O‘zbekiston Liga kubogining “D” guruhi 3-turi doirasidagi “Andijon” – “Navbahor” (3:0) jamoalari o‘rtasidagi uchrashuvdan keyingi matbuot anjumanining birinchi qismida “Navbahor” murabbiyi Anvar Hafizov ishtirok etib, OAV xodimlarining savollariga javob berdi.
- Bugungi bahsda “Andijon” klubiga qarshi maydonga yoshlar jamoamiz tushdi va mazkur o‘yin futbolchilarimizga katta tajriba bo‘ldi. Ushbu bahsda maydonga tushgan yigitlar 2000 va 2001 yillarda tug‘ilishgan. Shunday bo‘lsa-da, ular bu o‘yinda o‘zlarini yo‘qotib qo‘yishmadi hamda mezbonlarga munosib qarshilik ko‘rsatishga intilishdi. Bu esa bizni xursand qildi. Afsuski, o‘z darvozamizdan 34-daqiqada o‘z darvozamizdan keraksiz to‘pni o‘tkazib yubordik va bu jamoa o‘yiniga o‘z ta’sirini o‘tkazdi. Shogirdlarim ko‘rsatmalarimni 80 foizga bajarishdi, deb o‘ylayman. Umuman olganda, yigitlar yomon o‘ynashmadi.Ammo natijaga qaraydigan bo‘lsak, baribir bugun tajriba o‘z so‘zini aytdi.
- Mazkur uchrashuvda “Navbahor”ning yoshlar jamoasi ishtirok etishi oldindan rejalashtirilganmidi yoki hammasi kutilmaganda o‘zgarib ketdimi?
- Ushbu o‘yindan oldin Liga kubogining 2-turi doirasida o‘z maydonimizda “Mash’al”ni qabul qilgandik.Ertasi kuni klub rahbariyati bizga “Andijon”ga qarshi kechadigan o‘yinga tayyorgarlik ko‘ringlar, Andijonga sizlar borasizlar, deyishdi. Mazkur bahsga tayyorgarlik ko‘rish uchun to‘rt kuncha vaqtimiz bor edi hamda bu vaqtdan samarali tarzda foydalangan holda, mashg‘ulotlarga zo‘r berdik.
- Bu o‘yinni “Navbahor” bosh murabbiyi Deyan Jurjevich ham kuzatdi…
- Ha, Jurjevich uchrashuvni ko‘rdi. O‘yindan oldin ham bosh murabbiy bilan gaplashgandim. U asosiy e’tiborini yoshlarga qaratishini va jamoani ushbu bahsga tayyorlashimni tayinlagandi. Shu bois, o‘zi bir qator yoshlarning o‘yinlarini bevosita kuzatish uchun mazkur bahsga tashrif buyurdi.
Men janob Jurjevichga tarkibimizda 4-5 nafar iqtidorli futbolchilarimiz bor hamda ular bemalol asosiy tarkibda o‘ynay oladi, degandim. Uchrashuvdan keyin ham bosh murabbiy bilan gaplashdim va uning yoshlarimiz haqidagi fikrlari yaxshi.
- Deyan Jurjevichga aynan kimlarni tavsiya qilgandingiz?
- Ayubxon Jo‘rayev, Komiljon Tojiddinov, Sherzod G‘ulomjonov, Mirjalol Abdumutalov. Ular O‘zbekiston yoshlar terma jamoasiga nomzod futbolchilar hisoblanishadi.Jurjevich ularning o‘yinlarini ko‘rib, xursand bo‘ldi.
- Bugungi uchrashuvda yoshlar jamoasi ishtirok etganini inobatga olsak, “Navbahor”ning Liga kubogiga e’tibori yuqori emasmi?
- Nega endi? Biz uchun har bir musobaqa muhim ahamiyatga ega. Faqatgina birinchi davrada “Navbahor” da asosan 13-14 nafar futbolchilarning zimmasiga asosiy yuk tushdi. Shu bois, Jurjevich ularga dam berishni ma’qul ko‘rdi. Lekin biz ham Andijonga shunchaki o‘ynab ketish uchun kelmagandik. Iloji boricha yutishimiz kerak edi. Lekin tajriba baribir ustunlik qildi.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
