Jeydon Sancho «Borussiya» bilan mavsumoldi yig‘inlarga jo‘nab ketdi.
Boshqa bir kontekstda bu oddiy voqea katta xulosani - Sancho bu yozda «Yunayted»ga o‘tmasligini bildiradiki, barcha yoza boshladi. Zero, avvalroq nemis klubi rahbari transfer uchun dedlayn 10-avgust ekani, shundan keyin futbolchi sotilmasligini ma’lum qilgandi.
Menimcha, bu hali hech narsani anglatmaydi va Sancho seriali to amalga oshguncha yoki oktyabrgacha davom etadi.
Birinchidan, bu kabi katta transferlarni amalga oshirish oson emas. Mashhur insayder Fabrisio Romano ham Sanchoning yig‘inga ketishi hech narsani anglatmasligini aytdi. Shuningdek, ilk bor shu dedlayn haqida xabarlar tarqalganda, Vudvord keskin e’tiroz qilgan va haqiqiy dedlayn, ya’ni 5 oktyabrgacha imkoniyat bo‘lishini, boshqa muddatlar sun’iy ekanini aytgandi.
Ikkinchidan, xo‘sh, Dortmund tarafidan qaraganda ham, hali davom etayotgan muzokaralar chog‘ida, Sanchoni qoldirib ketish nimani anglatardi? Transfer har qanaqasiga sodir bo‘lishini tan olib, hozir «MYU»ga o‘tib ketmaydimi?
«Yunayted» uchun ham shoshilish vaqti emas. Agar oddiy yoz bo‘lganida, xuddi Maguayr transferi bilan bo‘lganidek, klub mavsumoldi yig‘inlardan oldin futbolchini qo‘lga kiritishga urinish mazmunga ega, deyilardi. Hozir esa, klub Yevropa Ligasida qatnashmoqda. Shu holatda Sanchoni qo‘shib olib, jamoaga xalaqit bergandan, futbolchi Dortmund bilan shug‘ullanib turishi ma’qulroqdek.
Sulsherga aynan zarur pozisiya uchun Sancho kerak, demak, qandaydir o‘n millionni deb, transferdan voz kechishmaydi. «Manchester Yunayted» bu sharoitda katta pul sarflay oladigan yagona klub, nega raqobatchilar yo‘q paytda qamchini bosmaslik kerak!
«Borussiya» esa, pandemiya paytida, bu pulga hech kimga Sanchoni sotolmaydi. Ha, yana bir yilga Sancho qolishi mumkin, lekin unda — a) hayotdan xafa Sanchoni xursand qilish uchun maoshni ko‘tarib berish kerak; b) kelasi yili Sanchoga top-klublar navbati hosil bo‘lishi hali aniqmas. Sanchoning narxi tushishi yoki Grinvud o‘ynab ketib, Dortmund jiddiy xaridoridan ayrilishi mumkin.
Har ikki klub bir-birining «qo‘lini» juda yaxshi ko‘rib turibdi va yana blef qilib qo‘yishyapti. Yakunda transfer sodir bo‘lmasligi uchun faqat bir sabab bor — tomonlar bir-biridan jahli chiqib, prinsipga borishlari. Bugungi biznes davrida bunga ishonish qiyin.
Qahramon Aslanov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
