Bugun Andijon shahridagi "Sog‘lom Avlod" stadionida navbatdan tashqari yig‘ilish bo‘lib o‘tdi.
Unda Andijon viloyati hokimi o‘rinbosari O‘tkirbek Shukurov, viloyat jismoniy tarbiya va sport boshqarmasi rahbari, viloyat futbol assosiasiyasi vakillari, "Andijon" futbol klubi rahbariyati va jamoa futbolchilari ishtirok etdi.
"So‘nggi paytlarda jamoamizda moliyaviy qiyinchiliklar boshdan o‘tkazildi. Jamoaning" Paxtakor" klubiga qarshi o‘yinga qanday qilib yetib borgani hech kimga sir emas. Xudo shukur, qiyin kunlar ortda qoldi. Mana Andijon o‘g‘loni, futbolning ashaddiy muxlisi hisoblangan Jur’atbek Quvvatov jamoani qo‘lga olmoqda. Biz bu inson uchun barcha sharoitlarni yaratib beramiz. Hozircha ishlarni yo‘lga qo‘yib olgunga qadar natija talab qilmaymiz. Jur’atbek ham jamoani asta-sekinlik bilan mahalliylashtirish, viloyatdagi yosh futbolchilarga imkoniyat berish g‘oyasini o‘rtaga tashladi. Unutmanglar, Andijonda futbol o‘lmaydi, doim futbol bo‘ladi. Uzoq yillik tarixga ega bo‘lgan jamoa saqlanib qoladi", - dedi O‘tkirbek Ilhomovich.
So‘ngra, so‘zga "Andijon" futbol klubining yangi ta’sischisi chiqdi. "Avvalambor bildirilgan ishonch uchun o‘z minnatdorchiligimni bildiraman. Natijani albatta qo‘lga kiritamiz, buni uchun biroz vaqt kerak. Lekin izlanishdan to‘xtamaymiz. Yaqin orada albatta natijani ham qo‘lga kiritamiz", — dedi Jur’atbek Quvvatov.
Klub bosh direktori Ma’rufjon Abdusalomovga so‘zga chiqib "Bizni doim qo‘llab-quvvatlab turgan viloyat hokimligiga o‘z minnatdorchiligimni bildiraman. Haqiqatdan ham so‘nggi kunlarda qiyin kunlarni boshdan kechirdik. Tan olish kerak, jonimizga Jur’atbek Quvvatov oro kirib, jamoamizni qabul qilib oldi. Uch yarim milliondan ziyod aholimiz bor, jamoaning esa 30-40 ming muxlisi bor. Mana shu stadion to‘lib-toshadigan jamoa barpo etilishini tilab qolaman. Futbol o‘yinlari kunlarini halqimiz katta bayram sifatida qabul qiladigan jamoa bo‘lishini istayman", — dedi Abdusalomov.
Shu tariqa, Andijon viloyati hokimi Shuhratbek Abdurahmonovning taklifiga asosan, "Andijon" futbol klubida ta’sischi o‘zgardi va klub "Makro Farm Andijon" korxonasi ta’sischisi Jur’atbek Quvvatov klub ta’sischisiga aylandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
