Ushbu ruknimizdagi eng so‘nggi yangiliklarni taqdim etishda davom etamiz.
"Inter" uz futbolchisini olib qolmoqchi
Milanning “Inter” jamoasi o‘z iqtidorli yosh futbolchisi Alessandro Bastoni yozda boshqa jamoaga o‘tishi borasidagi mish-mishlar ko‘payib ketganidan xabaringiz bor.
“Salciomercato” nashri bergan xabarlarga qaraganda, “Inter” rahbarlari 20 yoshli futbolchini jamoada saqlab qolish uchun barcha choralarni ishga solishni rejalashtirmoqda.
Shu sababli, jamoa tez orada Bastoniga maoshi bir necha barobar kattaroq bo‘lgan shartnoma taklif qiladi. Ayni damda “Barselona” va “Manchester Siti” e’tibor markazida turgan himoyachining o‘zi hozircha vaziyatga oydinlik kiritganicha yo‘q.
Eslatib o‘tamiz, himoyachi ushbu mavsumda “A seriya”ning 13 ta uchrashuvida maydonga tushgan va o‘z hisobiga 1 ta gol yozib qo‘ygan.
“Ayaks” o‘z uslubida
“Don Balon” nashri bergan xabarlarga qaraganda, Gollandiyaning “Ayaks” jamoasi yozda “Atletiko Madrid” yarim himoyachisi Rodrigo Rikelmeni o‘z safiga qo‘shib olishni rejalashtirmoqda. Ayni damda, “Matraschilar”ning ikkinchi tarkibida harakat qilayotgan 19 yoshli qanot yarim himoyachisi “Ayaks”ning yozdagi asosiy transfer maqsadiga aylanadi.
Klub Rodiro kelajakda dunyo darajasdagi yulduz bo‘lib yetishishiga shubha qilmayapti. Shu sababli, yozda uning transferi uchun 14 million yevrodan voz kechishga tayyor.
Ispaniyalik futbolchi yosh bo‘lishiga qaramay, “matraschilar”ning asosiy tarkibida debyut qilishga ham muvaffaq bo‘ldi.
“Napoli” hujumchi izlamoqda
Italiyaning “Napoli” jamoasi yozda markaziy hujumchi harid qilishni rejalashtirib qo‘ygan. TMW nashri bergan xabarlarga ko‘ra, jamoa nishonida “Torino” sardori Anrea Belotti turibdi.
Manba bergan xabarlarga ko‘ra, 26 yoshli futbolchining transferi uchun “Napoli” jamoasi 30 million yevrodan voz kechishiga to‘g‘ri keladi. Belotti yozda jamoani katta ehtimol bilan tark etishi kutilayotgan Dris Mertensning o‘rnini egallashi tahmin qilinmoqda.
"Arsenal”ga Orkuna kerak
Londonning “Arsenal”jamoasi “Feynord” futbolchisini qo‘lga kirtish borasida muzokaralarni boshlab yubordi.
“Daily Mail” nashri bergan xabarlarga ko‘ra, “kononirlar” Gollandiyaning “Feynoord” klubi yarim himoyachisi Orkun Kekchyuni o‘z safiga qo‘shib olmoqchi.
Bu haqida “Daily Mail” nashri ma’lum qilmoqda. “To‘pchilar” turkiyalik pleymeykerning transferi uchun 23 million yevrodan voz kechishga tayyor. Ingilizlar futbolchining Yevro 2020 musobaqasida yanada qimmatlashib ketishidan havfsiragani bois transferni tezroq amalga oshirishni istamoqda.
Manbada aytilishicha, Orkun “Arsenal”da Mesut O‘zilning o‘rnini egallashi ko‘zda tutilgan bo‘lib, Artetaning shaxsan o‘zi uni jamoada ko‘rishni istamoqda.
Villian ketadi
Londonning “Chelsi” jamoasi yarim himoyachisi Villian “Chelsi”ni yozda tark etishi tobora haqiqatga aylanib bormoqda. UOL nashri bergan xabarlarga qaraganda, braziliyalik futbolchi “aristokratlar” taklif qilgan ikki yillik shartnomadan voz kechgan. Villian London klubidan kamida 3 yillik shartnoma taklif qilishni talab qilmoqda.
31 yoshli futbolchi va klub yozga qadar kelishuvga erishmasa, Villian klubni erkin agent maqomida tark etish huquqiga ega bo‘ladi.
UOL nashri bergan ma’lumotga ko‘ra, Villian uchun asosiy da’vogar “Barselona” va “Yuventus” bo‘lib turibdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
