Entoni Joshua – Britaniya boksining asosiy yulduzi, deya yozadi Worldnews.uz axborot agentligi.
U London-2012 ning Olimpiya chempioni, Vladimir Klichkoni nokautga uchratib, nafaqaga jo‘natgan shaxs, profida hech qachon yutqazmagan va og‘ir vazndagi barcha kamarlarni qo‘lga kiritgan (WBA, IBF, WBO va IBO).
O‘zining g‘alabalaridan keyin kattagina pulga ega chiqadi: misol uchun Aleksandr Povetkin bilan o‘tkazilgan sentyabr jangida 20 million dollardan ko‘proq pul ishlab olgan. Titilgan divan, kir o‘rindiq, alkogolsiz hayot...
Ayni paytda Entoni Amerika ringidagi debyuti va navbatdagi kamar himoyasi uchun tayyorgarlik ko‘ryapti. 1 iyun kuni Jarrell Miller bilan Nyu-Yorkda uchrashadi va yangi auditoriya yig‘ishga harakat qiladi.
Ayni kunlarda Joshua yozgi jangning tayyorgarliklari bilan band. Agar uni mashg‘ulotlardan keyin o‘zining hashamatli villasida hordiq chiqaradi deb o‘ylasangiz, qattiq adashasiz.
Entoni 7 yildan beri janglar uchun Sheffildda tayyorgarlik ko‘radi va oddiygina bo‘lgan 2 xonali uyda yashaydi. Ushbu haftada u o‘zining kamtarona uyini boshqalarga ham namoyish qildi. Joshuaning mehmonxonasida ortiqcha narsa ko‘zga tashlanmaydi. Qora divan, bir juft oromkursi, televizor...
Jihozlar ham antiqa emas: divanning har yeri titilib ketgan, oromkursilarda esa qahvadan qolgan dog‘ bor... Ammo Entoni bularning barchasidan rozi: "Buzilmagan narsani ta’mirlash kerak emas" degan maqolni bilasiz-ku!
Ushbu o‘rindiqlar juda qulay va menga yaxshi xizmat qilyapti. Ularni almashtirish uchun ehtiyoj yo‘q. Ushbu oromkursilarga o‘rnashib olgancha hordiq chiqaraman. Ularning bu yerda turganida 7 yildan oshdi. Bu menga kerakli narsaning barchasi bu!" deydi boks yulduzi.
Joshuaning mehmonxonasidagi eng qimmat narsa – uning Normatec o‘rindig‘i bo‘lib, sportchi ushbu jihoz yordamida mashg‘ulotlar orasida pulsni qayta tiklaydi va dam oladi. Mazkur kursining narxi esa 130 dollarga teng. Oshxona ham juda oddiy. Elektrik plita, stol, sovutgich... Sovutgichning ichi esa sabzavotlar, yangi siqilgan sharbat, kokos suvi va Supermalt ichimligi bilan to‘la.
Bu yerda birortda spirtli ichimlik mavjud emas. Sportchining xonasi ko‘proq omborxonaga o‘xshab ketadi, unga bir kishilik karavot joylashtirilgan. Bu yerga boshqa narsaning ham sig‘ishi qiyin.
Entoni kurash avvalidan shunday sharoitda bo‘lishni yoqtirishi haqida aytdi: "Men og‘ir ish kunidan keyin shunday dam olaman, mashg‘ulotlar, sparring va ringda erishmoqchi bo‘lgan narsalarim haqida o‘ylayman. Bu yer juda sokin joy va menga hech kim halal bermaydi".
Yana bir yotoqxona sal kattaroq – bu yerda ikki kishilik karavot bor, deraza ortida chiroyli manzarani ko‘rish mumkin. Ushbu xonada esa sportchining menedjeri Devid Gans yashaydi.
Joshua o‘zining mashg‘ulotlar uyidan juda mamnun. Uning aytishicha, sharoitdagi minimalizm diqqatni bir yerga jamlash va faqat g‘alaba haqida o‘ylash, yutuqlarga erishish uchun yordam beradi.
Ushbu uyning eng yaxshi tomoni – zalga juda yaqinligidir. Buning uchun shunchaki uydan chiqish, mashinaga o‘tirib, tepalikdan ikki daqiqalik yo‘l bilan pastga tushish kerak holos. "Hamma mendan nima uchun bunday sharoitda yashashim haqida so‘raydi.
Men esa shu narsa menga yoqishi va uning ish berishini aytaman. Bu yerlar juda tinch. Har kimning o‘z hududi bor. Uhlashim uchun joy, yeyishga taomim mavjud. Uni so‘zsiz ravishda mashg‘ulotlar uchun eng yaxshi joy deya ayta olaman".
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
