Xorijiy saytlarda «Barselona» himoyachisi Pikega oid kutilmagan xabar tarqaldi. Unga ko‘ra, ayni damda «Kosmos» kompaniyasining egasi bo‘lgan futbolchi futbolda yana bitta turnir tashkil qilish g‘oyasini ilgari surmoqda. Uning g‘oyasiga ko‘ra, ushbu turnirda Yevropa kuchli chempionatlarining chempionlari ham bir nechta top darajadagi jamoalar ishtirok etishi kerak. Xo‘sh, aslida, futbolga yana bitta turnir kerakmi?
TIG‘IZ TAQVIM
Bu taklifga APL jamoalari bir ovozdan «Yo‘q!» deb javob berishsa kerak. Chunki chempionatlar ichida aynan Angliyada taqvim shundoq ham tig‘iz. Qolgan chempionatlarda ham ayni damda bitta turnirda qatnashishga yetadigan bo‘sh vaqt yo‘q. Faqat yozda dam olishadi, unda ham jamoalar, futbolchilar transfer bilan band bo‘lishadi.
O‘RINGA O‘RIN
Pikening turnirini (shartli ravishda shunday atab turamiz) boshqa bir turnirning o‘rniga qo‘yish fikri o‘zini oqlarmikin? Buning uchun bugungi kun futbolida o‘zini oqlamayotgan biror-bir musobaqani topishga to‘g‘ri keladi. Chempionlar Ligasi? Aslo! Ushbu musobaqa bugungacha o‘z shiddatini yo‘qotmagan va bundan keyin ham shunday bo‘ladi. Klublar o‘rtasidagi jahon chempionati? Mazkur turnir shundoq ham o‘zgardi va u qit’alarda o‘tkaziladigan chempionatlarga bevosita bog‘liq. Pike tashkil etmoqchi bo‘lgan turnirda esa chempion jamoalar tanlab olinadi. Ya’ni kuchli beshlikda chempion bo‘lgan klublar qatnashishi ko‘zda tutilgan, klublar o‘rtasidagi jahon chempionati esa bunday farq qiladi.
XALQARO CHEMPIONLAR KUBOGI
Pikening musobaqasini faqat bitta turnir bilan almashtirish mumkin — Xalqaro chempionlar kubogi o‘rtoqlik turniri. Ushbu musobaqada ishtirok etadigan jamoalar uchun alohida reglament belgilanmagan. Faqat buning uchun Pikening turnirini o‘rtoqlik maqomida o‘tkazishga to‘g‘ri keladi. Boisi yozgi ta’til vaqtida o‘tkaziladigan turnirda klublar yosh futbolchilari yoki yangi xarid qilingan futbolchilarni sinovdan o‘tkazishni maqsad qilishadi. Agar turnir rasmiy maqomda bo‘lsa, klublar bu ishni amalga oshira olmasliklari va musobaqada qatnashishga unchalik xohish bildirmasligi mumkin. Aslida ham yozgi transfer mavsumi vaqtida o‘rtoqlik turniri o‘tkazgan ma’qulroq.
Bu Pikening birinchi taklifi emas. Ispaniyalik himoyachi oldin ham boshqa tashabbuslar bilan chiqqan. Ko‘ramiz, bu galgi taklifi amalga osharmikin?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
