Ayni paytda o‘z o‘quv – mashg‘ulot yig‘inini Turkiyada olib borayotgan “Navbahor” mazkur mamlakatdagi yig‘in doirasidagi ikkinchi o‘rtoqlik bahsini Qozog‘iston Premyer-ligasi vakili “Oqjetpes” (Ko‘kchatoy) jamoasiga qarshi olib bordi.
Belek shahrida bo‘lib o‘tgan mazkur o‘yinda “lochinlar” ustozi No‘’mon Hasanov maydonga quyidagi futbolchilarni tushirdi: Rahimjon Davronov, Azimjon Ahmedov, Mirzohid G‘ofurov, Davron Hoshimov, Nikola Tasich, Ehsoni Panshanbe, Ivan Solovyov, Marko Putinkanin, Sardor Telyakov, Abbos G‘ulomov, Zabihillo O‘rinboyev.
Zaxiradan maydonga tushganlar: O‘tkir Yusupov, Shohruh Mahmudhojiyev, Farhod Mirahmatov, Mirzohid Mirzamahmudov.
Uchrashuvning 1-bo‘limi keskin kurashlar ostida o‘tib, ko‘kchatoyliklar 2-daqiqadayoq standart vaziyatdan hisobni ochishdi. Chap qanotdan oshirilgan to‘pni “Oqjetpes” futbolchilaridan biri boshi bilan darvozaga aniq yo‘llab, hisobni ochdi – 0:1.
Muvozanatni tiklashga intilgan jamoamiz a’zolari hujumkorlikni ancha kuchaytirishdi va bu 10-daqiqada o‘z samarasini berdi. “Lochinlar”ning navbatdagi hujumi paytida mahoratli yarim himoyachi Sardor Telyakov 20 metrlar chamasi uzoqlikdan darvozani aniq nishonga olib, hisobni tenglashtirdi – 1:1.
Ammo qozog‘istonliklar 34-daqiqada jamoamiz darvozasini ikkinchi marta ishg‘ol etib, tanaffusga 2:1 hisobida chiqib ketishdi.
Ikkinchi bo‘limni hujumkor ruhda boshlagan No‘’mon Hasanov shogirdlari 48-daqiqada raqib futbolchisi o‘z jarima maydonchasi ichida to‘pni qo‘li bilan o‘ynaganligi bois, 11 metrli jarima zarbasi tepish huquqini qo‘lga kiritishdi. Penaltini jamoamiz sardori Azimjon Ahmedov aniq amalga oshirib, muvozanatni tikladi – 2:2.
Biroq 56-daqiqada qozog‘istonliklar navbatdagi hujumni samarali tarzda yakunlab, hisobda oldinga chiqib olishdi – 2:3.
Shundan so‘ng, jamoamiz a’zolari hisobni tenglashtirish maqsadida, yana hujumkorlikni kuchaytirishdi. Ammo hujumlar yakuniga yetmasdi.
Uchrashuvning 83-daqiqasida har ikki jamoa futbolchilari orasida kelishmovchilik yuzaga keldi. Ushbu holatning janjalga aylanib ketishini oldini olish maqsadida, uchrashuv bosh hakami o‘yinni muddatidan oldin to‘xtatishga qaror qildi.
Natijada “Oqjetpes” 3:2 hisobida g‘alaba qozonayotgan ushbu bahs yakuniga yetmay qoldi.
“Lochinlar”ga keyingi o‘rtoqlik bahslarida omad yor bo‘lishini tilaymiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
