2 iyun ajoyib hujumchi – Argentina terma jamoasi a’zosi va "ManSiti" vakili Serxio Aguero uchun qadrli kun. 1988 yil tug‘ilgan. Yosh e’tibori bilan faoliyatining cho‘qqisidan pastga tushmoqda. Lekin boshqalardan ko‘ra u ko‘proq futbol o‘ynamoqda, deya olamiz. Serxio Argentina miqyosida juda vaqtli boshlagan faoliyatini. “Independyente” klubi tarkibida paydo bo‘lganida 15 yoshu 35 kunlik edi. U bilasizmi bu masalada kimning rekordini buzgan? Sobiq qaynotasi – Diyego Maradonani. Argentina afsonasi 1976 yili Aguerodan bir kun kattaroq bo‘lib boshlagandi.
Serxioga ko‘pincha qo‘shib aytiladigan Kun nomi yoshligidan meros. Bolaligida u “kum-kum” degan qahramonni yaxshi ko‘rar, qiliqlarini takrorlardi. Akalari uni shu bois sal xato talaffuz qilib “Kun” deb chaqirishardi. Shu-shu qolib ketgan bu nom.
Futbolchiligini yaxshi bilasiz. Uning maydondagi harakatlarini chiroyli "Manchester Yunayted" klubining sobiq himoyachisi Nemanya Vidich chiroyli ta’riflagan. Menimcha, shu kifoya qiladi:
"Maydonda Agueroga go‘yoki futbol qiziq emasday tuyuladi. U 10 metr ham yugura olmaydigan odamga o‘xshaydi, keyin esa – shunaqa yuguradi, - deydi Vidich. – ishonchim komilki, Aguero himoyachi bo‘lib tug‘ilgan. U to‘pning qayerda bo‘lishini va qayerdan hujum qilishni biladi. Jarima maydonida yo‘nalishini juda tez o‘zgartiradi. Tana tuzilishi qulay bo‘lgani tufayli Angliya himoyachilaridan tez qocha oladi. Juda ham tez tepadi, jarima maydoniga kirib va kirmasdan ham zarba bera oladi. Men unga qarshi o‘ynaganman va "MYU" Moyes qo‘l ostida "Siti"ga 4:1 hisobida yutqazgan. Bu "Yunayted" uchun mening eng yomon o‘yinim edi.
Nafaqat Vidich, balki Kunga qarshi o‘ynagan hamma himoyachi shu iqrorni aytsa kerak. Chindan ham Aguero o‘ta original hujumchi. Uslubi boshqa to‘qqizliklarga o‘xshash emas. Noqulayligi borasida rivoyatlar tarqagan.
Terma jamoada ham boshqa argentinaliklar kabi yoshligidanoq tanilgan. Olimpiada g‘olibi. “Manchester Siti” tarixiga zarhal harflar bilan yozilgulik faoliyati bor. Shaharliklarning mutlaq to‘purari. Manchini boshchiligidagi afsonaviy chempionlikda ham so‘nggi nuqtani aynan Aguero qo‘ygani mantiqan to‘g‘ri bo‘lgan. Egasiga muvofiq tushgani yaxshi har holda.
APLda u 30ta jamoaga qarshi o‘ynagan va birgina "Bolton" darvozasiga yo‘l topa olmagan. Qolgan jamoalarini ranjitgan. "Bolton" "ManSiti" chempion bo‘lgan 2012 yili chempionshipga tushib ketgan va ko‘p ehtimol Kun Aguero faoliyatini yakunlasa premyerligaga chiqaman degancha qaytib ko‘rinmadi. Bolton muxlislari, yaxshi kunlaringizga yaqin qoldi shekilli.
Xayrulla Hamidov
Janubiy Koreya
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
