O‘zbekiston Coca Cola kubogi 1/8 final doirasidagi “Qo‘qon-1912” – “Surxon” uchrashuvidan keiyngi matbuot anjumanining ikkinchi qismida "Qo‘qon-1912 " jamoasi bosh murabbiyi Baxtiyor Ashurmatov qatnashdi.
- “Surxon” jamoasi bugun asosan, ikkinchi tarkib futbolchilari bilan maydonga tushdi. Ularda ishtiyoq kuchli edi. Birinchi bo‘lim davomida bu narsa yaqqol ko‘rindi. Ular birinchi bo‘limda bizga yetarlicha qarshilik ko‘rsatishdi. Bundan tashqari, futbolchilarimiz yosh futbolchilarni bemalol yutamiz deb o‘ylashdi shekilli. Qolaversa, Termizliklar qarshi hujumlarda yaxshi harakat qilishdi. Tanaffusda yigitlarga ta’kidlab o‘tdik. 45 minut tezda o‘tib ketadi. Tezroq harakat qilmasak , bunday o‘yin bilan gol ura olmasligimizni tushuntirdim. Futbolchilar ko‘rsatmalarimni ikkinchi bo‘limda to‘liq bajarishdi. Vaziyatlar yaratish, ishtiyoq borasida harakatlarimiz ancha o‘zgardi. Ikkinchi bo‘limda o‘yinimiz kuchadi va kerakli bo‘lgan g‘alabaga erishdi. Endi keyingi raqibimizni kutamiz. “Surxon”ni esa bugungi uchrashuvdagi o‘yinlari uchun minnatdorchilik bildiraman va ularga kelgusida omad tilayman.
Kuchli jamoaga qarshi futbolchilarni tayyorlash biroz osonroq bo‘ladi. Sababi futbolchilarni o‘zi kuchli raqibga qarshi o‘zlarini yaxshi tayyorlaydi. Kuchsizroq jamaoaga qarshi tayyorlash qiyinroq kechadi. O‘ylaymanki, keyingi bosqichda kuchsiz jamoa bo‘lmaydi va ishtiyoq jihatdan futbolchilarimizda muammo bo‘lmaydi.
Bizda mavsumni oxiriga kelib yosh futbolchilarni maydonga tushirishga majbur bo‘ldik. Ayni damga kelib tarkibimizda muammolar yuzaga keldi. Bek Abdullayev va Jasur Yoqubovlar mavsum davomida o‘rinbosarlarimiz tarkibida yaxshi o‘yinlarni namoyish qilishdi. Mashg‘ulotlarda astoydil ishlashdi. Bugun ularga imkoniyat berdik. Bek Abdullayevni bugun biroz issig‘i ham bo‘lgan ekan. Maydonga tushishga ishtiyoqi kuchliligidan buni bizga bildirmagan. Ikkinchi taymda Sardor Yetovqo‘ziyev, Muxsin Normatovlarni ham maydonga tushirdik. Ular ham yomon o‘ynashmadi. Ayniqsa Yetovqo‘ziyevning harakatlari bizga manzur bo‘ldi. Bu futbolchilarga qancha ko‘p imkoniyat bersak, shuncha yaxshi bo‘ladi.
Keyingi bosqichda qaysi raqib tushishini farqi yo‘q. Sababi qur’a istagan raqibni bizga to‘g‘rilab qo‘yishi mumkin. Ayni paytda "Paxtakor" va "Nasaf" jamoalari barchadan o‘yin bo‘yicha kuchli deb o‘ylayman. Lekin kubok bahslari bir o‘yindan iborat ekanligini xisobga olsak har qanday raqib bilan ham bemalol o‘ynash mumkin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
