Bugun yaqin o‘tmishda butun dunyoni hayratda qoldirgan klublarning qiyin ahvolga tushib qolganini ko‘rsangiz, ichingiz achiydi. Darhaqiqat, bunday jamoalar hozirda tobora ko‘payib bormoqda. Ularning omadsiz o‘yinlarini tomosha qilishga yurak betlamaydi… Bugun ana shonli o‘tmishga ega bo‘lsada, hozirda rahbarlarning xatolari tufayli botqoqqa botib qolgan klublar haqida so‘z boradi.
«Manchester Yunayted»
Fergusson jamoadan ketgach, klub butunlay o‘zligini yo‘qotib qo‘ydi. Bundan 20 yil avval istalgan futbolchi uchun «Old Trafford»da to‘p surish orzu bo‘lsa, bu mavsumda Dibala, Beyl, Sancho singari futbolchilar klubda to‘p surishdan bosh tortishmoqda. Nega? Sababi oddiy. Hozirda klubda to‘liq oldindan o‘ylangan rejalarning o‘zi yo‘q. Bundan tashqari, klub tizimida faoliyat olib borayotgan rahbarlar va klub murabbiy o‘rtasida bo‘lishi kerak bo‘lgan uzviy bog‘liqlik allaqchon uzlib ketgan. Aynan shu uzulish sababli Joze ishdan ketdi. Bu ketishda Sulsher ham jamoani tark etsa, ajab emas. Eng qizig‘I shundaki, klub futbolchilarining o‘zi ham ertaga nima bo‘lishini oldindan bilishmayapti. Bundan ko‘rinib turibdiki, klub rivoji uchun eng muhim sanaladigan bardavom o‘yin uslubining o‘zi yo‘q. Jamoa o‘yin falsafasi yoki o‘z uslubi haqidaku gapirmasa ham bo‘lad. Klub rahbarlari tomonidan keraksiz amalga oshirilgan transferlar esa, «Manchester Yunayted»ni yanada chuqurroq botib qolishiga sabab bo‘ldi. Klub Falkao, Di Maria, Depay, Mihitaryan, Roxo, Blind, Bayi, Sanchez va yana ko‘plab boshqa futbolchilar uchun byudjetdan juda katta miqdordagi pulni ajratgan bo‘lsada, deyarli hech narsaga erisha olmadi.
Eng achinarlisi shundaki, «Manchester Yunayted» tobora o‘rtamiyona klubga aylanib bormoqda. Agarda rahbariyat o‘z xatolarini bartaraf etib, barchasini o‘z izmiga qaytarmasa, klub tez orada o‘z imidjini yo‘qotib qo‘yadi.
«Milan»
Adriano Galliani va Silvio Berluskoni boshchiligidagi «Milan» jamoasi ko‘targan shov-shuvlar haqida ortiqcha to‘xtalishning xojati yo‘q. O‘z vaqtida istalgan klubni yanchib tashlay oladigan qudratga ega bo‘lgan klub hozirda sira o‘ziga o‘xshamayapti.
Hammasi klub rahbarlarining muoliyaviy cheklovlarni amalga oshirishidan boshlandi. Klub avvali paytlardagi kabi katta daromad keltiravermagach, jamoa to‘liq iqtidorli futbolchilarga ishonib topshirila boshlandi. «Milan» so‘nggi bor 2014-yilda chempionlikni qo‘lga kiritgach, rahbarlar to‘liq qo‘larini cho‘ntaklariga tiqib olishdi. Alegridan so‘ng, klubni boshqargan murabbiylar ro‘yxatiga qaragach, darrov hammasini tushunib olishingiz mumkin. Keyinchalik chet elik milliarderlarga pullangan «Milan»da yana pul paydo bo‘lgan bo‘lsada, muammo o‘zgarganicha yo‘q. Jamoaning to‘li rejasiz transferlari va ketma-ket almashtirilgan murabbiylar ortidan «Milan» avvalgi darajasini to‘liq boy berdi va o‘rtamiyona klublardan biriga aylanib qoldi.
«Valensiya»
Ispaniya futbolidagi 3-kuch sanalgan va 2000-yillarning eng qudratli klublaridan biri bo‘lagan jamoa hozirda sekin-asta cho‘kib bormoqda. Hammas klubni Piter Lim harid qilgach boshlandi. Magnat o‘z pullarning barchasini birjadagi tavakkalchiligi ortidan qo‘lga kiritgani bois, futbolda ham bu odatidan voz kechishni istamadi. Futbol eksperti bo‘lib faoliyat olib boruvchi Garri Nevilning murabbiy bo‘lishida tortib jamoa tarixidage eng kuchli murabbiylardan biri bo‘lmish Marselinyoning iste’fosigacha uning qarori ekanligiga hech kimda shubha yo‘q.
Futbolni u qadar tushunmasada, jamoani istaganicha boshqarishni xush ko‘ruvchi rahbar bu mavsumda ham bir necha bor qo‘pol xatolarga yo‘l qo‘yganidan xabaringiz bor. Bu ham yetmaganidek, jamoaning barcha transferlarini o‘zi belgiladi. Aynan u Rafinyaning trasnferidan voz kechdi va sal bo‘lmasa, klub hujumchsi Rodrigo Morenoni «Atletiko Madrid»ga sotib yuborishi mumkin edi. Rodrigoni klubda olib qolishni talab qilgan sport direktori va jamoa murabbiyiga chiqish eshiklari ko‘rsatilib yuborildi. Ektor Kuper va Rafa Binitesdan so‘ng, klubni endiga oyoqqa qo‘ya boshlagan Marselinyoning este’fosi barchasidan o‘tib tushdi. Aynan uning qo‘l ostida yuqoridagi klublardan farqli o‘laroq, «Valensiya» o‘z o‘yin uslubini shakillantirayotgan va to‘liq jamoaga aylanayotgan edi. Afsuski, uquvsiz rahbar sababli barchasi chipakka chiqdi…
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
