Rossiya terma jamoasi sobiq hujumchisi Roman Pavlyuchenko Yevropi–2008 saralash bosqichi doirasida Angliya terma jamoasiga qarshi bo‘lib o‘tgan uchrashuvni esladi. O‘sha uchrashuvda u ikki marotaba raqib darvozasini ishg‘ol etib, Rossiya terma jamoasiga 2:1 hisobidagi g‘alabani taqdim etgandi.
«Uchrashuvdan oldin mehmonxonada Angliyani yutishimizga bo‘lgan tuyg‘u edi. «Lujniki» stadioniga kelganimizda esa, tribunalarda bo‘sh o‘rin yo‘qligini ko‘rib, albatta yutish shartligini his qilgandik. Gol o‘tkazib yubordik – g‘alaba haqidagi fikrimiz yana yo‘qolib qoldi. Yana uchta gol o‘tkazib yuboramiz deb o‘ylagandim. Tribuna tinimsiz qo‘llab-quvvatlab turganda qanday qilib gol urmaslik mumkin?!
Tanaffus paytida kiyinish xonamizdagi muhit odatiy edi. Ikkinchi taymga ko‘rsatma olayotgandik. Oldimizda 45 daqiqa borligini, o‘yinni o‘zgartirib yuborishimiz mumkinligini tushunib yetgandik. Men zahiradan maydonga tushayotgan paytimda menga Gus mening vazifam faqat gol urish ekanligini tushuntirdi. Men ishonchni oqladim.
Avvaliga shtatli penaltichimiz Sergey Ignashevich edi. Ehtimol, uchrashuvdagi bosim yuqoriligi uchun o‘ziga bo‘lgan ishonch yo‘qolgandir. Zarba berishimdan oldin hayajon yo‘q edi. To‘pni o‘rnatayotgan paytimda darvozaning o‘ng tarafiga tepishimni o‘yladim. Agar to‘pga zarba berayotganingda mo‘ljalni almashtirmoqchi bo‘lsang, to‘p tribunaga qarab uchib ketadi. O‘sha paytda xayolimda faqat gol urish edi: agar ursam qahramon bo‘laman, ura olmasam... Omad men tarafda bo‘ldi...!
Uchrashuvdan keyin kiyinish xonamizdagi muhitni tasavvur qiling! G‘alabani nishonladik, qattiq baqirdik, xursand bo‘ldik, Angliyani yutib, Yevropa chempionatiga borishga imkoniyat tug‘ildi. O‘yinni ertasi kuni jamoaviy bo‘lib kechki ovqatga birga bordik. Meni alohida tabriklashdimi? Nima uchun? Axir golni butun jamoa yordamida urgandimku! Biz futbolchilarmiz, tennischilar emas.G‘alaba jamoaviy qo‘lga kiritiladi. Odamlar hozirgacha o‘sha bellashuvni eslab yurishadi. Oradan 50 yil o‘tsa ham o‘sha uchrashuv yoddan chiqmaydi», — dedi Pavlyuchenko «Chempionat» muxbiri Arina Lavrova bilan suhbatda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
