Angliya chempionatining 30-turida «Chelsi» 3 aprel, shanba kuni «Vest Bromvich»ga qarshi bahs yuritdi.
Londonda o‘tgan bahsda mezbonlar 2:5 hisobida mag‘lubiyatga uchradi. «Ko‘klar»ning gollariga Meyson Maunt va Kristian Pulishich mualliflik qildi. «Vest Bromvich» safida Mateus Pereyra va Kallum Robinson dublga erishdi, yana bir gol esa Mbaye Dian hisobiga yozildi.
Uchrashuvdagi hisobni londonliklar 27-daqiqada ochishgandi, ammo oradan 2 daqiqa o‘tib "Chelsi" himoyachisi Tiago Silva maydondan chetlatildi. Shundan keyin ustunlik mehmonlar tomoniga o‘tib ketganini ta’kidlash lozim.
Qayd etish joiz, bungacha «Chelsi» Tomas Tuxel qo‘l ostida o‘tkazilgan 14 ta o‘yinda bor-yo‘g‘i bitta gol o‘tkazib yuborgandi.
30-turdan keyin «Chelsi» 51 ochko bilan 4-o‘rinda bormoqda. «Vest Bromvich» esa (21) 19-pog‘onadan joy olgan.
APL, 30-tur bahsi
3 aprel, shanba
«Chelsi» — «Vest Bromvich» 2:5
Gollar: 1:0 – 27 Pulishich, 1:1 – 45 Mateus Pereyra, 1:2 – 45 Mateus Pereyra, 1:3 – 63 Robinson, 1:4 – 68 Dian, 2:4 – 71 Maunt, 2:5 – 90 Robinson.
«Chelsi»: Mendi, Jeyms, Aspilikueta, Zuma, Alonso, Pulishich (Maunt, 46), Jorjinyo (Havers, 72), Ziyesh (Kristensen, 33), Kovachich, Tiago Silva, Verner.
«Vest Bromvich»: Jonston, O‘shi (Ivanovich, 24; Robinson, 37), Ferlong, Taunsend, Meytlend-Naylz, Mateus Pereyra, Yokushlu, Ajayi, Fillips (Livermor, 89), Bartli, Dian.
Ogohlantirishlar: Tiago Silva (5), Dian (14), Kovachich (66).
Chetlatish: Tiago Silva (29).