Ushbu ruknimizdagi eng so‘nggi yangiliklar bilan tanishtirishda davom etamiz.
«Barsa» ishga kirishdi
Kataloniyaning «Barselona» jamoasi «Manchester Siti» klubi himoyachisi Erik Garciya bilan shartnoma imzolamoqchi.
“Sport.es” nashrining ma’lum qilishicha, Pikening og‘ir jarohat olishi transferni tezlashtirishga sabab bo‘lgan.
Manbaning ma’lum qilishicha, 2021 yilda «shaharliklar» bilan shartnomasi yakunlanishi kutilayotgan futbolchining transfer summasi 10-15 million yevro atrofida baholanmoqda.
«Tottenhem»dan yurish
Angliyaning «Tottenhem» jamoasi «Vilyareal» markaziy himoyachisi Pau Torresni qo‘lga kiritmoqchi.
Marca nashrining ma’lum qilishicha, ispan klubi o‘z futbolchisini 40 million yevrodan kamiga sotmoqchi emas.
Manbaning ma’lum qilishicha, «shporlar» transfer borasida ilk taklifni qishda rasman yuboradi.
Eslatib o‘tamiz, avvalroq himoyachi bilan «Manchester Yunayted» jamoasi qiziqish bildirgan edi.
PSJga yangi «qon» kerak
Fransiyaning PSJ jamoasi «RB Leypsig» klubi yarim himoyachisi – Domini Sobosloi bilan qiziqib qoldi.
Nemis nashrlarining ma’lum qilishicha, Parij klubi 20 yoshli futbolchini qo‘lga kiritish uchun «buqalar»ga 20 million yevro taklif qilgan.
Ma’lumotlarga qaraganda, Sobosloi bilan shuningdek «Inter» va «Manchester Yunayted» klublari ham qiziqib qolgan, ammo futbolchining ozi Nagelsman bilan uzoqroq ishlashni istamoqda.
Serial davom etadi
Milanning «Inter» klubi tezroq Kristian Eriksondan qutulish maqsadida yangidan yangi kombinasiyalarni o‘ylab topishdan charchamayapti.
“Goal” nashrining ma’lum qilishicha, shartnomasi 2022 yilda o‘z yakuniyga yetuvchi futbolchini klub «Bavariya» yarim himoyachisi Korentin Tolisso bilan almashtirmoqchi.
Eslatib o‘tamiz, yozda Milan shahri jamoasi «Bavariya»ga Tolisso borasida rasmiy taklif bilan chiqqan edi.
Lempard fikridan qaytdi
Angliyaning «Chelsi» klubi ustozi Frenk Lempard ijaradagi futbolchisini ortga qaytarmoqchi.
Aslida, murabbiy Barklini o‘z rejalariga kiritmagan edi, biroq “The Sun” nashrining ma’lum qilishicha murabbiy fikridan qaytgan. Bunga yarim himoyachining “Aston Villa” safidagi ishonchli o‘yinlari sabab bo‘lgan.
Manbaning ma’lum qilishicha, Barkli mavsum so‘nggida yana «Chelsi» ixtiyorida bo‘ladi. Klub uni sotmaydi!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
