O‘zbekiston kubogining chorak finalidan o‘rin olgan “Navbahor” – “Nasaf” (1:2) jamoalari o‘rtasidagi uchrashuvdan keyingi matbuot anjumanining ikkinchi qismida “Navbahor” bosh murabbiyi vazifasini bajaruvchi No‘’mon Hasanov ishtirok etib, OAV xodimlarining savollariga javob berdi. Mutaxassis o‘z so‘zini o‘yin haqidagi fikrlari bilan boshladi.
— Ko‘rdinglar, jamoamiz bugungi uchrashuvga to‘liq tayyor edi. Yigitlar hujumkor o‘yin ko‘rsatishdi, “Nasaf” esa ko‘proq qarshi hujumda o‘ynadi. Ikkala jamoa ham yaxshi taassurot qoldirdi. Muxlislarga tashakkur aytaman, stadionni to‘ldirib, jamoamizni qo‘llab-quvvatlashdi.
Golimiz ham muxlislarning goli bo‘ldi. Taqdir ekan, imkoniyatni boy berdik. Ammo maqsadimiz keyingi bosqichga chiqish edi. Chempionatda ham muvaffaqiyatli ishtirok etolmadik, kubokni ham erta tark etdik. Shu tufayli futbolchilar, butun jamoa nomidan muxlislardan uzr so‘rayman.
— “Navbahor” uchun gol urish kerak bo‘lgan paytda jamoaning asosiy futbolchisi Ivan Solovyov himoyadan hujumga o‘tishga majbur bo‘ldi. Bu holat himoyadagi bo‘shliqlar bilan bog‘liqmi yoki sizning taktik topshirig‘ingizmi?
— Yo‘q, himoyadagi o‘yinchilarimiz o‘z joyida edi. Solovyov bugun yomon o‘yin ko‘rsatmadi. “Nasaf” chap qanotimiz kuchli ekanini bilgan holda, alohida tayyorlangan ekan. Ivan ham himoyadagi sheriklariga yordamlashish uchun orqaga qaytishga majbur bo‘ldi. Himoyaning chap qanotida Mirzohid G‘ofurov o‘ynaydi.
— Asosiy vaqtning oxirida hisob tenglashganidan keyin penaltilar seriyasi haqida o‘ylaganmidingiz?
— Yo‘q. Penaltilar seriyasini kutmadim. Futbolda o‘yin yakunlanishiga bir daqiqa qolganda ham hisob o‘zgarib ketishi mumkin. Ekstra-taymlarda shogirdlarimdan bo‘shashmaslikni, birinchi navbatda to‘p o‘tkazib yubormaslikni so‘radim. Ko‘p yigitlar charchab qolishdi. Azimjon Ahmedovning mushaklarida ham og‘riq paydo bo‘lib, almashtirishimizni so‘radi, ammo u paytda zaxira imkoniyatimiz qolmagandi.
— O‘zbekiston kubogining yarim finaliga qur’a tashlanib, siz oldin faoliyat yuritgan “Qo‘qon-1912” jamoasi o‘z maydonida “Paxtakor”ni qabul qiladigan bo‘ldi. Qo‘qonliklar bo‘lajak bahsda nimaning hisobiga “Paxtakor”ni mag‘lubiyatga uchratishlari mumkin?
— Superliganing so‘nggi turida jamoamiz qo‘qonliklarga qarshi maydonga tushdi. Ko‘pchilik Qo‘qondagi maydon haqida gapiryapti, lekin maydon tekis. “Paxtakor” bunday maydonda bemalol o‘ynay oladi. “Qo‘qon-1912” so‘nggi paytlarda yaxshi o‘yin ko‘rsatyapti. Bo‘lajak uchrashuv chiroyli tarzda kechadi. Ammo qaysi jamoaning g‘alaba qozonishi aniq emas.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
