Mamlakat milliy chempionatining 26-turida Bekobodning "Metallurg" klubi o‘z maydonida Toshkentning "Bunyodkor" klubini qabul qiladi. Mazkur jamoalar shu kunga qadar o‘zaro 26 marotaba kuch sinashishgan. Natijalar yurtimizning nomdor klublaridan sanaluvchi “Bunyodkor” foydasiga. Toshkentliklar 19 ta o‘yinda g‘alaba qozonishgan. 3 ta o‘yinda “Metallurg”ning qo‘li baland kelgan. 4 ta uchrashuvda esa kuchlar teng kelgan. To‘plar nisbati: 51-22.
Jamoalarning o‘zaro uchrashuvlardagi eng yirik hisob 2009 yili Bekoboddagi o‘yinda kuzatilgandi. O‘shanda bunyodkorchilar mezbonlar darvozasiga javobsiz to‘rtta to‘p yo‘llashgandi. Eng sermahsul uchrashuv esa undan bir yil muqaddam Toshkentdagi uchrashuvda qayd etilgan. Qaldirg‘ochlarning to‘rtta goliga bekobodliklar ikkita aniq zarbasi bilan javob qaytarishgan.
Bekobodda o‘tgan so‘nggi beshta uchrashuv:
20.10.2018 «Metallurg» - «Bunyodkor» 1:0
19.07.2018 «Metallurg» - «Bunyodkor» 1:1
14.10.2017 «Metallurg» - «Bunyodkor» 1:1
16.06.2016 «Metallurg» - «Bunyodkor» 1:1
26.04.2015 «Metallurg» - «Bunyodkor» 1:2
Tanishing, raqibimiz – “Bunyodkor”!
Toshkentning “Bunyodkor” futbol klubi mamlakatimizning eng yosh jamoalaridan biri sanaladi. Klubga asos solinganiga endigina 15 yil bo‘ldi. Ammo qisqa fursat ichida jamoa birinchi ligadan oliy ligaga yo‘l oldi va kuchlilar safida ham doimiy ravishda yetakchilar qatoridan o‘rin egallab kelayapti. 2007 yildan elita safida “qaldirg‘ochlar” besh marta O‘zbekiston chempioni, ikki marta vise-chempion, bir marta bronza medali sovrindori, to‘rt marta O‘zbekiston kubogi sohibi va besh karra finalchisi, O‘zbekiston Superkubogi sohibi bo‘ldi. 2008 yildan Osiyo chempionlari ligasida yurtimiz sharafini himoya etib kelayotgan “Bunyodkor” jamoasi ikki marta qit’aning mazkur nufuzli turnirida yarim finalgacha yetib bordi (2008, 2012 yillar). Oliy ligadagi eng past ko‘rsatkichi to‘rtinchi o‘rin bo‘lgan (2014-2015, 2017 yillar).
“Bunyodkor”ning uy stadioni mamlakatimizning eng muhtasham futbol majmuasi “sanalardi”. 2012 yilning 28 sentyabr sanasida qurib, foydalanishga topshirilgan, “Bunyodkor” va O‘zbekiston milliy terma jamoasi uy stadioni hisoblanuvchi maskan o‘z bag‘riga 34000 tomoshabinni sig‘diradi. Ammo o‘tgan mavsumdan “Bunyodkor” stadioni O‘FA balansiga o‘tkazildi va u “Milliy” stadion deb yuritilayapti.
“Bunyodkor” bugungacha oliy liga bahslarida 351 ta uchrashuv o‘tkazgan. Shulardan 235 tasida g‘alaba qozongan, 67 tasida durang o‘ynagan, 49 tasida mag‘lubiyatga uchragan. Kiritilgan va o‘tkazib yuborilgan to‘plar farqi – 657:224. Jamoaning oliy ligadagi eng yirik hisobli g‘alabasi – 7:0 (“Sho‘rtan”, 2008 yil), eng yirik mag‘lubiyati – 0:3 (“Lokomotiv”, 2015 yil).
"Metallurg" matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
