Kuni kecha bo‘lib o‘tgan Manchester derbisida “shaharliklar” yirik hisobda g‘alaba qozonganidan xabaringiz bor. Bugun Pep Gvardiola klub rasmiy sayti uchun kichik intervyu berib o‘tdi.
— Derbida shunday osonlik bilan g‘alabani qo‘lga kiritganigizdan hayron qoldingizmi?
— Meni eshiting, bu futbol va unda barcha narsa amalga oshishi mumkin. O‘yin davomida barcha narsa bo‘lishi mumkin. “Old Trafford”ga tashrif buyurayotganingizda birinchi bo‘limning o‘zida 4 ta yoki 5 ta gol kiritishni o‘ylashning iloji yo‘q.
— Jamoangiz birinchi bo‘limda mutloq hokimlik qildi va 3 ta gol kiritishga muvaffaq bo‘ldi. Ikkinchi bo‘limda esa, o‘yinni tashlab yubordinglar. Buning sababi nima?
— Darhaqiqat, birinchi bo‘limda biz yaxshi o‘yin ko‘rsatdik. Ikkinchi bo‘limga kelib esa, raqiblarimiz o‘yinga o‘zgarishlar kiritishdi va bizga ko‘proq muammo tug‘dirishni boshlashdi. Bizning yarim himoyamiz Grinvudni ushlashga majbur bo‘ldi va biz pressing qilish imkoniyatidan mahrum bo‘ldik. Sababi, qanotlarda Jeyms va Reshfordni yopib tashlashga majbur bo‘ldik. Shu yo‘sinda ular bizdan ustunlikni tortib olishga muvaffaq bo‘lishdi va o‘yinning borishini o‘z qo‘llariga olishdi. Ularni tushunsa bo‘ldi. Bu yigitlar o‘zlari sharaf deb biluvchi klub nomusini himoya qilishdi. Boz ustiga, muxlislari ko‘z oldida. Ikkinchi bo‘limda ko‘rganlarimdan to‘g‘ri xulosa chiqaraman va ikkinchi o‘yinda bundan foyda chiqara olishni niyat qilyapman. Shunday bo‘lsada, bugungi tablodagi hisobni ajoyib natija deb hisoblayman. Men “Manchester Yunayted”ni juda hurmat qilaman. Men bir necha bor bu jamoaga qarshi to‘qnash kelganman. Nafaqat “Siti” bilan, balki “Barselona” va “Bavariya” bilan ham ularga qarshi maydonga tushganman. “Barselona” bilan birgalikda ularga qarshi YECHL uchrashuvlarni yaxshi xotirlayman. Shu o‘rinda tan olish lozim, ushbu jamoa APL va Yevropa futbolining o‘sishida tutgan o‘rni beqiyos. Bu yerda g‘alaba qozonish juda yoqimli. Shunga qaramay, bu uchrashuv bizga 3 ochkoni taqdim etgani yo‘q va ishni yakuniga yetkazmadik. Bu shunchaki, birinchi o‘yin xolos. Ular o‘tgan yili PSJ bilan nimalar qilishganini yaxshi eslasangiz kerak. Bugungi o‘yinning ikkinchi bo‘limidan xulosa qilsak, javob o‘yinida bizga havf yo‘q, deyishga hali erta. Shunday bo‘lsada, ikkinchi uchrashuv o‘z uyimizda bo‘lishi yoqimli. Ular bizni xuddi raqiblarimizning muxlislari singari qo‘llab-quvvatlab turishadi. Bu bizga finalga yo‘l olishga imkon beradi.
— Pep, jamoa o‘zining sport formasini tiklab oldimi?
— Yo‘q, jamoa biroz toliqib qoldi. Bizning taqvimdan chiqib fikr bildirsam, yigitlar charchab qolishdi. Bu mavsum davomida o‘tkazgan o‘yinlarimizni inobatga olsak, bu tabiiy xol. Ko‘pchilik mening so‘zlarimga ishonmasligi mumkin, biroq biz o‘tgan mavsumdagi darajada futbol o‘ynayapmiz. Biz yomon o‘yin ko‘rsatmayapmiz. Albatta, xatolar mavjud. Bu qaysidir ma’noda APLga tegishli. Biz kerak bo‘lmagan vaziyatlarda ochko yo‘qotyapmiz. Shunday bo‘lsada, yigitlar ko‘rsatayotgan futboldan ko‘nglim to‘lmoqda. Bu davlatda futbolchilar uchun taqvim shunchaki “daxshat”!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
