Italiya A seriyasi so‘nggi yillarda o‘z shiddatini, raqobatga boy o‘yinlarini yo‘qotgani bor gap. Bu esa o‘z navbatida muxlislar soniga ham salbiy ta’sir ko‘rsatdi. Tan olish kerak, oxirgi paytlarda bu chempionatni ko‘rmay qo‘ygan futbol muxlislari ham topiladi. Ammo…
A seriya o‘z obro‘sini qayta tiklamoqda. Bunga bir qator omillar sabab bo‘lyapti. Birinchi omil — tajribali futbolchilar. Birgina Krishtianuning o‘zi millionlab muxlislarni A seriyaga ko‘chishga majbur qildi. «Yuventus»ning o‘yinini ko‘radiganlar boshlandi. Hatto Turin klubi ishtirokidagi o‘yinlar APL va La Ligadagi o‘yinlardan ham muhimroq bo‘lib qoldi ba’zan.
Bundan tashqari, Romelu Lukaku va Aleksis Sanchesning «Inter»ga o‘tishi Milan klubiga bo‘lgan qiziqishni bir qadar oshirdi. Hatto Lukakuning «Inter» a’zosiga aylanganini Milan klubi uchun omadsiz transfer deya hisoblayotganlar ham «Qani, Lukaku A seriyada qanday o‘ynarkin?» deya «Inter»ning o‘yinini ko‘rishmoqda. Shaxsan menga Romeluning Italiya chempionatida qanday harakat qilishi qiziq. Shuningdek, yuqoridagi misollardan tashqari boshqa futbolchilar ham (A seriyaga ko‘chib o‘tgan) qiziqishni oshirdi.
Ikkinchidan, A seriyada ayni damda kuchli murabbiylar ishlamoqda. Hatto murabbiylar darajasi bo‘yicha Italiya chempionati ikkinchi o‘ringa ko‘tarildi. Birinchi deya olmaymiz, chunki APLda Klopp va Gvardiola faoliyat yuritadi. Bundan tashqari, Pochettino, Brendan Rojers, Unai Emeri va boshqa bu darajadagi murabbiylar Angliyada yetarlicha. Italiyada esa ayni damda Maurisio Sarri, Antonio Konte, Karlo Anchelotti, Valter Massari… A seriyada darajasi bir-biriga teng, yuqori saviyali kamida uchta murabbiy bor. Bu esa o‘yinlarning shiddatli kechishini ta’minlaydi. La Liga-chi, dersiz… Ispaniya chempionatida ayni damda murabbiylar orasida Diyego Simeone boshqalardan bir bosh ustun. Ernesto Valverde va Zidan esa futbolchilarning darajasi tufayli yuqorida yurishibdi. Gvardiola, Anchelotti, Mourinyo kabi murabbiylar ketgach, La Liga murabbiylar borasida maqtana olmay qolgan.
Ayni damda «Yuventus» chinakam bosh og‘rig‘iga duch kelgan. Bu bosh og‘riqlaridan biri «Inter», ikkinchisi «Napoli». O‘xshab qolsa, «Roma» ham muammo tug‘dirishi mumkin. Hatto Antonio Konte shogirdlari ushbu mavsum Skudettoni boshlari uzra baland ko‘tarishsa ham ajablanmaymiz.
Aslida, «Napoli» — «Roma» o‘rtasidagi o‘yinni ko‘rib, A seriyaning avvalgi holati sekin-asta qaytayotganiga amin bo‘ldim. Haqiqiy shiddat, haqiqiy kurashuvchanlik.
Yoki «Inter» — «Yuventus» uchrashuvini olaylik. Juda shiddatli o‘yin bo‘lgandi o‘ziyam. Masalan, La Ligada bunday darajadagi o‘yinlar kamroq bo‘ladi. A seriyada esa ko‘paymoqda. Boisi maydonda nafaqat kuchlari tenglashgan klublar, balki teng kuchli, o‘ta tajribali murabbiylar bellashyapti. A seriyada taktikaga asoslangan, aqlli o‘yinlar ko‘paymoqda. Bu esa futbolga yanada joziba bag‘ishlashi turgan gap.
Endi A seriyani ko‘ramiz. Sizni bilmadim-u, men Italiya chempionatida o‘yinini qoldirmaydigan jamoalar soni ortyapti. Shu paytga qadar «Yuventus»ning o‘yinini ko‘rgan bo‘lsam, endi «Inter» va «Napoli» ishtirokidagi bellashuvlarni ham muntazam ko‘rishga intilyapman. Axir maydonda shiddatli bahs bo‘layotgan bir paytda qanday qilib futbol ko‘rmaslik mumkin, nima dedingiz?
Nizomjon ISLOMOV
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
