Stadion.uz sayyoramizning eng kuchsiz milliy terma jamoalari bilan tanishtirib o‘tadi. Ushbu o‘nlikda jamoalarga o‘rin FIFA reytingi asosida taqdim etilgan.
10-o‘rin. Pokiston
FIFA reytingi: 201 o‘rinda
E’tiborlisi shundaki, Pokiston terma jamoasi 1950-yildan beri rasmiy uchrashuvlarda maydonga tushib kelmoqda, biroq aytarli yutuqlarga erishganicha yo‘q. To‘g‘ri, 1994-yilda Pokiston milliy jamoasi reytingda 142-o‘ringa qadar ko‘tarildi, biroq keyin yana keskin pasayish. Afsuski, bu jamoa Osiyo chempionatida debyut ham qilmagan. Bugungi kunda terma jamoa shtabida braziliyaliklar faoliyat olib bormoqda. Balki, tez orada o‘sish bo‘lar.
Seishel orollari
FIFA reytingi:202
Asosan dam oluvchilar uchun yaxshi tanish bo‘lgan o‘lkada ham milliy jamoa mavjud, biroq bu jamoa bilan maqtanish mumkin. Gap shundaki, Seishel orollari o‘z vaqtida ikki bor Hind okenai mintaqasi jamoalari o‘rtasida o‘tkazilgan musobaqada g‘olib chiqqan. 2002-yildan boshlab milliy jamoa JCH saralash bahslarida ishtirok etmoqda. Hozircha, hamma urunishlar omadsiz.
Tonga
FIFA reytingi:203
Bu mamlakatda asosiy sport turi Regbi sanalgani bois, futbolga bo‘lgan e’tibor u qadar katta emas. Bu sport borasida Tonga jamoasi JCHlarning doimiy ishtirokchisi, biroq futbolda ularning omadi sira kelmaydi. Tonga jamoasi o‘z vaqtida Avstraliyadan 1:22 hisobidagi mag‘lubiyatni qabul qilib olgan va bu hozircha shaxsiy rekord bo‘lib turibdi. Eng yirik hisobdagi g‘alabani esa, jamoa Mikroneziyaga qarshi uchrashuvda (2:0) qayd etgan.
Tiyorks va Kaykos
FIFA reytingi:204
Shimoliy va markaziy Amerika mintaqasidagi musobaqalarda ishtirok etuvchi jamoa hali juda yosh. Mamlkatda 1996-yildan boshlab milliy jamoa rasmiy uchrashuvlarda maydonga tushishni boshlagan bo‘lib, hozircha yirik hisobdagi mag‘lubiyatlar borasida yetakchilik qilmoqda. Kulguli tomoni shundaki, avvalari Tiyorks va Kaykos o‘z uy stadioni bo‘lmagani uchun qo‘shni davlatlarda to‘p tepar edi. Endilikda, jamoa o‘z stadioniga ega. Bu hozircha ularning eng katta yutug‘i bo‘lib turibdi.
Eriteriya
FIFA reytingi:205
Achinarlisi shundaki, Eriteriya futbolchilar mehmondagi uchrashuvlardan so‘ng ortga qaytishmaydi. Yaqindagina, Keniyaga qarshi o‘yindan so‘ng, butun jamoa mamlkatdan fuqorolik berishlarini talab qilib mehmonhonadan qochib ketdi. Bu hol deyarli 10 yildan beri kuzatiladi. Vaholanki, jamoa o‘z vaqtida FIFA reytingida 121-o‘ringa qadar ko‘tarilgan. Endilikda, Eriteriya futbol federasiyasi mehmondagi uchrashuvlarga qo‘riqchilarni jo‘natishdan boshqa chora topa olmayapti. Mamlakatdagi notinchlikdan bezib qolgan futbolchilar esa, imkon bo‘lishi bilan Eriteriyani tark etishda davom etmoqda.
Shri-Lanka
FIFA reytingi:206
Tan olish lozim, futbol bilan Shri-Lankada hech kimning ishi yo‘q. Bu yerda asosan Kriket muxlislari jamlangan. O‘z vaqtida Pokistonni 7:1 natijasida mag‘lub etgan jamoa bugungi kunda faqat omadsiz uchrashuvlar o‘tkazmoqda. O‘z vaqtida bu jamoa Gemraniya terma jamoasi bilan ham o‘rtoqlik uchrashuvi o‘tkazgan edi. Afsuski, omma baribir kriketni futboldan ustun qo‘ydi. FIFA reytingida bu tanlov o‘z aksini topdi desak, adashmagan bo‘lamiz.
Amerikaning Virgin orollari
FIFA reytingi:207
KONKAKAF mintaqasiga qarashli yana bir jamoa bilan tanishing. Avvalari istalgan raqibga yirik hisobda mag‘lub bo‘luvchi jamoa bugun o‘zini ancha tutib olgan. O‘z tarixini Angilyani 3:0 natijasida mag‘lub etib yaxshilab olgan yigitlar tepaga qarab harakat qilishda davom etmoqda.
Britaniyaning Virgin orollari
FIFA reytingi:208
O‘z vaqtida Andre Villash Boash (2000-yilda) boshqaruvida to‘p tepgan jamoa FIFA reytingida 160 o‘ringa qadar ko‘tarilishga muvaffaq bo‘ladi. Aynan Boash davrida Angilya 5:0 natijasi bilan mag‘lub etiladi. To‘g‘ri, bu jamoa o‘z vaqtida 0:17 natijasi bilan bir necha bor mag‘lub bo‘lgan, biroq Britaniyaning Virgin orolari sovringa ega chiqqan. Jamoaning muzeyida Shamol orollari kubogi mavjud. Bu bunday kalibrdagi terma jamoa uchun ajoyib yutuq.
San-Marino
FIFA reytingi:209
San-Marino yaqin-yaqinga qadar dunyoning eng kuchsiz terma jamoasi deb e’tirof etilar edi. Yevropa mintaqasidagi jamoa o‘z tarixida rasmiy uchrashuvlarda faqat bir bor Estoniyaga qarshi uchrashuvda durang qayd etgan xolos. O‘rtoqlik uchrashuvlari orasida g‘alaba mavjud. Eng yirik mag‘lubiyat Germaniya terma jamoasidan qabul qilingan bo‘lib, o‘yin nemislarning 13:0 hisobidag‘I g‘alabasi bilan yakunlangan. Ayni damda, San-Marino italiyalik futbolchilarni mahaliylashtirish orqali jamoani kuchaytirish borasida ish olib bormoqda.
Angilya
FIFA reytingi:210
Va nihoyat yer sayyorasidagi eng kuchsiz terma jamoaga ham navbat keldi. Mamlakat nomini Angliya bilan adashtirib yubormang! Jamoa o‘z vaqtida kichik orollar ustidan g‘alaba qozonga va FIFA reytingida naqd 189 o‘ringa qadar ko‘tarilgan. Afsuski, so‘nggi yillarda mamlakatda futbolga bo‘lgan qiziqish keskin tushib ketdi. O‘tgan yili ularni Trinidad va Tobago jamoasi javobsiz 15 ta gol bilan siyladi. Bu hozircha eng yirik mag‘lubiyat bo‘lib turibdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
