“Chelsi” va “Real Madrid” o‘rtasidagi uchrashuvdan so‘ng (2:0), YECHL finali ikki Angliya klublari o‘rtasida o‘tadigan bo‘ldi. Bunga qadar yetti marotaba bir mamlakat klublari finalda to‘qnash kelgan.
“Real Madrid” 3:0 “Valensiya”
2000 yil 24 aprel UEFA Chempionlar Ligasi finali Fransiyada Sen-Denidagi “Stad de Frans” stadionida bo‘lib o‘tdi. YECHL g‘olibini aniqlash uchun finalda Ispaniyaning “Real” va “Valensiya” jamoalari kurash olib borishdi. Ushbu uchrashuv Chempionlar Ligasi yoki Yevropa ligasida birinchi marta bir mamlakatning ikkita klubi finalda to‘qnash kelgani bilan tarixda qoldi.
Uchrashuvda Fernando Moriyentes boshi bilan darvozani ishg‘ol qildi va ajoyib Stiv Makmanaman voleysi “Real” ni 2: 0 hisobida oldinga olib chiqdi, shundan so‘ng, Raul uchinchi golni kiritib, jamoasining g‘alabasini ta’minlagan edi.
O‘shanda “Valensiya” bosh murabbiyi Ektor Kuper, “Real” bosh murabbiyi esa Visente del Boske edi. Ispaniyada “Deportivo” chempion bo‘lgan, “Valensiya” bronza medallariga ega chiqqan bo‘lsa, “Real” 5-o‘rin bilan kifoyalangan.
“Milan” 0:0 “Yuventus” (penaltilar seriyasida 3:2)
2003 yil 28 may kuni UEFA Chempionlar Ligasi finalida Italiyaning ikki jamoasi raqib bo‘lishdi: “Yuventus” va “Milan”. Uchrashuv manchester shahridagi “Old Trafford” stadionida bo‘lib o‘tdi va tarixga kirdi, chunki finalda Italiyaning ikkita klubi birinchi marta o‘zaro to‘qnash kelishdi.
Bundan tashqari, bu uch yil oldin UEFA Chempionlar Ligasi finalidan keyingi ikkinchi milliy final bo‘ldi. O‘yin qo‘shimcha vaqti 0:0 hisobida tugaganidan so‘ng, “Milan” penaltilar seriyasida g‘alaba qozondi. Bu natija “Rossonerilar”ga Yevrokuboklardagi oltinchi muvaffaqiyatini taqdim etdi.
“Manchester Yunayted” 1:1 “Chelsi” (penaltilar serisida 6:5)
/origin-imgresizer.eurosport.com/2019/05/09/2583075-53560215-2560-1440.jpg)
2008 yil 21 may kuni bo‘lib o‘tgan UEFA Chempionlar Ligasi finalida “Manchester Yunayted” va “Chelsi” o‘zaro raqib bo‘lishdi va bu musobaqa tarixidagi birinchi Angliya klublari finaliga aylandi. Bu bitta mamlakatning ikkita klubi finalga uchinchi bor chiqishi edi.
Ushbu o‘yin Rossiya poytaxti Moskva shahridagi “Lujniki” o‘yingohida bo‘lib o‘tgan va shu sababli turnir tarixidagi eng sharqiy final bo‘ldi.
Uchrashuv 1: 1 hisobida yakunlangach, “Manchester Yunayted” penaltilar seriyasida 6:5 hisobida ustun keldi.
26-daqiqada UYEss Braunning uzatmasidan so‘ng Krishtianu Ronaldu boshi bilan “Chelsi” darvozasini ishg‘ol qildi, ammo tanaffusga oz vaqt qolganida Frenk Lempard hisobni tenglashtirdi. “Chelsi” futbolchisi Didye Drogba o‘yin so‘ngida Nemanya Vidichga tarsaki tushirgani uchun maydondan chetlatildi.
Penaltilar seriyasida Ronaldu “Manchester Yunayted” ning uchinchi zarbasini yo‘llagan, biroq Petr Chex vaziyatni bartaraf etgan. Vaziyat Jon Terriga “Chelsi” uchun chempionlikni qo‘lga kiritish imkoniyatini berdi, faqat u sirg‘alib darvoza ustunini nishongi oldi. Keyin Edvin van der Sar Nikolya Anelkaning zarbasini qaytarib qoldi va “Manchester Yunayted” uchinchi yevrokubok unvonini qo‘lga kiritdi
“Bavariya” 2:1 “Borussiya”
O‘yin 2013 yil 25-may, shanba kuni Angliyaning London shahridagi “UYEmbli” stadionida Germaniya Bundesligasi jamoalari “Borussiya Dortmund” va “Bavariya” klublari o‘rtasida bo‘lib o‘tdi. Germaniya chempionlar ligasining birinchi finalida “Bavariya” Mario Mandjukich va uchrashuvning eng yaxshi futbolchisi Aryen Robbenning gollari bilan 2:1 hisobida g‘alaba qozondi. Dortmundliklar safidagi yagona golni Ilkay Gyundogan penaltidan Noyer darvozasiga kiritgan edi.
“Real Madrid” 4:1 “Atletiko Madrid” (q.v)
2014 yil 24 may, shanba kuni Portugaliyaning Lissabon shahridagi “Estadio da Luj” stadionida Ispaniyaning “Real Madrid” va “Atletiko Madrid” jamoalari o‘rtasida YECHLning final o‘yini bo‘lib o‘tdi. Bunga qadar, aynan bir shaharning ikki klubi musobaqa finalida ishtirok etmagandi. “Real Madrid” qo‘shimcha vaqtdan keyin 4:1 hisobida g‘alaba qozondi.
“Real Madrid” 1:1 “Atletiko Madrid” (penaltilar seriyasida 5:3)
Bu o‘yin Italiyaning Milan shahridagi San-Siro stadionida 2016 yil 28 mayda Madridning “Real” va “Atletiko” jamoalari o‘rtasida bo‘lib o‘tdi, 2014 finalining takrori. Musobaqa tarixida ikkinchi marotaba bir shahar vakillari finalda to‘qnash keldi. Serxio Ramosning goliga Yannik Karrasko javob bergan va uchrashuv penaltilar seriyasiga qadar yetib borgan.
“Real Madrid” penaltilar seriyasida 5:3 hisobida g‘alaba qozondi va musobaqadagi 11-unvonini qo‘lga kiritib, o‘z rekordini yangiladi
“Liverpul” 2:0 “Tottenxem”
2019 yil 1 iyun kuni Madrid shahridagi “Vanda Metropolitano” stadionida bo‘lib o‘tgan YECHL final uchrashuvida Angliya jamoalari “Liverpul” va debyut finalchi “Tottenxem” o‘zaro tuqnash keldi. 2013 yildan beri kamida bitta Ispaniya jamoasi ishtirok etmagan, shuningdek, Chempionlar Ligasining video assistent referi (VAR) tizimidan foydalanilgan birinchi finali bo‘ldi.
“Manchester Siti” – “Chelsi”
O‘yin Istanbuldagi “Otaturk Olimpiya stadioni”da 2021 yil 29 mayda bo‘lib o‘tadi. Aslida Istanbul shahri 2020 yilgi finalga mezbonlik qilishi kerak edi. Pandemiya sababli joriy mavsumga qoldirilgan edi.
“Manchester Siti” va “Chelsi” Angliya kubogi yarim finalida o‘zaro to‘qnash kelishdi va unda “Aristokratlar” Hakim Ziyeshning goli evaziga “Shaharliklar”ni mag‘lub etdi.
APL doirasida Birinchi davrada “Siti” 3:1 hisobida ustun kelgan. 8 may kuni chempionlik o‘yini bo‘lib o‘tadi. Manchesterliklar g‘alaba qozonishsa, chempionlik masalasini hal etishadi.
Tayyor turing: Ispan va nemis futboli to‘qnashuvi Angliya jamoalari talqinida.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
