Yevropa chempionlar ligasi 3-turi doirasida "Barselona" safarda "Slaviya" mehmoni bo‘lgan bo‘lsa, "Inter" va "Borussiya" jamoalari "San-Siro"da to‘qnash kelishdi.
"Ko‘k-anorranglilar" 3-daqiqadayoq hisobni ochishdi: Arturning uzatmasidan keyin Messi to‘pni darvozaga burib qo‘ydi. Mazkur gol bugungi o‘yinda kataloniyaliklar yirik hisobda g‘alaba qozonishidan darak berayotgandek edi. Ammo, kutilmaganda, chexiyaliklar nomdor raqibga qarshi juda kuchli o‘yin namoyish qila boshlashdi. Masalan, birinchi bo‘limning o‘zida Mark-Andre ter Shtegen kamida 3ta vaziyatda jamoasini qutqarib qoldi.
Pragaliklarning urinishlari ikkinchi bo‘lim boshida samara berdi. Borjilning zarbasini ter Shtegen qaytara olmadi. Oradan 7 daqiqa o‘tib ispaniyaliklar hech kim kutmagan joyda gol urib ketishdi. Messi jarima zarbasini amalga oshirdi va Suares o‘tkir burchak ostida zarba berdi. To‘p rekoshet orqali "Slaviya" darvozasidan o‘rin oldi.
Ikkinchi bo‘limning aksariya qismida ustunlik "Barsa" tomonida bo‘lgan bo‘lsa, o‘yin so‘ngida mezbonlar raqib darvozasi tomon jiddiy bosim o‘tkazishdi. Ammo jamoalarga gol urish boshqa nasib qilmadi.
"Inter" esa pley-offga chiqish yo‘lidagi asosiy raqibi — "Dormund"ni mag‘lub etishga muvaffaq bo‘ldi. 22-daqiqada Stefan de Vrey maydon markazidan bergan uzatmani Lautaro Martines raqib jarima maydoni ichida o‘ziga bo‘ysundirdi va darvozani ishg‘ol qildi.
O‘yin tugashiga 8 daqiqa qolganida dortmundliklar darvozasi tomon penalti belgilandi, ammo Martines tomonidan yo‘llangan zarbani mehmonlar posboni Roman Byurki qaytarishga muvaffaq bo‘ldi. Qaytgan to‘pga birinchi bo‘lib yetib kelgan Espozito besh metrdan darvozani ishg‘ol eta olmadi.
O‘yin yakunlanishiga 1 daqiqa qolganida "neradzurri" qarshi hujum tashkil qildi va Antonio Kandreva yakkama-yakka vaziyatda "Borussiya" darvozasini ishg‘ol qildi.
"Barselona" 7 ochko bilan yaqqol peshqadamga aylangan bo‘lsa, "Inter" va "Borussiya" klublari hisobida 4tadan ochko mavjud.
"F" GURUHI, 3-tur
Inter Italiya – Borussiya D Germaniya 2:0 (1:0, 1:0)
Gollar: 1:0 – 22 Martines, 2:0 – 89 Kandreva.
Inter – Xandanovich, Shkrinyar, de Vrey, Godin, Asamoa (Biragi, 80), Barella, Kandreva, Brozovich, Galyardini, Martines (Valero, 90), Lukaku (Espozito, 62).
Borussiya D – Byurki, Xakimi, Akandji (Bruun Larsen, 74), Xummels, Shuls, Sancho, Vitsel, Azar (Gerreyru, 84), Dileyni (Daud, 65), Brandt, Vaygl.
Ogohlantirishlar: Brozovich (43), Barella (56), Godin (78), Vaygl (79), Xummels (87), Kandreva (90).
Slaviya Chexiya – Barselona Ispaniya 1:2 (0:1)
Gollar: 0:1 – 3 Messi, 1:1 – 50 Borjil, 1:2 – 57, avtogol Olayinka.
Slaviya – Kolarj, Kudela, Borjil, Soufal, Zeleni (Tesl, 46), Masopust (van Byuren, 76), Stanchu (Gushbauer, 77), Shevchik, Souchek, Govorka, Olayinka.
Barselona – ter Stegen, Pike, Alba, Langle, Semedu, de Yong, Buskets (Vidal, 78), Artur (Rakitich, 84), Grizmann (Dembele, 69), Suares, Messi.
Ogohlantirishlar: Alba (35), Masopust (56), Borjil (64), Olayinka (71), Shevchik (76), Dembele (90).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
