O‘tgan mavsum so‘ngida Garret Beylning o‘yinida keskin pasayish yuz berdi. «Qirollik klubi»da eng katta maoshlardan birini oluvchi futbolchi murabbiyi bilan chiqisha olmay qoldi va to‘liq zahira futbolchisiga aylandi. Hatto Zidan « 4-o‘yinchi o‘zgartirishga imkonim bo‘lganda ham uni maydonga tushurmagan bo‘lar edim» degani ko‘pchilikning yodidan ko‘tarilmagan bo‘lsa, ajab emas. Huddi shu kabi yana bir nechta futbolchilar hozirda o‘z jamoasiga ham, boshqa klublarga ham keraksizga aylanib qolgan futbol yulduzlari haqida so‘zlashamiz.
Mauro Ikardi
Argentinalik futbolchi qanchalar iqtidorli, to‘p urar hujumchi bo‘lmasin, uning o‘tmishi katta yutuqlardan mahrum qilishda davom etmoqda. Bu mavsum boshida o‘z agentiga aylangan Vanda Nara «Inter» klubi rahbarlari bilan nizolar keltirib chiqara boshladi. Uning Ikardi uchun yangilangan shartnoma taklif etish to‘g‘risidagi taklifi klub muxlislarida noroziliklar paydo qila boshladi. Asta-sekinlik bilan o‘z obro‘sini yo‘qotgan hujumchi sardorlik bog‘ichidan ham mahrum qilindi. Buyam yetmaganidek, futbolchi 2 oy davomida uchrashuvlarda maydonga tushmadi va bu o‘yin sifatiga ta’sir etmay qolmadi. Ikardi bu mavsum so‘nggi 6 mavsumdagi o‘zining eng omadsiz mavsumini o‘tkazdi. Qisqacha qilib aytganda, Ikardi yangi agenti tufayli klubdagi obro‘sini to‘liq boy berib qo‘ydi!
Jamoa Antonio Konte qo‘l ostiga o‘tgach, yangi murabbiyi birinchi navbatda Ikardini sotib yuborishdan ishni boshladi. Konte jamoa g‘alaba qozonishni boshlashi uchun ichki tartib-intizomni kuchaytirish maqsadida Ikardidan qutulishga tayyor. Eng achinarlisi shundaki, Ikardi Kontening o‘yin uslubiga to‘liq mos keladi, biroq Vandaning salbiy ta’siri Ikardini chetga surib tashlamoqda.
Ikardi aynan Vanda sababli bir nechta «Kopa Amerika» hamda ikkita JCHni o‘tkazib yubordi va o‘z iqtidorini to‘liq namoyon eta olmay qoldi. O‘tgan mavsumda uni «Yuventus», «Real Madrid» singari top klublari o‘z safida ko‘rishni istagan bo‘lsa, endilikda argentinalik hujumchiga bo‘lgan qiziqish keskin pasayib ketdi. «Inter» o‘z hujumchisini sotish payida. Afsuski, Ikardining agenti sababli unga haridor chiqmayapti.
Aleksis Sanches
2018-yilning yanvarida «Manchester Yunayted» safiga kelib qo‘shilgan chililik futbolchidan «qizil iblislar»ning umidi katta edi. «Arsenal» safida super yulduz maqomiga ko‘tarilgan futbolchi «Manchester Yunayted» safiga o‘tdiyu, o‘z kariyerasidagi eng katta xatoga yo‘l qo‘ydi. Yangi klubida APLning eng katta maosh oluvchi futbolchisiga aylangan Aleksis bosimga dosh bera olmadi va uning o‘yinida pasayish kuzatildi. Qahramonimiz jamoani yelkasida ko‘tarib yuradigan Reshford, Marsial singari futbolchilardan 3 barobar ko‘proq maosh olishi ichki muhitning buzilishiga sabab bo‘ldi. Ish shu darajaga yetib bordiki, Aleksis mashg‘ulotlarda hech kim bilan gaplashmay qo‘ydi. Bir stolda ovqatlanishga o‘rgatilgan «Manchester Yunayted» futbolchilari bilan o‘tirishdan bosh tortdi va quloqlariga quloqchinni taqib olib o‘zini hotirjam tuta boshladi. Afsuski, Aleksis o‘sishdan to‘xtab qoldi va futbolchi sifatida yangi marrarlarga intilmay qo‘ydi.
Aleksis yangi jamoasida aytarli hech qanday karomat ko‘rsata olmagach, klub uni sotib yuborish choralarini ko‘ra boshladi.
Hozirgi kunga kelib, Aleksisning yuqori maoshi va tortinchoqligi sababli birorta klub uni qo‘lga kiritish uchun taklif bilan chiqmadi. Vaholanki, Aleksis bundan 2 yil avval APLning eng kuchli hujumchilaridan biri sanalar edi.
Mesut O‘zil
London klubi sharafini himoya qilayotgan Mesut O‘zil uchun yakunlangan mavsum o‘z kariyerasidagi eng omadsizi bo‘ldi desak, adashamagan bo‘lamiz. Uning «Real Madrid»dagi fantastik o‘yinlari bilan emas, «Arsenal»dagi dangasaligi bilan yodga olishadigan ko‘rinadi. Doimo muammolari bilan hammani ayblayveradigan Mesut, YCHL finalidan so‘ng ochiqchasiga Emerini tanqid qildi va ko‘plab internet memlariga aylandi. «Arsenal» o‘z tarkibidagi eng nomdor futbolchini sotib yuborish payiga tushib qolgach, futbolchi ochiqchasiga klubdagi ichki muammolarni OAVga bayon qilib o‘zini oqlashga tushib ketdi. Transfer oynasi ochilishi arafasida unga Turkiyaning bir nechta klublaridan jiddiy takliflar bo‘lgan bo‘lsada, YECHL finalidan so‘ng birorta klub rasmiy tarzda uni o‘z safiga chorlaganicha yo‘q. «Arsenal» katta maosh olsada, maydonda eng kam mehnat qiladigan futbolchidan qutulishni qanchalar xohlamasin hozircha birorta klub uni sotib olishni istamayapti.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов.jpg)
Қаҳрамон Асланов
Шуҳрат Шокиржонов
Шерзод Ражабов
