O‘zbekiston kubogi nimchorak finalidan o‘rin olgan "Qizilqum" - "Bunyodkor" (3:1) uchrashuvidan so‘ng jamoamiz bosh murabbiyi Hamidjon Aktamov fikrlarini bildirib o‘tdi.
"Avvalo muxlislarimizni g‘alaba bilan tabriklayman. Kerakli va muhim g‘alabani qo‘lga kiritdik. Bugun haqiqatan ham yaxshi o‘yin ko‘rsatdik va zarur natijani qo‘lga kiritdik.
Bugun hamma yaxshi o‘ynadi. Alohida biror futbolchini ko‘rsata olmayman. Mirjalol Qosimovning harakatlari? Nafaqat u, barcha maydonga tushgan futbolchilar borini berishdi.
Baribir hamma bilan o‘ynaymiz. Keyingi bosqichda kim bilan to‘qnash kelishimizni qur’a natijalaridan so‘ng bilib olamiz. Uyda yoki safarda o‘ynashimizni farqi yo‘q. O‘zbekistondan chiqib ketmaymiz.
Kubokda ham maqsadimiz bor. Superligani yuqoriroqda yakunlashimiz mumkin edi.
Ikkinchi davrada jamoamizda o‘zgarishlar bo‘lgani sababli vaqt yetmay qoldi. Ochkolar yo‘qotdik, pandemiya ham ta’sir qildi. Futbolchilar o‘yinlarga tayyorlana olishmadi. Endilikda hammasi yaxshi bo‘ladi degan umiddaman. Oxirigacha kurashamiz.
Hakamlar ham inson, ular ham adashadi. Men baho bera olmayman. Bir nechta o‘yinlarimizdan kelib chiqqan holda fikrimni aytganman", — dedi Hamidjon Aktamov.