12-14 iyul kunlari Vengriya poytaxti Budapesht shahrida dzyudo bo‘yicha Gran-pri seriyasiga kiruvchi yirik musobaqa bo‘lib o‘tadi. Mazkur turnirda dunyoning 82 mamlakatidan 600 ga yaqin dzyudochilar musobaqaning oltin medali qatori Tokio Olimpiadasiga yo‘llanma beruvchi qimmatli reyting ochkolari uchun ham kurash olib borishadi. Ma’lumot uchun, Gran-pri seriyasiga kiruvchi musobaqa g‘olibi jahon va Olimpiada reytingi uchun 700 ochkoga ega bo‘ladi.
Ushbu nufuzli musobaqada O‘zbekiston terma jamoasi ham asosiy tarkib bilan ishtirok etadi. Biroz avval musobaqa oldidan matbuot-anjumani va qur’a tashlash marosimi bo‘lib o‘tdi. Qur’a natijasiga ko‘ra, hamyurtlarimizning musobaqadagi ilk raqiblari bilan tinishing:
-60 kg: Sharofiddin Lutfillayev – Kimran Borchashvili (Avstriya) / Karamat Xuseynov (Ozarbayjon)
-60 kg: Kemran Nurillayev – Temur Nozadze (Gruziya) / Gonsalo Mansinyo (Portugaliya)
-66 kg: Sardor Nurillayev – Tal Almog (Argentina) / Ibrohim Aliyev (Ozarbayjon)
-66 kg: Shahram Ahadov – Manuelb Shibel (Germaniya)
-73 Hikmatilloh To‘rayev – Eduardo Arauxo (Meksika) / Sulaymon Hamad (Saudiya Arabistoni)
-73 kg: G‘iyosjon Boboyev – Ahmad Alikaj (XDF)
-81 kg: Sharofiddin Boltaboyev – Mazen Nanaye (XDF)
-81 kg: Kamoliddin Rasulov – Yaromir Musil (Chexiya)
-90 kg: Davlat Bobonov – Kedyau Nxabali (Ukraina)
-90 kg: Yahyo Imomov – Beka Gviniashvili (Gruziya)
-100 kg: Sherali Jo‘rayev – Anton Savitskiy (Ukraina)
-100 kg: Muhammadkarim Xurramov – Matey Xayas (Slovakiya)
+100 kg: Bekmurod Oltiboyev – Liam Park (Avstraliya)
-52 kg: Diyora Keldiyorova – Chishima Maeda (Yaponiya)
-70 kg: Gulnoza Matniyazova – Sara Rodrigez (Ispaniya)
*XDF – Xalqaro dzyudo federasiyasi. Qochqin sportchilar yoki milliy federasiyasining faoliyati vaqtincha to‘xtatilgan mamlakat vakillari ushbu nom ostida ishtirok etishadi.