Xabaringiz bor, ayni kunlarda Tailand yashil maydonlarida futbol bo‘yicha U-23 Osiyo chempionati bo‘lib o‘tmoqda. Bugun musobaqada terma jamoamiz o‘rin olgan “S” guruhida 1-tur uchrashuvlariga start beriladi. Musobaqaning amaldagi g‘olibi hisoblanmish jamoamiz dastlabki turni Eron OTJga qarshi bahs bilan boshlaydi.
Bugungi o‘yin oldidan jurnalist va sharhlovchilarning firklari bilan qiziqdik.
– Bugun Olimpiya terma jamoamiz Osiyo chempionatidagi o‘z yurishini boshlaydi. Chempion bo‘lishdan ko‘ra uni himoya qilish qiyin. Sizningcha bu safar OTJ qayergacha yetib boradi?
Mirzahakim To‘xtamirzayev: – Xafa bo‘lmasangiz, odatda bashoratlar bilan shug‘ullanmayman. Shuning uchun 1-savolni javobsiz qoldirsam.
Xayrulla Hamidov: – Agar bu safar Olimpiya terma jamoamiz guruhdan chiqa olsa, bemalol finalgacha yetib boradi, deb o‘ylayman.
Davron Fayziyev: – Ushbu tarkibdagi futbolchilar chempionatimizda doimiy o‘yin amaliyotiga ega bo‘lgan. Jamoa o‘z kuchiga ishonadi. Menimcha, bu safargi jamoa avvalgisidan kuchsiz emas. O‘ylaymanki, ashar omad ham biz tomonga kulib boqsa olimpiya terma jamoa finalgacha yetib boradi.
Olimxo‘ja Bo‘ronov: – Bizni faqat lisenziya qoniqtiradi. Finalgacha yetib borishini kutyapman.
Murod Rizayev: – Hozir bir narsa deyish kiyin... birinchi uyindan keyin fikr bildirsak yaxshi bulardi... lekin kuchli 4talikka kirishga kuchlari yetadi deb uylayman.
– Bugungi O‘zbekiston hamda Eron o‘yinidan nimalar kutyapsiz?
M. To‘xtamirzayev: – Bugungi o‘yindan g‘alaba va yigitlarning o‘ziga bo‘lgan ishonch hissini mustahkamlab olishini kutyapman.
X.Hamidov: – Bugungi o‘yin turnirdagi eng qiyin o‘yinimiz bo‘lsa kerak.
D. Fayziyev: – Bugun finalga teng o‘yin bo‘ladi, chunki prinsipial raqib, bitta mintaqa, ya’ni CAFA mintaqasining ikki yetakchisi. Bugungi o‘yinda jismoniy tayyorgarlik katta ro‘l o‘ynaydi.
O. Bo‘ronov: – Faqat g‘alaba.
M. Rizayev: – Faqat g‘alaba. Biz eron bilan 2 marta uynadik, sentyabrda 1:0 va 4:1 hisobida g‘alaba qozondik. Menimcha, futbolchilarmizda ruhiy ustunlik bo‘ladi.
– Olimpiya terma jamoamiz o‘rin olgan «S» guruhi «o‘lim guruhi» deb atalmoqda. Sizningcha mazkur guruhdagi eng qiyin raqib qaysi?
M.To‘xtamirzayev: – Yoshlar futbolida har bir jamoa qiyinchilik tug‘dirishi mumkin. Avvalgi avlodlarga qarab fikr yuritilsa, Janubiy Koreya - eng qiyin raqib.
X. Hamidov: – “O‘lim guruhi”dagi eng qiyin raqib - Eron.
D. Fayziyev: – Bu yoshda bilib bo‘lmaydi... Hamma Janubiy Koreya va Eron favorit deb aytmoqda, lekin Xitoy ham keyingi bosqichga chiqib qolsa ajablanmayman. Sababi bu guruhda barcha kuchlari teng jamoalar yig‘ilgan, shu sababli ham “o‘lim guruhi” deyilmoqda. Agar, bittasini tanlash kerak bo‘lsa, bu Janubiy Koreya.
O. Bo‘ronov: – O‘ylashimcha, Janubiy Koreya. Shuning uchun dastlabki 2ta o‘yinda g‘alaba qozonib, Koreyaga qarshi bo‘ladigan 3-tur oldidan pley-off yo‘llanmasini hal qilib olishimiz kerak.
M. Rizayev: – Har safar ham eng noqulay raqib Janubiy Koreya bo‘lib kelgan. Har doim ham shunday bulsa kerak. Bejizga yevropaliklar ularga qiziqish bildirishmayapti.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
