Angliya chempionatining 3-turi doirasida markaziy o‘yin "Enfild" stadionida bo‘lib o‘tdi. "Liverpul" o‘z maydonida "Arsenal"ni qabul qilib, ishonchli g‘alabani qo‘lga kiritdi.
Uchrashuvdagi hisob boshqacha bo‘lishi mumkin edi, agar londonliklar birinchi bo‘limdagi imkoniyatlardan foydalana olishganida. Mezbonlar dastlabki 45 daqiqalikda raqibga gol urish 2ta imkoniyatni taqdim etishdi. Adrian oldinga chiqib, to‘pni tepib yuborishda xatoga yo‘l qo‘ydi, ammo to‘pni egallab olgan Obameyang bo‘sh qolgan darvozani ishg‘ol eta olmadi. "Kanonirlar"ning yangi hujumchisi Nikolya Pepe esa yakkama-yakka vaziyatda "Liverpul" posbonini dog‘da qoldira olmadi.
Mersisaydliklar ham birinchi taymda imkoniyatlarga ega bo‘lishdi. Bahsning 41-daqiqasida kelib mezbonlar "standart"dan hisobni ochishdi. Burchakdan yetkazilgan uzatmani Matip bosh bilan mehmonlar darvozasiga joylab qo‘ydi.
"Liverpul" ikkinchi bo‘limni ancha faol boshlab, amalda o‘yin taqdirini hal qilib qo‘ydi. Dastlab David Luis o‘z jarima maydoni ichida Salohning futbolkasidan tortib qolgani uchun penalti belgilandi. Misrlik futbolchi bu imkoniyatdan samarali foydalandi. Oradan ko‘p o‘tmasdan Muhammadning o‘zi "dubl"ni rasmiylashtirdi. Saloh David Luisni aldab o‘tib ketib, jarima maydoniga kirib bordi va chap oyoqda olis burchakni aniq nishonga oldi.
O‘yinning so‘nggi daqiqalarida londonliklar yirik hisobdagi mag‘lubiyatdan qutulib qolishdi. Obameyang tomonidan yetkazilgan uzatmani Lukas Torreyra 11 metrli nuqta ustida qabul qildi va zarba berib, darvozani ishg‘ol qildi.
Shu tariqa, "Arsenal"ning "Enfild"dagi g‘alabasiz o‘yinlari soni 9taga yetdi. "Liverpul" esa 9 ochko bilan peshqadamlik qilishda davom etadi.
Angliya premyer-ligasi, 3-tur
"LIVERPUL" - "ARSENAL" 3:1 (1:0)
Gollar: 1:0 – 41 Matip, 2:0 – 49, penalti Saloh, 3:0 – 58 Saloh, 3:1 – 85 Torreyra.
Liverpul – Adrian, van Deyk, Aleksander-Arnold, Robertson, Matip, Veynaldum (Milner, 69), Fabinyo, Xenderson, Mane (Oksleyd-CHemberlen, 77), Firmino (Lallana, 86), Saloh.
Arsenal – Leno, Monreal, David Luiz, Papastatopulos, Meytlend-Naylz, Genduzi (Mxitaryan, 86), Jaka, Sebalyos (Torreyra, 61), Uillok (Lyakazett, 81), Pepe, Obameyang.
Ogohlantirishlar: David Luiz (48), Fabinyo (90), van Deyk (90+3)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
