UFC olamida eng uzoq kutilgan janglardan biri sifatida e’tirof etilayotgan Habib Nurmagamedov va Toni Fergyuson o‘rtasidagi to‘qnashuv oldidan «elkukuy» taniqli jurnalist Ariyel Hilvaniyga intervyu berdi. Ushbu intervyuni e’tiboringizga taqdim etamiz.
— Toni nima uchun Habibning shartlariga rozi bo‘lmading?
— Bunga mening shaxsiy sabablarim bor edi. Tashkiliy ishlar bilan shug‘ullanuvchi menejerim bilan bu borada gaplashib oldik. Hammasi yaxshi bo‘ldi. Biz barchasini chuqur anglab olmoqchi edik.
— Jangga qadar deyarli 5 oy vaqt bo‘lsada, ular jang afishasini e’lon qilishdan charchashmayapti. Buning sababi nima deb o‘ylaysan?
— Bu xuddi osmonga qo‘l uzatgandek gap. Ularda bu borada kim ish yurtishini bilmadim, lekin ularning qandaydir rejasi bor ekanligi aniq. Ular jangdan qochib bo‘lmasligini anglab turishibdi va iloji boricha vaziyatni cho‘zishga harakat qilishmoqda. Men xalq chempioniman va ular mening tirsak zarbamni qabul qilib olishadi.
— Habib sen bilan jangdan qochish maqsadida, boshqa raqib qidirmadimi?
— Menimcha yo‘q. Bu shashka emas, shaxmat. Oldinroq aytganimdek, men chempionlik yo‘lida barchani mag‘lubiyatga uchratishga tayyorman. Ular menga qarshi kimni qo‘yishsa ham o‘yin boshlangan va ortga yo‘l yo‘q. Habibda ham shunday xolat, desam adashmagan bo‘laman.
— Endilikda, jang borasida seni barchasi qoniqtirmoqdami?
— Albatta, ishning borishi menga manzur kelmoqda. Bu shunchaki boshlanishi xolos. Avvallari bir yilda 6 bor jang qilar edim. Bir muncha vaqt o‘tib bu ko‘rsatkich 3 taga tushib ketdi. Endilikda yiliga 1 bor oktagonga chiqmayapman. Bu xuddi baliqchining ovi singari muhim omil.
— Nima uchun Habib jangni aprel oyiga ko‘chirdi. Axir fevralda ham jang qilish imkoni mavjud ediku?
— Menimcha, bu savolni UFCga berish kerak. Habib o‘z ishlari bilan band. Bolalarini o‘pmoqda, dasnxat yozmoqda, dunyo kezmoqda va shunga o‘xshash ko‘ngil ochar yumushlar bilan band. Aslida men fevral oyida jang qilishim kerak edi. Biz «dahshatli» raqib ham tanlab olgan edik, biroq barchasi o‘zgarib ketdi va menga Habibni topshirishdi. Bizda aprel oyigacha vaqt ko‘p. Asosiysi jarohatdan qochish va muxlislar kutgan narsani ularga taqdim etish. Bu kutishga arziydigan jang bo‘lishiga ishonchim komil.
— Jangga qadar hali 5 oy vaqt mavjud. O‘z tanangni qay yo‘sinda tayyorlab bormoqchisan? Axir bu juda uzoq muddat va jang sanasida optimal formada bo‘lish lozim. Buning uchun maxsus reja asosida mashg‘ulotlar o‘tkaziladimi?
— Men hech narsani o‘zgartirmayman. Sababi doimo a’lo darajadagi formani yo‘qotmayman. Agarda yaxshilab dam olsam, shunga yarasha mehnat qilaman. Anchadan beri shu yo‘sinda formamni ushlab kelmoqdaman va hech narsani o‘zgartirmoqchi emasman. Mening qanday formada bo‘lishimning umuman farqi yo‘q. Asosiysi ahmoq Habib jangga tayyor bo‘lsin. Muxlislar to‘llagan pullariga yarasha jang tomosha qilishlari uchun bu juda muhim. Ularga maslahatim jang chiptalarini tezda sotib olishsin. O‘sha kuni oktagonda qaynoq havo hukm suradi. Men Habibni taslim bo‘lishga majbur qilaman. Kerak bo‘lsa, 20 bor taslim qilishga kuchim yetadi. Shunday ekan, endi faqat jang sanasini kutish qoldi. Habibning Rossiyada ishqibozlari ko‘p, lekin men ularni tortib olaman.
— Rus muxlislar seni Habibdan ko‘ra ko‘proq yoqtirib qolishadi deb o‘ylaysanmi?
— Hozir ham Rossiyada muxlislarim juda ko‘p. Jangdan so‘ng, ularning soni bir necha milliondan oshib ketishiga ishonchim komil.
— Habib o‘z faoliyati davomida atigi bittagina raundda mag‘lubiyatga uchragan. Undagi bo‘sh nuqtalarni qanday topdingiz?
— Biz ikkimiz ham Tibaoga qarshi jang qilganmiz. Muxlislar o‘sha janglarni ko‘rib chiqishsin. E’tibor berib qarang, men Habibdan ancha kuchliroq ekanligimni darrov sezishadi. Men ahmoqlarga o‘xshab jangda nima qilishimni aytmoqchi emasman. Shunday bo‘lsa-da, uni yengishning yagona uslubi bu oddiylik. Men Habibga tinimsiz bosim uyushtiraman. Habib men sening ortingdan ketyapman!
— Konor va Kovboy o‘rtasida jangda kimning g‘alaba qozonishini taxmin qilyapsan?
— Menimcha, Kovboy Konorni oyoq zarbasi bilan «o‘chirib» qo‘yadi. Konor zarbadan so‘ng bir qop ahlatdek yerga qulab tushadi. Hozirda o‘zgalarning janggiga bosh qotirishni istamayman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
