Futzal bo‘yicha «Bunyodkor» jamoasi a’zolari ham karantinga qat’iy amal qilgan holda uyda yakka tartibda mashg‘ulot o‘tkazmoqda. Biz bosh murabbiy Abdulla Bo‘riyevning fikrlari bilan qiziqdik.
- Karantin vaqtida «Uyda qoling!» shioriga qat’iy amal qilgan holda uyda, oila davrasidaman. Farzandlarimning darslariga yordam beryapman, turli yo‘nalishdagi kitoblarni mutolaa qilyapman.
Futzalchilarga to‘xtaladigan bo‘lsam, hamma o‘yinchilarga yuklamalar berilgan. Ular ham uyda qolib, yakka tartibda shug‘ullanyapti. Mashg‘ulotlari yozilgan videolavhalarni ijtimoiy tarmoqlar orqali kaminaga jo‘natishmoqda. Albatta hozir to‘p bilan ishlashni, taktik mashg‘ulotlar o‘tkazishni iloji yo‘q. Shuning uchun hech bo‘lmasa jismoniy holat maromida bo‘lsa, qolgan jihatlarni mashg‘ulot o‘tkazishga ruxsat berilganidan keyin tiklab olish mumkin.
Bizga ma’lum qilishlaricha, karantin yakunlanganidan so‘ng mashg‘ulot o‘tkazish uchun o‘n kun vaqtimiz bo‘ladi. Shundan keyin chempionat o‘yinlari davom ettiriladi. O‘ylaymanki, bu o‘n kun bizga yetarli. Aslida 10 kun kam, ammo vaziyatdan kelib chiqqan holda fikr yuritadigan bo‘lsak, shu kunlar ichida jamoani qisman bo‘lsada chempionatga tayyorlab olamiz. Murabbiylar shtabi bilan bu qisqa vaqt ichida qanday ishlarni amalga oshirishimiz lozim ekanligini, nimalarga ahamiyat berishimiz shartligini muhokama qilyapmiz. Qolaversa, hamma jamoalarga bir xil imkoniyat beriladi va tabiiyki, hech kimning ustun tarafi bo‘lmaydi. Asosiysi, o‘yinchilar sog‘lom, hech kimda jarohat yoki kasallik yo‘q. Karantinning foydali tomonlari shundaki, futzalchilar o‘yinlarni, jamoadoshlarini sog‘ingan.
Taqvimga kelsak, bu hech kimga muammo tug‘dirmasa kerak. Sababi, rejaga ko‘ra, bir haftada bitta tur o‘tkazilishi mumkin ekan. Fikrimcha, bu yigitlarga og‘irlik qilmaydi. Bunday tig‘iz taqvimlarga oldin ham duch kelganmiz. O‘yinchilarni bu masala bo‘yicha «pishgan», desam mubolag‘a bo‘lmaydi. Asosiysi, mavsumni davom ettirish. Bitta turdan keyin hammasi avvalgidek davom etadi, deb o‘ylayman. Kuzda futzal bo‘yicha Osiyo chempionati bo‘lishi va unda terma jamoamiz qatnashishi lozim. PFL qit’a birinchiligi o‘tkaziladimi-yo‘qmi, shu bo‘yicha OFKga xat bilan murojaat qilgan. Agar Osiyo chempionati o‘tkaziladigan bo‘lsak, terma jamoaning manfaatidan kelib chiqqan holda O‘zbekiston chempionati uch davrali tizimda bo‘ladi. Mabodo qit’a birinchiligi bu yil o‘tkazilmaydigan bo‘lsa, unda bizning chempionat odatdagidek to‘rt davrali tizimda davom etadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
