So‘nggi yillarda Neymarning ishlari unchalik ham yaxshi ketmayapti. Futbol tarixidagi eng qimmat futbolchi 2019/20 yilgi mavsumda ham muvaffaqiyatsizlikka uchradi. Bunga qaysidir ma’noda koronavirus pandemiyasi ham o‘z «hissa»sini qo‘shdi. To‘g‘ri, u PSJ bilan Chempionlar Ligasi finaligacha yetib bordi, biroq ma’lumki, mazkur musobaqada bosh sovrin qo‘lga kiritilmas ekan, muvaffaqiyat qozonilgan hisoblanmaydi. Jamoa yana har doimgidek Fransiya chempionligi bilan cheklandi. Buning ustiga Parijga kelganidan beri Neymarni jarohatlar tinch qo‘ymayapti. Tabiiyki, shaxsiy sovrinlar va yirik g‘alabalarni ko‘zlab, «Barselona»ni tark etgan braziliyalikka bular yoqmayapti.
Shunga qaramay, u hozircha Parijdan ketmoqchi emas va shartnomani uzaytirish borasida muzokaralar olib bormoqda. Bu holatda Neymarni tushunish mumkin, boisi uning yoshi 30 ga yaqinlashib qoldi. Bu yoshda esa issiq joyni tark etib, yangi jamoa va chempionatga moslashish jarayoni biroz murakkabroq kechadi. Bundan tashqari, yana bir jihat borki, bu Neymarning Parijda qolishiga boshqalariga qaraganda ko‘proq ta’sir o‘tkazadi. Ha, barchasi oddiy, bu uning oylik maoshi. Neymar PSJda yiliga 32 million yevro oladi. Quyida esa biz Neymarning ushbu (va boshqa mablag‘larini ham) mablag‘larni ko‘proq nimalarga sarflashiga imkon qadar aniqlik kiritishga harakat qilamiz.
Neymarning uylari
Braziliyadagi uy, uning narxi 8 million yevroni tashkil qiladi
Neymarning ilk hashamatli uyi vatanida Rio-de-Janeyroda sotib olingan. Uy zamonaviy, texnologik uslubda yaratilgan bo‘lib, unda tennis korti, vertolyot platformasi, basseyn va sport zali mavjud.
Barselonadagi uy, 5 million yevro
Neymar Ispaniyada Messi va «Atletiko»ga o‘tib ketgan Suaresning mulklari yaqinida uy sotib olgandi. Bu yerlar Barselonaning g‘arbiy qismidagi eng obro‘li hududlar hisoblanadi. Uyning maydoni 1000 kvadrat metrni tashkil qiladi. Uyda ulkan basseyndan tortib to garajgacha barchasi muhayyo. Biroq Neymar uni PSJga o‘tganidan ma’lum vaqt o‘tib sotib yuborgan.
Parijdagi uy, 12 million yevro
PSJ uni rekord darajadagi summaga sotib olganidan keyin Neymar Parij atrofidan «qasr» sotib oldi. Uyning joylashgan umumiy hududi 5000 kvadrat metrni tashkil qiladi. Bino besh qavatli bo‘lib, unda basseyn, dam olish maskani, sport zali va sauna mavjud.
Neymarning shaxsiy samolyoti
Embraer Legacy 450, uning taxminiy qiymati 17,5 million yevroni tashkil qiladi
Ushbu samolyot biznes-klassdagi eng tezkor va eng qulay samolyotlardan biri hisoblanadi. Uning xususiyati infraqizil kamera bilan jihozlangan takomillashtirilgan parvozlarni vizuallashtirish tizimidir.
Neymarning shaxsiy vertolyoti
Airbus H-145, uning taxminiy qiymati 13 million yevroga teng
Mazkur vertolyotdan Neymar tez-tez foydalanib turadi. Uning uzunligi 13,64 metr, balandligi esa 3,95 metrni tashkil qiladi. Vertolyot Mercedes-Benz kompaniyasi tomonidan ishlab chiqarilgan.
Neymarning mashinalari
Garajning taxminiy qiymati 2-3 million yevroni tashkil qiladi.
Neymar mashinalar borasida songa emas, balki sifatga ko‘proq e’tibor qaratadi. Uning garajida bir vaqtning o‘zida uchta Audi modeli, Ferrari 458 Spider, Maserati MC, Porsche Panamera Turbo, Volkswagen Tourage va Mercedes-AMG GT’ni ko‘rish mumkin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
