Superliganing 22-turidan o‘rin olgan “Bunyodkor” hamda AGMK jamoalari o‘rtasidagi o‘yin yakunlandi. O‘yindan so‘ng matbuot anjumanining ikkinchi qismida mezbonlar bosh murabbiyi Vadim Abramov jurnalistlar savollariga javob qaytardi.
- Oddiy vaziyatlarda xatoga yo‘l qo‘ydik. Garchi mag‘lubiyatga uchragan bo‘lsak-da, hisob o‘yinga mos bo‘ldi, deya olmayman.
Nega jamoaning o‘yinida pasayish ro‘y berdi? Har qanday jamoada «spad» bo‘ladi. Bu yangilik emas. Shunchaki, biz juda oddiy vaziyatlarda xatoga yo‘l qo‘yyapmiz. Eng yomoni, tajribali futbolchilar shunday xatolar yo‘l qo‘ymoqda.
Qolaversa, zaxira o‘rindig‘imiz qisqaligi ham pand bermoqda. Xususan, futbolchilarimiz terma jamoalardan ikki kun avval yetib kelishdi. Birga shug‘ullanishga yetarlicha vaqt bo‘lmadi.
Mabodo bugungi uchrashuvni ikki kundan keyin o‘tkazganimizda o‘yin boshqacharoq bo‘lishi mumkin edi. Agar zaxira o‘rindig‘imiz uzun bo‘lganida bugun boshqa futbolchilarning xizmatidan foydalangan bo‘lardim.
– Mirjalol Qosimov va Vadim Abramov qarama-qarshiligida Qosimov ustunlik qilmoqda (6:1). Bu haqida nima deysiz?
– Demak, Qosimovni tabriklash kerak. Yaqinda u rekord o‘rnatadi. Statistikani qayerdan olishadi aniq bilmayman, lekin... ha, mayli shunday bo‘laqolsin.
– Jamoa mavsumni yosh tarkib bilan boshladi. Kuzga kelib esa jamoada ishtiyoq yo‘qolgandek taasurot uyg‘otmoqda.
Ha, to‘g‘ri aytasiz bizda biroz pasayish bo‘ldi. Sababi, hamma dam olgan vaqtda bizning futbolchilar OTJ yig‘iniga yo‘l olishadi. Agar kuchli zaxiramiz bo‘lganda bunday bo‘lmas edi, menimcha.
– Mavsum yakunlangach “Bunyodkor”dan aniq ketasizmi? So‘raganimning sababi, sizda motivasiya yo‘qolgandek tuyulmoqda.
– Menda barchasi yaxshi. Faqat qiyin taqvim tufayli bizda shunday muammolar bo‘lmoqda. Sababi, 15 kuni keldik, mana bugun o‘ynayapmiz. Agar, o‘yin 2 kundan keyin bo‘lganida boshqacha bo‘lardi. Ketamanmi? O‘zbek futboli uchun foydali qarorga kelamiz.
– Birinchi gol darvozabonning xatosi bilan bo‘ldi. Balki Abdujalilovni sinab ko‘rish kerakdir.
– Bu haqida fikr bildirish qiyin.Birinchi gol o‘tkazilgan vaziyatda yoshi katta futbolchilarga nima bo‘lganini umuman tushunmadim. Birinchisi aut otdi, ikkinchisi to‘pga yeta olmadi, darvozabonimiz esa umuman g‘alati joyni tanladi.
– Jasur Jaloliddinov nega ko‘rinmay qo‘ydi? Bugun ham qaydnomada yo‘q edi.
– U yaqinda terma jamoa safida o‘ynab qaytdi, o‘zini dunyoning eng yaxshilari orasiga kiritilganini o‘qibdi. Kecha uning yoshlar jamoamizdagi o‘yinini kuzatdim. Yaqinda U-19 Osiyo chempionati saralashi bo‘ladi shu jamoaga yordam berishi kerak.
– Telefoningiz?
– Ko‘rdingizmi? Yutqazdik, hech kim qo‘ng‘iroq qilmadi (kuladi). (PS: Har gal matbuot anjumanida Vadim Abramovning telefoni jiringlab qolardi)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
