Bugun Jismoniy tarbiya va sport vazirligida navbatdan tashqari yig‘ilish o‘tkazildi. Unda O‘zbekiston Respublikasi Prezidentining maslahatchisi Abdujabbor Abdusattorovich Abduvohidov, O‘zbekiston Respublikasi Bosh vazirining o‘rinbosari Aziz Abduqahhorovich Abduhakimov, Jismoniy tarbiya va sport vazirligi hamda O‘zbekiston Milliy Olimpiya qo‘mitasi rahbariyati va xodimlari ishtirok etishdi.
Yig‘ilishga raislik qilgan O‘zbekiston Respublikasi Prezidentining maslahatchisi A.Abduvohidov so‘nggi yillarda yurtimizda jismoniy tarbiya va sportni ommalashtirishga qaratilgan keng islohotlar amalga oshirilayotganini alohida ta’kidladi. Shu bilan birga mazkur soha taraqqiyotini yangi bosqichga olib chiqish, ayniqsa aholining salomatligini mustahkamlashda ommaviy sport targ‘ibotini yanada kuchaytirish zarurligiga urg‘u qaratildi. Ushbu vazifalarni amalga oshirish maqsadida vazirlik rahbariyatida tashkiliy o‘zgarishlar yuz berganligi ma’lum qilindi.
O‘zbekiston Respublikasi Prezidentining maxsus qarori bilan Ermatov Ravshan Sayfiddinovich jismoniy tarbiya va sport vazirining birinchi o‘rinbosari, Shukurov Elbek Habibullayevich esa jismoniy tarbiya va sport vazirining o‘rinbosari etib tayinlandi.
Ravshan Ermatov – 1977 yil 9 avgustda Toshkent shahrida tug‘ilgan. 1995-1999 yillarda O‘zbekiston davlat jismoniy tarbiya instituti (hozirgi O‘zbekiston davlat jismoniy tarbiya va sport universiteti)da tahsil olgan. R.Ermatov o‘zining mehnat faoliyatini Respublika oliy sport futbol maktabida murabbiy sifatida boshlab, keyinchalik “Chig‘atoy” futbol oliy sport mahorati maktabi murabbiyi, O‘zbekiston futbol federasiyasi xalqaro markazi murabbiyi, 2004-2010 yillarda esa futbol bo‘yicha Respublika oliy sport mahorati maktabi murabbiyi, 2010 yildan O‘zbekiston davlat jismoniy tarbiya va sport universiteti “Futbol nazariyasi va uslubiyati” kafedrasi katta o‘qituvchisi, 2019 yildan hozirga qadar O‘zbekiston futbol assosiasiyasi birinchi vise-prezidenti lavozimlarida ishlagan.
Ravshan Sayfiddinovichning mamlakat futboli rivoji yo‘lidagi ulkan xizmatlari hukumatimiz tomonidan munosib e’tirof etilgan holda 2010 yilda “O‘zbekiston iftixori” faxriy unvoni, 2014 yilda “El-yurt hurmati” ordeni, 2015 yilda esa “Buyuk xizmatlari uchun” ordenlari bilan taqdirlangan.
Ta’kidlash joiz, Ravshan Ermatov bir vaqtning o‘zida O‘zbekiston futbol assosiasiyasi birinchi vise-prezidenti sifatida faoliyat olib boradi.
Jismoniy tarbiya va sport vazirligi
Matbuot xizmati
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
