichida Kanada va Bosniya va Gersegovina o‘rtasida bo‘lib o‘tgan uchrashuvda (1:1) bosh hakam Fakundo Telyo bosniyaliklar darvozaboni Nikola Vasilni maydondan chetlatishi kerak bo‘lganini ta’kidladi.
Bahsli vaziyat uchrashuvning 49-daqiqasida sodir bo‘ldi. Darvozabon Tani Oluvaseyi bilan to‘qnashuv paytida kanadalik hujumchining bosh qismiga mushti bilan zarba bergan.
«Bu qizil kartochka. Ofsayd haqida unuting. Biz bunday holatlarda futbolchilar to‘pga tegganidan keyin, hatto hakam hushtak chalgan bo‘lsa ham, raqibiga zarba berib qo‘ygani uchun qizil kartochka olganini ko‘p bor ko‘rganmiz.
Menimcha, bu juda xavfli o‘yin. U birinchi bo‘lib to‘pga yetib borganini bilaman, ammo u raqibning chakka qismiga zarba berdi. Bu inson tanasida zarba berish mumkin bo‘lgan eng xavfli joylardan biri», — dedi Runi. Uning so‘zlarini BBC keltirmoqda.