Xabaringiz bor, ayni vaqtda yurtimizda karantin qoidalari amal qilayotgani sababli O‘zbekiston futbol assosiasiyasining barcha bo‘linmalari o‘z faoliyatini masofadan turib davom ettirmoqda. Xususan, hududiy futbol assosiasiyalari vakillari ham masofadan turib ish olib borishmoqda.
Bugun O‘FA Birinchi vise-prezidenti Ravshan Ermatov barcha hududiy futbol assosiasiyalari rahbarlari bilan navbatdagi videomuloqot o‘tkazdi. Unda o‘tgan galgi muloqot davomida belgilangan vazifa hamda topshiriqlar ijrosi muhokama etildi. Qolaversa, mutaxassislar yana qator mavzularda o‘zaro fikr almashishdi.
Jumladan, har bir viloyat futbol assosiasiyasining moliyaviy holatiga doim jiddiy e’tibor qaratish, bu borada muntazam ravishda tizimli ish olib borish, zarur holatlarda qo‘shimcha hamkor va homiylar jalb etgan holda musobaqalar tashkil etish muhim ekani qayd etildi.
Shuningdek, assosiasiyalarda va umuman futbol sohasida faoliyat yuritayotgan kadrlarning malaka hamda tajribasini muntazam ravishda oshirib borish, chin ma’nodagi futbol mutaxassislariga ega bo‘lish mavzusiga ham alohida e’tibor qaratildi.
Bilasiz, O‘zbekiston Respublikasi Prezidentining “O‘zbekistonda futbolni rivojlantirishni mutlaqo yangi bosqichga olib chiqish chora-tadbirlari to‘g‘risida”gi Farmoni asosida O‘zbekiston futbol assosiasiyasi huzurida Futbol mutaxassislarini tayyorlash markazi tashkil etilmoqda.
Mazkur markaz zamonaviy ilmiy yutuqlar va innovasion texnologiyalardan foydalangan holda jami 7 ta yo‘nalish bo‘yicha – trener, seleksioner (skaut), tahlilchi, hakam, marketolog, psixolog va futbol menejeri kabi yuqori malakali futbol mutaxassislarini tayyorlash, qayta tayyorlash va malakasini oshirish bilan shug‘ullanadi.
Yurtimizda ilk bora tashkil etilayotgan bunday futbol ta’lim muassasasi xorijiy va mahalliy tajribali mutaxassislar o‘zbek futbolining turli sohalarida faoliyat yuritadigan yetuk kadrlarni tayyorlaydi. Futbol mutaxassislarini tayyorlash markazida tahsil olish uchun barcha yo‘nalishlar bo‘yicha yurtimizning har bir hududidan nomzodlar ro‘yxati shakllantiriladi. Bu borada viloyat futbol assosiasiyalariga aniq topshiriqlar berildi.
Shuningdek, videomuloqot davomida hududlardagi futbol mahorati maktablariga direktor hamda sport direktori lavozimlari uchun taqdim etilgan nomzodlar ro‘yxatlari muhokama qilindi. Endilikda ularning orasidan eng munosiblarini saralab olish bo‘yicha ish olib boriladi. Jumladan, nomzodlar O‘FA maxsus komissiyasi orqali videosuhbatdan o‘tkaziladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
