Coca Cola Superligasi 1-tur “Nasaf” – “Paxtakor” uchrashuvidan so‘ng bo‘lib o‘tgan matbuot anjumanining ikkinchi qismida qarshiliklar bosh murabbiyi Ro‘ziqul Berdiyev ishtirok etdi va bugungi bellashuv haqida o‘z fiklrlari bilan o‘rtoqlashdi.
— Futbolda birinchi o‘rinda natija turadi. Yigitlarimiz o‘zlariga ishongan holda harakatlanishdi, lekin penalti o‘yin taqdirini o‘zgartirib yubordi. Albatta, bunda futbolchilarimizni ayblamaymiz, bugun butun jamoa bo‘lib yutqazdik. Qayerdadir xatolarga, qayerdadir e’tiborsizlikka qo‘l urdik. Mag‘lubiyatga munosib emasdik, yangi va yosh tarkib bilan amaldagi chempionga qarshi munosib qarshilik ko‘rsatishga harakat qildik. Alamli tomoni, 2:0 oldinda bora turib, yutqazish bo‘ldi, bu juda alamli. Mag‘lubiyatga bir nechta sabablar bor, buni o‘rganib chiqamiz va xulosa chiqaramiz.
— Chempionlik uchun qaysi jamoalar kurashadi deb o‘ylaysiz? "Paxtakor" bilan ketma-ket 2 o‘yinda qatnashdingiz, aynan "Paxtakor" jamoasini favorit deya olamizmi?
— O‘tgan yili "Paxtakor" jamoasini hammadan ustun der edik. Bu yil ushbu gapni ishonch bilan aytolmayman. Bundan tashqari, boshqa jamoalarning maqsadi juda katta. Oldindan qaysidir jamoani chempion sifatida ko‘rsatib bo‘lmaydi, buni mavsum davomida bilib olamiz. Superliganing 5-6 turidan so‘ng holat ancha ravshalashadi.
— Transfer oynasi 12 martga qadar ochiq. Hujum chizig‘i bo‘yicha sizda tanlov yo‘q. Umuman, tarkibga yangi futbolchilar jalb qilinadimi?
— Men jamoa o‘zagini saqlab qolishni juda ham xohlagan edim. Agar 3 nafar o‘yinchimiz ketmaganida, bizga hech qanday o‘yinchi kerak bo‘lmagan bo‘lardi. Buni rahbariyatdan so‘ragan edim, ammo afsuski, bu amalga oshmadi. Menimcha, 2 kun ichida o‘zgarish qilishimiz amrimahol. Shu bois birinchi davrani hozirgi tarkib bilan tugatsak kerak.
— Faysal Traoreni o‘tgan mavsum ham tarkibda saqlab qolmagandingiz, bu yil ham shunday bo‘ldi. Bu saviya bilan bog‘liqmi?
— Faysal Superliga darajasida o‘ynamagan. Shuning uchun biz uni Proliga jamoasiga ijaraga berdik. Agar o‘zini yaxshi tarafdan ko‘rsatsa, keyingi mavsum jamoaga qaytaramiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
