O‘zbekiston Coca-Cola Kubogi 1/8 final «Andijon» — «Nasaf» (0:1) uchrashuvidan so‘ng jamoamiz ustozi Ro‘ziqul Berdiyev bellashuv haqida o‘z fikrlarini bildirib o‘tdi.
— Bellashuv qiyin kechdi. Asosiy maqsadimiz keyingi bosqichga chiqish edi. Bunga erishdik, ammo natijaga osonlikcha erishilmadi. Ta’kidlab o‘tish kerak »Andijon” bugun har doimgidan yaxshiroq harakat qildi. Bunday bo‘lishiga o‘zimiz sababchi bo‘lgandirmiz.
Kurashlarga boy o‘yin bo‘ldi. Uzun paslar bilan o‘ynashga harakat qildik. Bunga sabab kecha mashg‘ulot o‘tkazganimizda maydon holati juda og‘irligini ko‘rin uzun uzatmalar orqali harakat qilishga urindik. Ko‘p vaziyatlar yarata olmadik, birgina vaziyat o‘yin taqdirini hal qilish uchun yetarli bo‘ldi.
— Chempionat doirasida ham Andijonda 1:0 hisobida g‘alaba qozongandinglar. Siz uchrashuvdan so‘ng bu bellashuvda eng yomon o‘yinimizni o‘tkazdik deb ta’kidlab o‘tgan edingiz. Bugun ham shu fikringizda qolasizmi?
— Bilmadim! Balkim bu ruhiyat bilan bog‘liqdir. Turnir jadvalida quyi o‘rinlarni egallagan jamoalar bilan o‘yinlarimiz qiyin kechdi. Chempionat doirasida «Buxoro» jamoasi bilan yomon harakat qildik va natijada to‘rt ochko yo‘qotdik. «Andijon» bilan bo‘lib o‘tgan o‘yinda garchi g‘alaba qozongan bo‘lsakda o‘zimizning yomon o‘yinimizni o‘tkazgan edik.
— «Nasaf» jamoasining hozirgi siyosati keyingi mavsumda ham davom etadimi? Ya’ni o‘z yetakchilarini «Paxtakor» yoki poytaxt jamoalariga berib yuboradimi? Qaytadan yosh futbolchilarni, yosh nihollarni yetishtirib chiqaradimi?
— Biz aynan «Paxtakor» jamoasi uchun ishlamaganmiz. Bu asosan futbolchilarning o‘z tanlovi bo‘lgan. Lekin ayni paytda rahbariyatdan hozir tarkibimizni saqlab qolishni so‘rayapmiz. Chunki jamoamiz har doim sovrinli o‘rinlar uchun kurashadi. Balkim kelasi mavsumda xalqaro maydonlarda harakat qilishimiz mumkin. Shu sababli yetakchilarimiz o‘zimizga ham kerak bo‘ladi.
— O‘tish o‘yinida «Andijon» va «Neftchi» o‘yinini qanday baholaysiz?
— Bu bellashuv qachon bo‘lishini bilmayman. Lekin bu uchrashuv kurashlarga boy bo‘lishi aniq. Chuni bu o‘yin o‘z nomi bilan derby. Bu jamoalar anchadan beri bir biriga qarshi o‘ynamagan edi. Ushbu bahs men uchun ham qiziq.
— «Nasaf» kelasi mavsumda chempionlik uchun kurashadimi?
— Bu kelasi mavsumda jamoa oldiga qo‘yiladigan maqsad va vazifalarga bog‘liq. Agar biz chempionlik yoki xalqaro maydonda o‘ynaydigan bo‘lsak tarkibimizni kuchaytirishimiz kerak bo‘ladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
