Bu yilgi mamlaktimiz ayollar futbolining yangi mavsumi ham Superkubok bahsi bilan boshlanmoqda.
Mamlakatimiz ayollar futboli tarixida 6-marta o‘tkazilayotgan bu yilgi Superkubok bahsiga Jizzax viloyatining Zomin shahri mezbonlik qiladi.
Superkubok uchrashuvi 29 iyun dushanba kuni soat 18:00da boshlanadi.
Ayollar o‘rtasidagi O‘zbekiston Superkubogi tarixiga nazar tashlaymiz. Ayollar Superkubogi ilk marta 2015 yili o‘tkazilgan. Unda uchrashuvlar ikki marta, uy va safar uchrashvlaridan iborat bo‘lgan. Ayollar futboli tarixida “Sevinch” ilk marta Superkubok sohibi bo‘lgan. 2016 yildan esa Superkubok uchrashuvi bitta qilib, belgilab qo‘yildi. Hozircha Superkubokni mamlakatimiz ayollar futbolida ikki jamoa, ikki martadan qo‘lga kiritgan. Bular “Sevinch” (2015, 2017 y.) hamda “Metallurg W” (2016, 2018 y.) jamoalaridir. “Bunyodkor W” jamoasi esa amaldagi Superkubok sohibi hisoblanadi.
Quyida ayollar o‘rtasidagi o‘tkazilgan Superkubok bahslarining natijalarini e’tiboringizga havola qilamiz.
I O‘zbekiston Superkubogi. Dastlabki uchrashuv
“Metallurg W” (Bekobod) – “Sevinch” (Qarshi) 0:3
16.04.2015. Bekobod shahri. “Metallurg” stadioni.
Gollar: Saida Xandamova, 23-0:1, Kamola Riskiyeva, 61-0:2, Mariya Moiseeva, 70-0:3.
I O‘zbekiston Superkubogi. Javob uchrashuvi
“Sevinch” (Qarshi) – “Metallurg W” (Bekobod) 1:1
23.04.2019. Qarshi sh., “Geolog” stadioni.
Gollar: Zebo Jo‘rayeva 20 – 1:0 – Moxigul Ikromova 22 – 1:1
II O‘zbekiston Superkubogi
“Sevinch” (Qarshi) – “Metallurg W” (Bekobod) – 0:1 (0:0).
26.04.2016 yil. Toshkent. “JAR” stadioni.
Gol: Dildora Nozimova, 50.
III O‘zbekiston Superkubogi
“Sevinch” (Qarshi) – “Metallurg W” (Bekobod) 5:1 (2:1)
17.04.2017. “JAR” stadioni.
Gollar: Nilufar Qudratova, 40′-1:1, Shaxnoza Qurbanova, 60′-3:1, Malika Burxanova, 44′-2:1, 61′-4:1, Shaxzoda Jamolova, 69′-5:1 – Feruza Turdiboyeva (pen.), 3′-0:1.
IV O‘zbekiston Superkubogi
“Bunyodkor W” (Toshkent) – “Metallurg W” (Bekobod) 1:2 (1:1)
28.03.2018. “JAR” stadioni.
Gollar: Lyudmila Karachik (41) – Luiza Sadirova (33-o‘z darv.), Nozimaxon Ergasheva (70).
V O‘zbekiston Superkubogi
“SEVINCH” – “BUNYODKOR W” 0:1 (0:0). 2178 tomoshabin
12.04.2019. “JAR” stadioni. 16:00da
Gol: Mahliyo Sarikova, 79’-0-1
Amalga oshirilmagan penalti (Sevinch): Maftuna Panjiyeva (63).
Guvohi bo‘lganingizdek, sobiq futbolchimiz Saida Xandamova ayollar futbolidagi Superkubok bahslaridagi tarixiy 1-gol mualllifi hisoblanadi. Mahliyo Sarikova esa so‘nggi gol muallifi bo‘lgan. Superkubok bahslarida eng ko‘p gol kiritgan jamoa – «Sevinch» hisoblanadi (9ta).
Bo‘lib o‘tgan bahslarda eng ko‘p FIFA referisi Edita Mirobidova boshqargan. Ilk bahsni esa, FIFA referisi Anna Sidorova boshqargan.
Toshkentning “Bunyodkor W” jamoasi o‘z tarixida uchinchi marta Superkubok uchun bahs yuritadi. “Sevinch” esa bunday bellashuvda o‘z baxtini beshinchi marta sinab ko‘radi. Futbolchilarimizdan Maftuna Shoyimova va Nilufar Qudratovalar jamoamiz ishtirokidagi bo‘lib o‘tgan barcha Superkubok bahslarida ishitrok etishgan futbolchilar sanalishadi.
Yuqoridagi ma’lumotlardan ko‘rinib turibdiki, hozircha O‘zbekiston Superkubogida ishtirok etayotgan jamoalar soni uchtani tashkil etadi. Bular “Sevinch”, “Metallurg W” va “Bunyodkor W” jamoalaridir.
Bu galgi Superkubokning nominal mezboni “Bunyodkor W” jamoasi bo‘ladi. “Sevinch” jamoamiz esa mehmon jamoa maqomida maydonga tushadi.
Barcha futbol ishqibozlarini, 29 iyun dushanba kuni Zomin shahridagi “Zomin” stadionida bo‘ladigan O‘zbekiston Superkubok uchrashuvini tomosha qilishga taklif etamiz. Albatta teleekran orqali! Uchrashuv “Sport” telekanali orqali to‘g‘ridan-to‘g‘ri namoyish etilishi rejalashtirilgan!
Siz, “Sevinch” va “Bunyodkor W” jamoalari o‘rtasidagi o‘yinda, erkaklar futbolida uchramaydigan qiziqarli voqealar guvohiga aylanishingiz mumkin. O‘tkazib yubormang!
VI O‘zbekiston Superkubogi
“BUNYODKOR W” – “SEVINCH”
29.06..2020. Zomin sh., “Zomin” stadioni. 18:00da
Bosh hakam: Rahimbek Karimov
Qanot hakamlari: Mahmud Turdiyev, Feruz Dostonov
Zaxira hakami: Doston Rahmonov
Nazoratchi: Marat Ismoilov
Komissar: Nigora Abidova
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
