Yakuniga yetgan mavsumni “Andijon” jamoasida o‘tkazgan va kuni kecha Namanganning “Navbahor” jamoasi bilan shartnoma imzolagan himoyachi Xushnudbek Avilov bilan suhbat uyushtirdik.
- Xushnud, avvalo yangi jamoa muborak bo‘lsin!
- Assalomu aleykum. Rahmat!
- Yakuniga yetib borayotgan 2020 yil Siz uchun qanday o‘tdi?
- 2020 yil men uchun yaxshi o‘tdi deb o‘ylayman. Aslida bundan ham yaxshi o‘tishi mumkin edi, lekin butun dunyoga muammo olib kelgan koronavirus pandemiyasi bizni ham chetlab o‘tmadi.
- “Navbahor” azaldan “Andijon”ning prinsipial raqibi hisoblanadi. “Andijon”dan “Navbahor” ko‘chib o‘tish oson bo‘lmagandir?
- Albatta, oson bo‘lmadi. Men “Andijon” tarkibida ikki mavsum to‘p surdim, jamoadan ketish qiyin bo‘ldi. Biroq, futbolda kelajakda nima bo‘lishi mumkinligini oldindan aytib bo‘lmaydi.
- “Navbahor” klubi bilan necha yillik shartnoma imzoladingiz?
- 1+1 ko‘rinishidagi shartnomaga imzo chekdik.
- Joriy mavsumda to‘rtta murabbiy qo‘l ostida to‘p surdingiz. Ularning qaysi birini alohida ko‘rsata olasiz?
- Aleksandr Xoyamkov ajoyib murabbiyi edi. Uning qo‘l ostida to‘p surish yoqimli edi.
- “Andijon” rahbariyati Sizni jamoada olib qolishga harakat qilmadimi?
- Rahbariyat olib qolishga harakat qildi, lekin baribir yakunda murosaga kela olmadik.
- Qaysi tarafdan murosaga kela olmadingiz? Moliyaviy tomondanmi?
- “Andijon” klubi rahbariyati bilan har jabhada kelisha olmadik – moliyaviy va boshqa tomonlardan. “Navbahor”ning taklifi menga ma’qul tushdi. Ularning moliyaviy taklifi va kelajakdagi rejalari menga qiziqarli tuyuldi.
- “Neftchi” ustidan qo‘lga kiritilgan muhim g‘alabadan so‘ng, klub rahbariyati 15.000.000 so‘m mukofot pullarini bergani rostmi?
- Ha, haqiqatdan ham “Andijon” rahbariyati “Neftchi”ni mag‘lubiyatga uchratadigan bo‘lsak o‘n besh million so‘mdan mukofot pullarini va’da qilishdi. Va’daga muvofiq asosiy tarkibda maydonga tushgan futbolchilar 15 million so‘mdan, zahirada qolgan va zahiradan maydonga tushgan futbolchilar 30 foiz mukofot pullarini olishdi.
- “Metallurg” bilan safardagi durang (1:1)dan so‘ng klub rahbariyati gol urgan futbolchiga va o‘yinda yaxshi o‘ynagan bir nafar futbolchiga alohida mukofot bergani haqida ma’lumotlar tarqatildi.
- Ha, haqiqatdan ham o‘sha o‘yinda gol urgan Doniyor Abdumannopov va o‘yinni eng yaxshi futbolchisi deb topilgan futbolchiga, ya’ni menga mukofot puli berildi.
- O‘yindan gol urgan va golli uzatmani amalga oshirgan futbolchilarga alohida mukofot puli berilishi qolgan futbolchilarning o‘rtasida kelishmovchilik keltirib chiqarymaydimi?
- Ha, albatta bu futbolchilar o‘rtasida tushunmovchilik keltirib chiqaradi. O‘sha o‘yindan keyin asosiy tarkibda o‘ynagan boshqa futbolchilar norozi bo‘lishdi. Keyinchalik bu holat yo‘qoldi.
- “Navbahor” taklif qilgan maosh “Andijon”nikiga qaraganda necha barobar ko‘p?
- To‘g‘risini aytganda, “Navbahor” “Andijon”ga qaraganda to‘rt barobar maosh taklif qildi. Tan olish kerak, futbolchining faoliyati qisqa bo‘ladi, shu vaqt mobaynida futbolchi yaxshi maosh ishlab topishi va kelajagi uchun zamin yaratib olishi kerak.
- “Andijon” muxlislariga tilaklaringiz.
- Faoliyatining ajoyib ikki yilini “Andijon” jamoasiga o‘tkazdim. Shu vaqt mobaynida “Andijon”da ajoyib jamoa shakllandi va shu qatori men ham o‘sishga erishdim. “Andijon” jamoasida men bilan birga ishlagan barcha murabbiy, futbolchi va klubning hamma a’zolariga rahmat aytaman. “Andijon” muxlislari alohida maqtovga muhtoj emas, ularning qanday saviyada ekanligini butun O‘zbekiston ahli juda yaxshi tegadi. Ularni oldida boshim yerga tekkuncha ta’zimdaman! Ular mening qarorimni to‘g‘ri tushunishlarini so‘rab qolaman! “Olg‘a, burgutlar, Andijonim, jona jonim!”
- Xushnud samimiy suhbat uchun tashakkur. Kelajakdagi faoliyatingizga omad tilaymiz!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
